玩了Lovesruck已經第3個星期，想總結一下。到目到為止，曾瀏覽我profile的有1100位男士，但只有29個winks，messages無數，但都有25-30個。由於wink我的人不多，所以我列出來給大家參考︰
(國籍，職業，歲數，身高，Betty評價)
- 韓國，Entrepreneur，42, 180cm, 衣著好老套，有點像大陸人，皮帶涉住件恤衫
- 香港，IT，44，165cm，無乜特別的IT人
- 澳洲，金融，47，178cm，太老囉
- 香港，Sales，47，173cm，太老囉
- 香港，唔記得，41，172cm，好阿叔….
- 香港，IT，32，唔知，唔合眼緣
- 馬來西亞，教師，41，173cm，無乜頭髮的阿叔
- 美國，Director，51，175cm，已離婚的阿叔，好多皺紋
- 加拿大，IT，28，175cm，傻仔一個，交換左wechat傾左1,2日，好彩Betty聰明保護自己意識強無俾電話佢，如果唔係有排煩！Delete左佢仲add返我，問我how are you
- 澳洲，Director，40，唔知，一個肥既鬼佬阿叔
- 香港，VP，31，168cm，無相
- 香港，Manager，31，178cm，唯一一個叫幾靚仔又夠高，可惜佢無message Betty，唉
- 香港，唔記得，42，唔知，樣幾衰下的肥仔
- 香港，唔記得，31，唔知，一個正常的男仔，我有wink返佢架，但佢無message我，咁就算啦
- 美國，Entrepreneur，45，唔記得，唯一一個有俾我電話佢whatsapp，因為一開始佢好有禮貌話send相我睇，email左幾句先的，so far有時都whatsapp下。雖然佢都幾老，不過keep得幾好望落幾後生，但真人係點就要見到先知了
- 鬼佬唔記得邊度，Director，44，唔記得，都幾老下的鬼佬，但似乎覺得自己好年輕
- 印巴，唔知，25，唔知，印巴完全唔會考慮啦，仲要細過我
- 香港，唔記得，48，唔知，太老啦
- 香港，唔記得，38，唔知，無相
- 香港，唔記得，32，170cm，intro用好多女仔先用的公仔，如nice to meet you~~~~^^
- 香港，警察，28，178cm，睇條件好似ok，不過講野好奇怪，好似無拍過拖咁，個樣都怪怪地。其實我已經係咁搵話題，但佢真係好被動，唔想浪費時間
- 香港，Manager，38，168cm，有交換wechat，樣below average，而且講野大家唔係幾夾，我諗佢想要一個好溫婉好崇拜佢的小女人，好適合返大陸娶個，但佢話唔鍾意大陸妹，oh well
- 香港，Manager，47，176cm，就係我所講的ok男，樣係幾斯文ok，不過太老了
- 香港，唔記得，35，174cm，都幾唔討好的肥佬一個，初時有覆過1,2次，我唔覆佢仲send幾次來問我係咪唔想再傾計，好低能
- 香港，唔記得，31，唔記得，post幾張相都攬住1,2個女仔，有腦都唔會咁做，而且寫的intro好幼稚
- 黑人，唔知，36，唔知，黑人完全唔會考慮啦
- 香港，唔記得，34，175cm，都ok既，有send過message俾我，傾左少少，之後佢就無再覆我了，咁由佢啦
- 香港，唔知，44，唔知，無相，但send過幾次message俾我，我無覆過，怪怪地的人
- 香港，唔知，41，唔知，好老套下的阿叔
以上都是Betty赤裸裸的評語，我想在這個blog以最真實的聲音發言，樣衰就是樣衰，肥就是肥，不是因為我mean，而是事實，在朋友堆中有人樣衰會不敢作聲，但既然這是我Betty的blog，而且我是認真想找一個對象，那我對這群男士有要求都好正常吧？這也能給予想玩lovestruck的姊妹一個最honest的參考。
看，全部都是40幾歲，後生是絕少的，不介意說Betty今年29歲，不算是大美女但比起其他lovestruck的女仔算above average。還有我留意到，有3個好標青的男士，我忍左好久，也因為我的membership快到期，所以我都wink了這3位，不過他們除了無wink back，還從來無click過我profile睇，所以懷疑緊有機會係放幾隻媒，或者已經無玩好耐但又無delete個account，因為好巧合地他們都無online的時間，我又唔覺得3個都買了個貴plan hide左自己的online status。
其實我有點surprised對Betty有興趣的就只有這些阿叔。還有試想想，1100人中，Betty只是得到29個wink，message中有約10-15個無wink但直接send message俾我，但都近似以上的質素。簡單來說，能夠得到回覆的機會率只有4%，而就Betty而言，當中係0個我有興趣而又有聯繫，現在幾個有send下message的，都是免為其難傾住先。可能你話，Betty你無發市咁耐，有仔啃住先啦，更何況都未見面，可能真人ok呢~ 我現在都是這樣想，不過上次酒吧男1號已經深深的嚇怕左我，我就係死唔信自己直覺，同去呃自己去試下接受同這種人約會，結果令自己難受，同驚左咁多個月。
Single得太久的女仔係怪怪的了 (我認喎！)，其實因為我地受過傷害，所以好驚去試，起了個防護網，對對方有好多要求，因為唔想再失敗同受傷害，亦不想再浪費時間。
如果你身邊有single得好久的朋友，請不要再說他高要求，嘗試put yourself in her/his shoes，明白她/他對愛情既盼望又恐懼，好好保護他/她既孤獨又脆弱的心。
be.betty 