Rollercoaster

發夢都想不到，我Betty會加入半政府的公營公司工作！
尤在在肺炎加政局極度不穩的時期，好多公司炒人，而我幸運地找到這份福利很不錯的工作 (雖然人工唔算好高)，但就是穩定，起碼香港淪陷，我公司應該會是最後一批要裁員的公司。

尤記得媽媽經常想我加入政府，因為她覺得很穩定，不用擔心生活。

不知道是否媽媽的庇佑，我在香港最艱難的時期找到這份算是很不錯的工作，剛巧有人要退休，所以才有這個空缺，否則公司根本不會再請人，而且這裡的人一做幾十年，文職基本上空缺是極少。我也是以極優秀的interview表現嬴得這份工作 — 是我老闆講的，揀我是因為覺得我跟其他candidates唔同，而且睇中我英文好，及多年PR經驗，他想改革條team，覺得我這個思想和past experience比較trendy的人適合協助他進行革新。

對此，我感到很感恩。

雖然現在初段pick up得很辛苦，但我會好好努力的。

而且…….

我竟然在這裡遇見心儀的男生 🙂

是很久沒有的感覺！

我工作以來主要跟女生合作為多，我現在工作的部門以男生為主，所以我感覺非常舒服，我一直很想進入一個以男生為主的工作空間，女人實在太麻煩了！

不過這裡的男生大部份都已婚，未婚的都細過我，大約25-28歲。我想也是很正常吧！大概我是遲了10年進來，一個30出頭的男生，正常的都已經結婚。

雖然我見佢無戴介子，但我覺得都不可以作準。

由於我近年都是上網識男仔，大家相識都是以relationship為前提；但是現在大家是同事，我反而唔係好識點表達自己，太nice唔係，太cool又唔係，我諗我盡量都係cool一點好，我之前都試過太nice會墜入左friendzone，令佢無想追求的意慾。

但我諗first thing to do is to find out if he is married，很多時候，覺得這樣好的男生，點會是單身…… 但我學習到要相信，一定要相信這個世界還有好的單身男生，你才可以擁有。

In case he is married，就是命，都無辦法，但起碼有這樣一個我心儀的香港男生存在 🙂

就是會很想回頭偷望他，也很留意他有無出去做野，然後明明知道他經過，都扮專注工作望唔到佢…… 其實我每一刻都在留意你呀！雖然我唔知佢對我什麼感覺，大概只是普通同事的關係，但我希望時間能製造機會令我們了解大家更多。

我近年都是跟鬼佬約會，大家的溝通方式真的很不同。

希望我能夠把工作做好，又可以在這間公司識到可以開花結果的好男生啦！

Let Go

人生最痛苦的事，就是不能夠放手。

大家一起的回憶，大家相識了多長時間，沒勇氣放手，不捨得放手。
愈想起大家分開有多可惜，自己就愈不開心。
這根本就是用別人的錯誤來懲罰自己，也是不夠愛自己的表現。

沒想到，我跟Janet已經沒有聯繫9個月 – 由我媽媽病重開始。

我有告訴她媽媽是什麼病 – 這是我不跟任何普通朋友會說的事，但因為我當她是好朋友，所以我一向都是毫無保留的表露自己。好朋友不應該就是這樣嗎？就像女人的bra，一起很舒服，supportive有什麼事承托著你。

其實我們沒有聯繫沒有什麼特別的原因，相信都是累積回來對大家內心的不滿。那段日子媽媽病重，展開了我們家非常沉重的醫療開支，那時我工作很不開心決定辭職，被我哥哥鬧得狗血淋頭，因為這段時間我們十分需要錢，要說辭職的細節和原因，真的要再開另一個post，我有充分的理由，亦從來沒有後悔，更不覺得這是不孝，因為我有莫大的苦衷。可是，苦不堪言這件事，就是啞子吃黃蓮，有苦自己知。

總之那段時間，簡直是我人生的谷底，我很幸運我以前同事請我做part-time，所以我也有微薄收入，同有時間陪媽媽進出醫院。我記得在我們中斷來往的前2個message，第一個，她問我找到工作沒有，我說沒有，在找，但媽媽身體不好沒有太大心情找，然後她就無再覆過我，也沒有問候我媽媽的病情，或者我作為親人有多擔心，應付得到嗎？- 一句都沒有問過。

然後她好像發了一些化妝品的link給我，就是平常我們久不久都會發給大家，但我實在沒有心情，也沒有錢去扮靚，然後我們就開展了大家都不找大家的田地。

我發夢也沒有想過她真的不再找我，我8月找到工作，有想過做主動找回她 (當時大家已沒有聯絡3個月)，然後我想起一個鐵石心腸，毫無同情心的人，我真的想繼續跟她做朋友嗎？

到10月,是我倆的生日,沒想到連我的生日她都沒有找我,這很明顯不是忙,或是其他原因,她就是不想再找我。她的生日其實比我遲幾日,那時我想如果她找我,我們就破鏡重圓算吧,但她沒有,我當然都沒有祝她生日快樂了°

有朋友說，可能她只是不懂得關心人，and yes probably YES，但我發現人大了，不能夠接受一個自私，不懂關心他人的朋友。

又或者，她也得了重病？或她屋企人？

I don’t know, whatever it is.

One of the biggest lessons I’ve learnt is not to hold on to relationships or friendships just because of the memories or how long you’ve known the person. If they don’t want to act right, LET THEM GO.

我跟Janet關係的缺裂，其實源自大家在工作﹑男女關係的價值觀非常不同。Janet is typical number 1 person，1號人好自我，容易睇人唔起，要成為他們親密的人，你必須要跟他平起平坐。我對上一份工作在人事上很不開心，我認為被同事漠視及不尊重對待，這其實基於公司是銷售業務性質，而且是英國公司，D人特別黑人憎，她就開始覺得我幼稚，30幾歲人都唔識得處理人際關係。

「我響20歲那年已經識得打關係上位，我份白宮的intern都是這樣拿回來。這些假惺惺﹑擦鞋的技倆，我20歲已經學識，唔係你而家30幾歲先來學！」聽起來語重心長，但她的語氣是瞧不起我的語氣。

我們之間的差別，在於我改變沒太多，變的是她。她為了上位，連自己老闆都背叛，是她老闆帶佢入行，請佢返來，後來經濟差，公司重組，老闆「被辭職」，佢竟然一早同死對頭那組的老闆打哂關係，仲響佢老闆未俾人炒之前已經調職去另一team，你話幾落自己老闆臉？幾咁忘恩負義？

「This is business world, I don’t find anything wrong with that. 架船沉緊，唔跳船唔通攬住佢一齊死咩？」

或者有好多人都會咁做？但我認識的她從來不是這樣的人，那時我覺得她做人不太有道義，但沒再深究下去，反正我們不太多時間講公事。直到我媽媽病左，我先慢慢recall，她這樣自私的人，只會考慮自己，hell care how is your mom doing?

Embed from Getty Images

第二樣，就是由我去英國開始，我展開了我的causal dating之旅，Basically那些男生我都是上網識，然後date 3-4次，我就會同佢地上床，我都只係講少少，因為始終係好私人的事，而且我當佢係friend先講。她認識我7年，都知道我一向是個很乖的女仔，絕對不是水性陽花的女人，英國時的behaviour，只是想玩﹑想見識，因為我知道返來香港就無咁既機會，或者心態去瘋狂。而且我識的男仔都係正常人，有些係追緊我，有些純粹for sex，我覺得我咁大個人，同single，I have sex needs too，去做呢D事完全無問題，但我無諗過佢係極保守的人。

Janet屋企其實響三藩市郊區約2小時車程from city，那時我去三藩市，咁岩佢又返屋企，我就提議去探她。首先佢拒絕出來city同我玩1,2日再接我入去，佢係sent a bus link叫我自己搭巴士入去，well its fine都無所謂，我明既，來回要揸4個鐘車同埋佢果陣好似岩岩出完差好攰，但最離譜的是，她說︰

「你玩還玩，唔會帶D男仔來我屋企」

我當堂呆左，what the fuck are you saying? 你當我係咩？同埋我點解要帶個男仔去你屋企？

「我唔知你會唔會玩得太開心，叫佢車你來我屋企過夜。」

我即刻屌9佢︰「你當我傻既咩！我要搞都唔會去你屋企啦！同埋我唔知點解你會咁諗我。」

(開始縮) 「Don’t get me wrong，我媽咪係好保守的人，佢接受唔到有陌生人來我地屋企，it did happen to us so we are aware (屌，我真係唔知邊個朋友帶個男仔去佢屋企然後跟我掛勾？！) 我只係同你講聲先，just in case you would」
然後我當然他媽的無去佢屋企啦！

坦白講，我去真係只係探佢同auntie架咋，我要搭2個鐘車入去架！真係為左你果晚免費住宿咩！

我除左覺得佢好自私，仲令我覺得好傷心，傷心在作為我朋友咁諗我，feeling ashamed在這些說話是對任何一個女性都是侮辱，她竟然毫不客氣的講出口！

而呢件事，一直令我耿耿於懷，我有段時間當無野，大家都無再提，到而家咁樣，其實我唔主動再搵佢係因為呢件事，原來我發現自己好嬲佢。我珍惜這份友情，一直忍住道氣，到而家，或者是一個好時機畫上句號。事實亦證明，佢都好瞧不起我，都無意慾要keep我呢個friend。

最奇怪是，佢有非常矛盾的道德標準，佢有同我提起公司新來左個女仔，同個CEO好熟，類似係以前的同事，而這2個人，告自都結左婚，但關係很曖昧，全公司的人都知，甚至出差，個女仔text Janet:

“It is cold and I am feeling lonely, and Michael is in the next room…”

嘩！真係發姣學到出哂面！

你結左婚就唔好搞咁多野啦！奇就奇在Janet竟然同D咁既人做朋友，但覺得我單身去識男仔有問題？(有幾多人識男仔，係真係只係「識」呢？不用畫公仔畫出腸吧！)

「我同Flora有提起過你，我地都覺得你正正經經一個女仔，點解要用呢D方法識男仔」

OK I am done with it.

一個明白你的人，點都會明白。

同埋無經驗的人真的點講佢都唔會明。

And yes, 佢無必要要明。

很多人說想看我的2020 Resolutions，我會抽時間寫，但可以先分享第一項︰

不要跟任何人輕易提起你的私事，就算是你認為有多好朋友﹑多可以信賴的人

沒有人會真的明白你，除了你自己。

你自己的事，也不必向任何人交代和解釋。

空虛感

有時一個人無事做的時候，我會不自覺地數數自己從英國回來多久，感覺是幾個世紀，但原來我只是回來了香港1年零3個月，真的…… 是渡日如年！

唔知點解，我在香港總是感到不開心，一離開香港呢，我就像是另一個人，比如在英國，我也忘了為什麼連打多一篇blog的時間都沒有，忘了我約會過的男孩是如何識返來；就算是近期的美國之旅，我都是日日都好充實好有滿足感，有「找到自己」的感覺。

其實我都唔明，點解我響外國可以date到暈，而香港我是一個男人都無識過。如果不是中間涉左個美國，真的OH MY GOD，是整整一年沒有嗅過男人的味道！

我打開Coffee Meets Bagel，勉強識下港男，真的唔知點解港男們，上網係識女仔，但張張相不是戴住副超，就是側面，更離譜是背面，又或是超級遠好似航拍的距離影出來是一粒人，對，是一粒，咁你影來把托咩！？我真的非常不明白，而這些profile不是冰山一角，係好多都係咁，又要怕人認出又要上網識女仔，港男真的好白痴！

真的，按不下一個心心，但有時真係太悶，勉強say yes幾個，就是完全傾唔到計，講的話題好無聊。我已經好努力，但唔知點解港男吸引唔到我，我亦吸引唔到港男。

公司呢….. 做了一年了，發覺sales同admin跟本玩唔埋，大家不會是做到朋友，更遑論一齊出去玩。我初join公司初期，懷著以為自己總算去了英國一年大概了解鬼佬的天真的心，去過1,2次company drinks，之後就慢慢格格不入。公司識鬼佬的夢也醒了。然後身邊一群小我5-10年的小妹妹同事，令我覺得自己完全混入一個錯的social circle! 不是我看不起她們，而是不論年紀同工作經驗大家也爭一截，所以我都拒絕了很多她們的飯局。

現在的我，就是高不成低不就。

Embed from Getty Images

過去一年，反而睇清好多事。在我未去英國之前，很多事情我都會覺得自己見識不夠多，然後埋怨香港給不了一個理想的發展空間給我。於是我決定出走英國一年，跟英國人﹑歐洲人共事，到返到來香港，覺得好多以前都認為有的不公或問題，在我出外打滾一年後仍然存在。原來，這個世界，去到邊都係一樣，

渴望移民的香港人，也請三思再三思，人離鄉賤的苦，試過你都知有幾慘！

那留在香港好嗎？不好。對於一個曾經放棄所有出走的我，絕對有資格分享，無論出走定留響香港，我都唔係幾開心，我一直憧憬可以嫁去外國，有老公倚靠一下，咁樣一個女仔過到去就無咁慘 — 我明，男人靠唔住，亦唔應該期望可以倚賴佢，但總好過自己一個女仔毫無方向的亂闖。所以雖然我仍然成日諗點樣離開香港，但實在再沒有出走的勇氣同本錢了。

份工愈做愈頹，我辭職了。我是想了很久的決定，我需要的是轉變。

Janet說，我轉工的頻率，已經密都無乜所謂了，即已經無話jump唔jumpy，因為實在好jumpy，有1年定2年，對於僱主來講已經無乜分別。

我很感恩在我的人生上遇上Janet，她是一個無論如何都百分百支持我的好朋友，我很了解我，知道我所有抉擇的苦衷。她雖然嘗試去明白，但有時都會反對，覺得我不可以再遇上挫折就放棄，而最後她分析到的是，我沒有好好去細想什麼工作適合自己，所以只能唔岩就轉唔岩就轉，最後正常的人愈攀愈高，我就在個食物鏈的底部浮沉。

其實我都知個問題，所以3月我想好好給自己一個break，想清楚要行的路。Well I know, 30幾歲先響度諗前路。或者之前我太focus拍拖，到而家我發現實在不可以靠任何人，又或者已經對拍拖死心同感到好疲累，雖然30幾歲有點遲，但希望今次的轉變能夠找到自己喜歡做的事，令自己真正的開心快樂。

香港的鬼佬

公司一堆鬼佬，但在這食別在這痾，大家也深明這個道理，所以我估計他們去叫雞都不會搞公司的女仔。而我作為一個女仔，有乜東窗事發真係水洗都唔清，何止cheap，仲唔知會俾人唱成點。而且香港行頭好細，人也很八，真係容乜易唱通街。而且我公司有8成都是英國人，是我最討厭的民族，sorry，種族歧視一向都存在，我們中國人到現在都俾人蝦到暈，我也有權討厭任何一個民族。

我在英國住了一年，也交不到一個知心的英國朋友，跟我還有聯絡的都不是英國人，而倫敦有一半以上人口都不是英國人。英國男人嘛，就更是非常不愉快經歷，永久black list!! 自大﹑cheap (人格+金錢上)﹑非常自私﹑皇帝病 (已經超出王子病)，真係以為自己是威廉王子，或是碧咸。我一識鬼佬，我一定會問他是來自什麼國家，英國人我真係會打冷震，直頭有些恐懼，I am not kidding，我內心有著強烈的陰影，事隔1.5年了，我還是會想起他，絕不是掛念他，是一種恐懼，同心傷。算吧！我也不想提了，我知道當我找到新男朋友，我才能夠徹底的忘記他。

所以公司一堆的英國人，我就是無乜好感。加上英國人本身性格寸寸地又自傲，我更加無興趣 – 佢主動追我另計，但無，嘿嘿。

交友app上，真的好難識，因為我在美國時都是用同一堆相同self intro，而我每天是10幾20個訊息，最後我是要西走部份人，因為我無時間見哂所有人。但唔知點解，香港就是無。而昨天我終於見第一個鬼佬，是law firm的partner，是partner呀！但是個40幾歲的美國大叔！但因為我見佢有學識，姑且見個面，叻既人是真的很不同，佢識好多野，反應好快，好識challenge我 (come on 律師呀！)，同佢好識問一些問題打探我底細。Well 我Betty無乜秘密，也沒什麼唔見得光，我不是有錢女，不介意你知我住邊 —- 我知你點解問我住邊既。我Betty如他所說︰

You are very unusal. You are a very smart girl

嘩，真係多謝哂！連大律師都咁讚我 (沾沾自喜中)，我唔care他是否吹水，反正我Betty也自覺是個很聰明的女生。而的確有個位我是串到佢，我想是他太低估我吧，覺得我只是個做admin﹑迷戀鬼佬﹑貪慕虛榮的港女。

I dont care人點睇我，因為非事實。

這個鬼佬，以為自己有幾個錢有寶咁，始終佢年紀大，又不是靚仔，我亦無問他有無離過婚，如果有，加埋其他family background，都也不是咁巴閉，可能只有好貪錢的港女先會同佢一齊，又或者他應該target返些>40的港女，同佢一樣咁高學歷的。

他想再約我食飯，我沒即刻應承，跟住又無左下文。

咪想搵我涉時間，沒誠意的，我也不會花1分鐘在他身上。我一定要是first choice，而不是A﹑B﹑C沒有睬佢的choice D。我成日都話，上網識男仔呢，take it easy d，只要location近自己，而他不是帶你食cheap野，不妨一去，食餐飯傾下計。還看這位大叔會否再約我。

抱歉，真的沒有其他貨了。

Embed from Getty Images

這個聖誕，會否搵到個靚仔起碼過個佳節？Christmas nights stand 🙂

Where are the quality men?

在新公司上工已經快5個月，也是時候綜合一下所見所聞。

公司是multi-national，香港office有150人，直到現在，我還未能一一認得所有同事個樣同名。公司很鼓勵internal transfer，所以周不時都有其他國家的同事調來香港，駐守不同國家的高層也regularly來香港開會。所以公司就是經常出現不同國家的同事，或是一些陌生的臉孔。

公司有好幾位靚仔中至高層鬼佬，全部不過40不過絕大部份已婚，只有2個是single。一個的女朋友是公司的，年紀明顯較大，也不是典型的美女，普通到不可以再普通的加藉港女。由於我坐在鬼佬對面，witness那女的一天走過來最少3-5次，每次都帶點食物，早餐是handmade sandwiches，午餐一個大膠盒 (相信是salad or cold pasta)，其餘時間純粹過來依偎一下，宣示主權 THE BOY IS MINE! 猶幸男的很受落，大慨有些男人都是喜歡有人照顧，像Prince Harry說不用擔心Meghan，反而是Meghan倒過來照顧他，這是其中一樣非常吸引到王子的元素 – she is different from other girls which need lots of my attentions.

那男的昂藏6呎4，女的比我還矮，應該只有5呎2，真的不明白他們怎樣kiss? 怎樣make love? 我最高的男伴是6呎，我覺得就岩岩好，再高點其實有點一頭大灰熊壓著一只小白兔的感覺，呵呵，聽起來蠻可愛的，但身高太大差異總覺得有點怪怪的。

坦白說，在公在私都不應該這樣頻繁的走過來，在公，條女只會俾人感覺好得閒 (well 不過佢有數既)，辦公室依偎俾人感覺核突同cheap (雖然佢係突登話俾所有女仔知 I AM HIS GIRLFRIEND)；在私，個男人係要出去滾點都會，不是你一日走來幾次就唔會。不過可能每對情侶相處的方法都不同啦。個男仔真係好好，又靚仔又純，工作上又出色，而且佢超級勤力，作為兩teams之首無見過佢偷懶，很多directors會蛇王出去大半天，但他除了正常見客，大多數都在座位工作。(都話佢坐我對面咯！所以我會見到聽到)

Well 無奈地，the guy is TAKEN.

於是所有女同事焦點就落在唯一single的associate director身上，他跟Betty同年，但已經做到呢個位，而且是由倫敦調過來的。我跟他坐得好遠，而且不同team，所以不太熟悉他，但他是以寸﹑cool﹑aggressive﹑arrogant為名 (typical English… not surprising)，男生很討厭他，說他對眼生在額頭上，看不起人；他對我嘛，見到其實都會微笑，我想這是最基本的禮貌吧！

雖然我跟他不算熟，但若要綜合這幾位quality men，依我了解他們的性格﹑工作routine﹑社交圈子 (at least in my office)，我覺得除了朋友介紹，其他女仔是無可能識到佢地的。

何解？

上網識？Tinder, Bumble, Coffee Meets Bagel個樣上哂網，仲要打個profile，始終是中高層，周街同人講自己是single，俾同事發現到咁cheap，一定唔會做！！！

Meetup events? 無質素九唔搭八的events他都一定不會去。我諗佢會去某些networking events，但一定同佢工作有關係，或者佢可以識到客/ 對工作有幫助的人，一些純粹識朋友的happy hour events，以我理解的他們，都一定不會去。除非有朋友是搞手，到場支持下，但這個比率又有幾高呢？

所以雖然我們推論他是single，但我感覺上他是寧願一個人，都不會「周街揚出去搵女朋友」。朋友介紹就唔同，low profile無人知，唔會整cheap自己 or makes himself desperate for a girl。

Worst case，咁有錢可以去叫雞。

我覺得Alexis Ren真係好sexy好索，我女仔都心心眼

大家勿諗到叫雞好negative，其實不知幾多quality men叫雞，而雞的質素是超級的好，就是名模級。其實有不少女生出去玩都是offer sex for free，如果有點條件包裝下，真的不如做雞，可以揀客做，做著靚仔又有錢又只是暫時無女朋友的，真的非常快活。咁當然要有Alexis Ren咁上下的質素先有資格咁講~

** 利申︰這只是我的見解，不代表文中所提及到的人物牽涉「叫雞」這件事上。

然後我真的認為，要識quality men，要從朋友入手，一定要擴大自己的圈子，識有質素的朋友。Meghan Markle是搞慈善events識到Prince Harry的。

上網識都是o徒氣，你們熱烈討論的Lovestruck – 我再講多次，要俾錢咪傻啦！要俾錢不如玩Tinder/ Bumble/ CMB，全部免費，男士質素也差不多。但我有點覺得，如果你自認戀愛經驗不多，上網識好易俾人呃，呃錢我倒未遇過，但呃上床的，網上非常非常之多，各位姊妹要小心！這些賤男專吼準一些單身良久的寂寞女士。所以如果你自認單純又想搵男朋友就不要上網識喇，反而去那些meetup single parties仲穩陣！我meetup都收過好幾個男士messages話想同我做朋友，我睇佢張相同佢follow的groups都好正常，只可惜我對chinese沒甚興趣所以無覆過。Follow多些quality groups，有些男士真的會search & click入去睇有咩女仔。

Yoyo這些，也不是良家婦女，都唔知玩過幾多個，同埋佢人品都係materialistic & bitchy那種女人，所以佢會handle到上Tinder識。網上的男人警覺性咁高，也是因為有好多像Yoyo的女人呃男人錢，呃飲呃食。所以我是男人，真的不如叫雞，像Yoyo的女子，使幾千蚊都未必食得到 (真係好巴Q閉的呢~)

In short，低質素的meetup events我已經無去好久了，我反而真的很多時候都在家，做運動﹑插插花﹑睇小丸子﹑做facials — 這其實令我覺我好開心的，因為我很enjoy quality time for myself。我深明柄埋屋企不會識到男仔，但更加明白識一些九唔搭八的人是浪費時間同金錢。我其實在整裝待發，裝備最好的自己，出席最好的場合，不想應酬無謂人。

低質素的共處，不如高質素的獨處。

樣貌身材遜色的女人

已經變成肥師奶的Tasha，唔聲唔聲appraisal老闆加左佢10%人工，而這個percentage其他同事一定唔會有，因為公司不太賺錢，而佢老闆好孤寒的，新年只派50蚊利是。

Tasha絕對是扮豬食老虎的女人，佢唔係叻，又唔係靚，而家仲要肥，一路事業上反而穩穩陣陣，好少聽佢講有什麼是非和煩惱。You know why，就是她這樣平庸的人，同事都不放她在眼內，工作上唔驚佢搏上位，樣貌上又唔驚佢姣到男神同事。所以我話佢唔聲唔聲，她的同事應該發夢都想不到佢應該是人工加幅最多的員工。Tasha其實等左呢日好耐，工作量增多佢一直唔敢出聲，逆來順受，其他team directors點佢做野，佢忍 — 就是等appraisal這一天有技巧地盡訴心中情，說明自己的努力﹑自己的委屈，但辛苦不要緊，最緊要幫到公司﹑幫到同事。雖然這幾句係我自吹，但我認為佢絕對講得出口。

情路上，我不少性知識同避孕方法都係佢教，還有不少男人心態﹑溝仔技巧都係佢教。例如她會教我︰

1. 多點跟男生講電話，尤其初相識時，了解多點他人品才付出時間跟他約會
2. 鬼佬經常以工作為由遲覆我message (講緊是大半日不是2,3個鐘！)，她會叫我約好但臨要上佢屋企時放佢飛機，等佢明白苦等的感覺

我同佢識左10幾年，我都真係估佢唔到！香港時，因為乖點 (嘿嘿~)，又無咁多男性朋友 (別誤會，只係1年間比香港時識得多)，所以太personal既野我地唔會講；但英國時因為好無助，同有一次遲了來period嚇到我好驚，我先問佢關於懷孕的問題，然後佢就分享了很多性技巧同點樣令男人開心… 其實無論講拍拖同性經驗我一定唔夠佢多，過去10年，佢有3個各拍了幾年的穩定男朋友，加上小朋友都生埋，所以佢係我一個好好的傾訴對象。只係講到sex時，我無想過她這樣眉飛色舞。

Embed from Getty Images

重申一點，我不覺得自己好索好吸引，但我是會扮下靚返工，工作上鱷魚頭老襯底的人。D人覺得我個勢好似好勁好aggressive咁，其實我是懵下懵下唔係好識為自己爭取，更加唔識擦鞋的人。但Tasha絕對不會給人這份感覺，等如我識佢10幾年都無諗過佢會睇AV學性技巧。

嗯，我要開始諗下review時點樣開聲爭取加人工。我阿姐話，公司一向沒有review salary adjustment的慣例，但明白我好介意少左截人工，最後的決定權，就落左我個鬼佬老闆度。我心諗，鬼佬自己new to Hong Kong and the company都自身難保，點會諗到幫我爭取加人工，我又擔心佢跑唔夠數都無牙力幫我bargain人工。唉… 我要錢呀！

Move With Your Cheese

不知道大家有沒有看過 ‘Who Moved My Cheese” 這本書。Cheese被比喻為工作或生活，人是很怕改變的生物，例如習慣了舊有的工作模式或寫意優閒的生活，但周邊環境變化的時候，只會怪things not right，「以前都唔係咁既？」﹑「我做開唔係咁架喎」，亦即書名 “Who Moved My Cheese”。沒有人移動過你的cheese，只是前往cheese的路徑可能已改變，甚至是cheese是會過期﹑會發臭的，這些都不是你個人可以控制的因素。

If you don’t like something, change it;
If you can’t change it, change your attitude
(sorry forgot the source)

If you don’t let go of your unwanted things,
there is no space for your wanted things
(from my yoga teacher)

簡單來說，人要接受轉變，不可以食古不化，一成不變。

只要你嘗試轉變，才能夠享受fresh cheese的美味和其帶來的快樂。

Embed from Getty Images

較早前找工作時，我給自己定下了以下目標︰

1. 老闆一定要係男人
2. 老闆一定要係鬼佬，總之唔要香港/ 大陸人
3. 公司一定要在中西區
4. 一定要係大公司
5. 一定要係外國公司

而我沒想過，現在做的公司，符合了以上所有條件。

在2018 Resolutions中提及過其實我有2個job offers，第一個offer是一間非常大的iBank，first interview一口氣in了3個人，共in了1.5小時。入iBank一直算是我的小夢想，不過入到去是在一間很大的公司做一個很小的post，而且現在超過70%的iBank post是外判加contract制。適逢Janet男朋友Anthony是同一間bank工作，我將所有工作細節告訴他問他意見，他非常老實的說︰

「我們不會跟contract/ outsourced的人做朋友，他們的staff card是不同顏色的，我們一看就知道」

然後我腦海中公司annual dinner可以盛裝出席﹑Xmas Party可以一齊玩識高質素的同事的幻想即場幻滅！ Anthony說得對，如果你是外國名牌大學Master返來的perm staff，你也會覺得一些英文不是native的locals是兩個世界的人，單是人工已經爭10大截！這是現實，我感激Anthony如此誠實的告訴我。

他續說︰「如果你take份job，你要諗清楚你鍾唔鍾意份工，是否你想要的前景，而不是間bank的名氣。你唔同fresh grad當係入去見識下同學野，如果你有返8年工作經驗，我不覺得這份工俾到你想要既career path」

而這份工的前景是accounting，我在Linkedin search，也發現我條team的人全部account/ finance出身，而且資歷比我淺很多，這也是我被壓價的主因。

而重點是，iBank的reference check非常嚴謹，簡直查家宅咁，尤其我過去一年在英國，所有工作證明都要go through我英國的僱主，還有無犯罪證明，當然少不了我過去5年在香港的所有job references，每份job多於2星期的gap都要申報及解釋原因。那份有差不多10張spreadsheets的excel，填到我頭暈！而整個reference check程序，需時1個月。所以我跟agent簽約後，一直覺得好不安，硬是覺得萬一ref check有什麼問題，他們可以一腳伸開我，到時我白等1個月咪戇居？！

於是我當然繼續搵工，搵到而家呢間，初時其實心還是在iBank的，所以去in時好輕鬆，因為我有野揸手 (這真的跟識男朋友好似啊！所以「不認真的dating」真的點都好過single乜七都無！) 而人工上，因為iBank是contract，所以無bonus & double pay，而我第2份是perm，有bonus & double pay，所以加埋比iBank其實人工更高。

到收到offer，我諗左幾日，想起自己打的blog所列出的條件，竟然樣樣都符合了，那還猶豫什麼？

1. 老闆是男人
2. 老闆是英國人 (簡直同我同聲同氣，哈)
3. 公司在中環
4. Global大公司
5. 英國公司，總部在倫敦

其實我不覺得因為我在英國生活過所以請我，只是他們喜歡我的性格，同我英文比一般locals特別好。入到去做，先發現所有人都是外國返來/ 外國人，我是跟其他幾個小貓三四隻的local入到去做。記得我interview時，他們見我由細到大都是香港讀書很嫌棄，對呀，我一直覺得所謂的ABC識講native English就好巴閉就好不公平。我interview時也說，我由細到大夢想是到外國讀書，可惜一直無機會，屋企人負擔不起高昂的學費。

像Janet的竹昇妹，一返來香港就人工高我們locals一倍，自小外國長大，是不會明白我們locals是要多麼多麼多麼的努力才可以攀上這個level，香港學英文，點樣可以學到近native (當然外國人是聽得出我有中文口音)；一般人是要讀書讀到有幾多個A，先可以拎100萬schlorship去讀大學？一切一切，所有ABC都不會明白，因為他們根本不需要付出任何野，就得到我們香港學生好辛苦好努力先得到的一個機會。

我somehow覺得我是碌入去做，咁岩有vacancy，咁岩年尾急用人，就請左我喇！

在我非常猶豫不決的時候，我是真的回看自己寫的 “理想老闆”，我當初最想要的是什麼？為什麼很明顯第2份工符合我想要的，但我卻動搖？

Recruitment agent對我withdraw the offer，氣上心頭，打來發我脾四。或者她從沒想過有人會withdraw an iBank offer。條八婆成個2月根本無搵過我，無follow up過我，簽份約就以為可以綁住我，不負責任又唔專業！公司俾咁多錢幫我做reference check，等左我1個月，一定都好嬲我唔做，但更嬲是個stupid agent，應該以後永不錄用。俾著我都唔敢再搵佢幫手請人。

但再次地，我看自己的2018 Resolutions，真的不要對人太好，要學習對自己好D。當我拎左第2個offer的時候，我真的有諗過話聲俾agent知，但Janet & Tasha都叫我唔好講，因為reference check未完成都唔知係點，agent小姐也無任何update，講左對我無著數。

然後，我終於感覺到，對自己好D的感覺是有多窩心。看見她氣憤，我覺得我終於能夠將自己「擺高D」，唔好以為無人想爭我；她也應該得到一個很好的教訓，就是要用心對candidate，關心一下她，make a phone call is so simple，say個hi問候下人，唔好以為簽左約就等人自生自滅。講真，那份stupid contract，是保護她自己不是保護我，一開始是她自私行先，那我何須理她感受？

我希望對感情，我都可以這樣狠心，好好愛自己，留最好的給自己。

英國的懶人社會

英國經濟其實好差，尤其Brexit宣佈後，他們的內部政局非常不穩，因為一半贊成，一半極力反對，原因是對英國短期性的經濟有很大的負面影響。英國人，懶到無人有，最慘係性格又自大，不會檢討自己，無視很多經濟及政治的計時炸彈。單單是恐襲，倫敦已經是IS的頭三要襲擊的城市，我去之前都唔覺英國人咁乞人憎，去完真係覺得呢班人好抵炸。

英國的治安也不好，得個死人機場係咁check你的行李 — 我真係好憎由倫敦出發搭飛機，每個機場都鬼死咁遠不在話下，LCY要人將所有liquid/ paste塞入一個鬼死咁細的膠袋仔度，仲有個zip要zip到100%先俾你過，否則要你掉走一舊。我總是覺得英國人做事很喜歡將重點放在錯的地方，與其你咁有原則限人帶得幾支試用裝驚人炸飛機，倒不如花多一點時間去整頓市中心的治安，come on! 成街都係賊，旅遊區好多小偷 — 沒錯！一般人會覺得倫敦是一個很安全的城市，這其實是英國政府自欺欺人的技倆，成日包裝自己又叻又靚，等人無防範之心，所以我都俾人當街搶了電話！巴黎﹑羅馬﹑巴塞隆納多小偷係人都知，政府都認，呼籲遊客要小心，但英國？只會話︰「無！無D咁既事！我地倫敦好安全架！」

安全？連環恐襲已經知有幾安全。重點是，街上警察其實不多，而且非常﹑超級的懶，報案都想hea走你︰

「小姐，你個電話我唔覺得有機會搵得返，而且要落1-2小時口供，你決定要報？你報我要開file」

我心諗，阿生，我唔報案企響度做乜野呀？而你又響度做乜野？警局請你返來坐？所謂2小時的口供，只是因為他們做事太慢 (+掛住傾計)，香港警察20-30分鐘一定KO到你啦。報失咋喎，有幾難呀？如果有更大事情發生，你真係咪使旨意倫敦警察會好有效率幫到你。

而且有不少警察，個肚腩仲大過我老豆，同埋好鍾意傾計！我真係唔明點解英國人咁鍾意講野，講埋D無聊野，我的同事都好鍾意吹水，you know why? 因為傾計時間過得快D，又借D二做少D野，所有英國人都一樣有這樣的個性。但警察你在on duty，你掛住傾計人地側邊放個炸彈你都唔知啦！I mean他們喜歡吹水的程度是作為一個行人你都會覺得他不是在工作的。

火車呢，經常性delay，耐則15-20分鐘，甚至成班火車cancelled! 地鐵看你那條線，我住district line都成鬼日delay，走左班車要等7-10分鐘。一條電梯要整3日，而那條電梯是轉車必經之路，無樓梯可以行的！害我3日兜條大路轉2次車，心中無限個x@##!@&。我們香港，3小時整好都嫌慢，俾人DIU到天花板呢！巴士反而好準時，但龜速。

Embed from Getty Images

英國也留不住人才，因為它的稅收他媽的高，年薪超過4.3萬英鎊就要交40%的稅款！比起香港約16%來說，真是天壤之別~ 而且4.3萬英鎊也只是45萬港元，即月薪4萬已經被政府立入「高收入人仕」，再加上倫敦超高的生活開支，真是WHAT THE HELL! 香港大把人搵緊4,5萬，也只是個小中產，莫遑論是「高收入人仕」了。

有不少大型的外資銀行/ 企業歐洲總部已經部署撤離倫敦，Goldman Sachs正安排掉走幾百個員工到Paris/ Frankfurt，連帶他們的families，將有幾千高質素﹑有學識的人遷出倫敦。而曾經想過HQ搬來香港的HSBC，也再作出考慮搬離倫敦。事實上，很多叻的英國人，根本上不用留在倫敦俾重稅，他們會來香港，現在很多去了上海同北京，人工更高，但俾少好多稅，living standard is tripled higher~

叻人走哂，咁蠢人呢？

高貴的英國人是不會做辛苦工，現在所有餐廳﹑執垃圾﹑清潔等工作，都是倚賴一群無學歷﹑無錢的EU朋友，而Brexit後，他們想留也不能留，最後這些厭惡性工作，只能俾高一倍人工俾返英國人做。

Brexit long run而言，對英國或者是好事，始終整個歐洲的經濟，現階段是非常倚賴較「文明」的德國和英國。歐洲各國的政局不穩，絕對會連累英國in some ways。太詳細的政治﹑經濟分析我不懂，只是依我住了一年，我不覺得英國是一個可以長遠發展的地方。

一個國家有問題不要緊，但不知道自己有問題，甚至自大得不覺得自己有問題，一意孤行﹑一成不變就是一個很大的問題。這也是英國經濟持續下滑的主因。

望著手中的英鎊，真是欲哭無淚。辛苦賺回來的錢變了toilet paper，換回港紙又蝕，唔換又擺響度獻世。

還是港紙好。

理想老闆

經過一年多的瘋狂歷險，Betty又進入要搵工的搏鬥。

出走一年好似好好玩，但我犧牲的東西，和在英國受過的苦，所有人都不會明白。我不會周街同人講，況且都不知道如何說好。

真正的委屈，是說不出來的。

單單是要再搵工，已經是有苦自己知。

所以請不要再說羨慕我，你都可以，只係你無膽咁做，又或者生活條件唔容許你咁做。但我咁樣做唔代表我係衣食無憂可以去「任性」，而係我願意犧牲去達成自己的夢想/ 想做的事。請讚揚我的勇敢，而不是覺得我去風流快活。

做左咁多年人，覺得份份工都做得唔係幾開心，積積埋埋先有出走的念頭。現在國就出過了，體會到太多太多野，如今回來，更加知道自己想要什麼，無論是事業和愛情。

年尾難搵工非常正常，瀏覽求職網站，確是無乜邊份睇得岩，再唔係send去又無回應。我告訴自己，今次我一定要搵一份我非常喜歡的工作環境，其實做咩都不是主要，環境同同事先最緊要！試想想，我們每天花一半時間上班，對住老世﹑對住班同事﹑坐住個位﹑行走公司附近的路，如果不是你喜歡的環境，那只會是行屍走肉，渡日如年。

Embed from Getty Images

我嚴選以下條件︰

1. 老闆一定要係男人
2. 老闆一定要係鬼佬，總之唔要香港/ 大陸人
3. 公司一定要在中西區
4. 一定要係大公司
5. 一定要係外國公司

我發覺我不適合做細公司，因為Betty不是個好識亦好懶打交道的人，基本上我不是很喜歡說話的人，尤其講埋些八婆野﹑講人是非我就最憎。但細公司你好難避免不去「埋堆」，不想參與又要扮下野應酬下；不想知又點都會聽到D…… 大公司唔同，公司大可以走來走去，識下不同department/ team既同事，可以吹閒水 — 我Betty最鍾意呢D君子之交淡如水的關係！見到靚仔又可以眉目傳情下，pantry傾下計，幾sweet丫！大公司一般福利又比較好，總之人與人之間無咁親密，少好多是非同和煩惱！所以今次我要stick to it. 外國公司文化又more diversed，有來自不同國家的同事，返工都無咁悶啦！

而跟男人老闆好D係常識，男人是對女人比較好同客氣，如果找到個鬼佬仲perfect，3點去做gym，不夠5點夠就要回家湊仔family time，每逢長假期又會飛回家成個月，又不會對人太harsh，我就是非常喜歡跟鬼佬！最好結左婚的有家庭觀念，做到真正的work life balance.

百感交雜的決定

我同Janet最少一星期要見一次，我跟她，真的是不見一日如隔三秋的好朋友。太耐無見她，我會掛住她，同很多說話想跟她說。這陣子大家都很忙，尤其是她公司大地震，對付一群老獅子，作為一個弱質纖纖的女子，Janet是靠實力屹立不倒，I am very proud of her! 由抗爭一開始，我witness她走的每一步。Betty以前幫有錢人打工，沒什麼黑暗事未見過，賤格的人也大有人在，但Janet的是英國公司，那種鬼佬式的虛偽陰險，有另外一種賤。畢竟在商場上，不要祈求真心的戰友，大家都是互相利用。我看見Janet在這一年內迅速的成長，人在江湖，真的身不由己，你不賤，他人賤，但我們沒有忘記最初的自己。

我們倆每次見面，仍然是小孩式的雞啄不斷。Janet拍拖8年，沒有什麼感情煩惱，這件貨，沒有更好的她一定是死夾住不放的了，而最近她工作太忙，根本無時間諗男人，她主要的煩惱和抱怨都是來自工作。

而我總是無聊的感情問題。

昨天我盡訴那條麻煩友的騷擾，我慨嘆香港做女人真係辛苦，工作壓力及辛勞不輸蝕俾男人，要自食其力，不然俾人話港女公主病；想識個男朋友拍下拖啫，當中其實承受好大風險。始終新相識，對大家的了解好有限，真係靠餐飯去了解大家多一點。

「我明白妳意思，在認識和曖昧之間的過程，其實好risky。」Janet說。

「就是嘛，唔試又唔知，試又好驚條友唔知咩人。」

正所謂，人不可貌相。有些人，就是好眉好貌生沙蝨。就拿上次那條煩友，年紀都唔輕而且亦唔靚仔，本來諗住呢d穩陣d真誠d，但其實一個人真係無樣睇架！所以下次Betty還是揀返靚仔先赴會。

今時今日的Betty，自問非常咁好的女仔，沒有以前的自私和刁蠻。我有信心只要我識到，對方會鍾意我的。只是，我最大的問題係我識唔到，成日識埋d九唔搭八條件唔好的人，明知唔好，但又為左keep myself active同所謂俾下機會人勉強赴會，結果次次去完都係唔開心咁返來。

命呀~~~ 有時命既野，真係唔到你唔信。點解人地一識就識到，我識親唔係有老婆就係騎哩？我已經唔揀靚仔，但其實樣衰的都係一樣。

我之前一直以為自己性格唔好，唔配一個條件好的男人。雖然Janet成日都話唔覺得我性格有問題，覺得我除左聰明﹑觀人於微，仲好得體，是入得廚房出得廳堂的女人，唔會失禮自己的男人；Tasha話，如果佢係男人會鍾意我，因為好少女仔咁有智慧同爽直，同我一齊的男人會好自在同輕鬆，唔需要顧及太多我的情緒，甚至我係可以照顧返佢。我兩位好朋友，唔需要同我講大話或客氣說話，她們的肺腑之言亦令我更了解自己。

7月了，英國之旅我已經決定好了，只欠沒跟父母說，唔知點講好，想開口又淆底，但我知道，他們會支持我的。

~ Every Dream Starts With One Decision ~