2019 Resolutions

帶著英國1年的人生經歷，回香港渡過了1個年頭，說快不快，說慢也不慢。想起放棄所有出走1年，原來也是蠻久的，我到現在都很佩服自己！雖然讓我再揀，我會去德國/ 丹麥讀個免學費的Master~

1. 轉工，要搵多點錢
   這份工是我回香港很快找到並做住先，初時同個虛偽英國老闆相處還可以，就渡過左probation。到半年左右，開始做得唔開心想走，同時亦要清假，就去左美國，那時覺得去3星期美國+日本再要1個月notice根本無工會等我，而公司知我想走，都好大方俾我請長達3星期的假。於是拖下拖下拖到而家，是時候開盡turbo搵工了。
   為什麼我的人生就是搵工搵工再搵工？
   英國已經是不停搵同見工，命苦呀！
2. 花多點時間跟家人一起
   其實我一直是個很痴家的宅女，放假我鍾意留在家裡。但近年媽媽身體欠佳，希望多花時間陪伴她同愛她。
3. 儲錢儲錢儲錢
   儲起一筆不能動資產。如果我轉到人工高點的工，應該無問題。我要慳時真的可以好慳，是一日食一餐加夜晚一條蕉都可以。
4. 又係拍拖
   呢個resolution究竟我要loop幾多年先可以完成？我是否要降服，找個有份穩定工作的港男嫁左去算？
   要找個能令妳心動的男人，真的很難。
5. keep gym going
   保持體態上其實我做得幾好，因為運動是種習慣，我kind of慣了要運動的生活模式。而且發現身材好，桃花真的旺很多 (雖然我的都是爛鬼桃花)，但其實數落，過去一年我識的男人都不少。男人對女人身材真的可以很著迷，會令他對妳念念不忘。而我終於certify當年Queenie姐的裙下之臣，都是以性加手段各種維繫著。Honestly nothing wrong with that，只係我曾經好單純的想有男人真的這樣喜歡她。
6. 愛自己
   可否理少一點他人，關注自己多一點？
7. 讀書
   其實我現在修讀accounting course，想讀一個master，但媽媽身體不好不敢亂花錢。而且仍然還在想出國讀master的可能性。
8. 工作要得到尊重，不讓人看不起我
9. 不要跟人比較, focus自己
10. 要充滿正能量,遠離負面情緒,做個有自信同魅力的女人!

最主要想focus自己多一點。首先搵份好點的工先有錢，有錢就儲起佢不要花太多。

祝大家新年快樂！做令自己開心的事！

沒有任何一個人能令你真正的開心，除了你自己。

一定要愛自己 >3

Review – 2018 Resolutions

1. 控制自己負面情緒，不要向人呻訴太多
   我對好朋友仍然是呻訴好多，唔開心唔講出來個人會癲同亂諗野！我覺得自己同同事可以再講少一點，問題是一多女仔的地方就多是非，除非真係連食飯都唔好一齊。
2. 儲錢儲錢儲錢
   搵得太少，儲唔到，失敗左~
3. 用心工作
   其實我可以好heart devoted，但我somehow覺得我老世利用左我的善良。九屎垃圾想隊俾我做又無權加我人工，耐左就知道英國人一貫都是鍾意吹水，俾假象你。我唔鍾意而家份工，想轉工。但你唔鍾意一樣野，就好難投入。英國公司階級觀念很重，而且公司是sales driven，sales好假同好現實，就是不喜歡。
4. 我要拍拖呀！
   無呀！美國的霧水情緣都唔算，flirt下，似有若無，仲空虛。開始諗我係咪要放棄響香港識鬼佬？搵一個有份穩定工作的港男嫁左去算？
5. 去美國
   去左喇 🙂
6. 每天morning yoga
   有段時期真的每日，但自從對工作失去興趣後，就懶左，一星期2-3次
7. 一星期keep住跑2-3次步
   無呀… 一星期1-2次。有段時間lunch gym，一星期3次，身材fit到漏
8. Keep住體重不過109磅
   現在是113磅，是肌肉啊
9. 再笑多一點
   都有既，但亦有時忍不住黑臉
10. 對人唔好太nice
    有呀，甚至有點mean，但我覺得在職場上是需要的
11. 唔再俾人對我唔好！
    有！被hurt過太深，不會讓自己hurt多次，現在有問題很快收個男人皮

鳩噏

之前提起我還有聯絡的美國男人，有一位說來香港找我了！

而他來港只有兩大天，第二天還加插了他的哥哥。

連月來的I miss you, I want to see you so much，不知為何，突然間醒哂了。

我對他一直沒有什麼期望，就是好似仲有少少野，所以keep住繼續聯絡落去，噓寒問暖﹑flirt下。直到他說來香港兩天。我追問他，他才說之後會去日本，但沒解釋是business trip還是personal travel. I mean, yea 他沒必要告訴我。

你真正掛念一個人，就只是想見她一天嗎？

較早前，因為他總是說很掛念我，就算係把聲都好 (的鳩噏)，於是協議左個時間講電話，結果佢無call到。我話你唔諗住打就唔好提議，to be honest我真係預左時間響屋企等佢電話，因為街上好嘈同無wifi。

唔傾電話not a problem，但無口齒 is a big deal同係浪費我時間。

當然我無咁講，否則助長佢志氣以為自己好巴閉。於是過幾日佢有打返俾我，傾左半個鐘。之後第二次佢又suggest have a phone call，結果又係無打。最諷刺的是，我無睬佢1日，佢突登打電話俾我說要討論他的香港之旅，I was like WHAT THE FUCK??!! 之前約好哂你唔打，今次無約好之下晨早當地時間6點幾打俾我，仲好意思話let’s plan about Hong Kong。而當然，個電話我無聽到。

我明白大家不是什麼關係，沒有怪責他的權利。

只能印證的是他根本就唔想打，亦覺得同我無咩好講，所謂掛住我把聲都係鳩噏。他就是如此一個順口開河的人。

於是我唯一可以做的是永久的ignore。

I am not here to entertain you dude!

當佢食言你都忍佢，佢只會繼續食言，同睇得你更低。

反正他所說的 “I come to Hong Kong just to see you”亦是一個鳩噏。沒有情感的﹑隨口噏的。

Cherry說︰你對他有太不切實際的期望。

嗯，對的。

But somehow, a promised phone call is very basic even as a normal friend.

就算無打，唔道歉都應該解釋原因，而不是brush it off當無件事。可能我個人太有原則啦，在於Cherry而言，她覺得好小事，唔打咪罷就。

而我都認為距離是個最大的問題，沒有好的感情基礎，很難維繫一段感情，剩下的只有性的回憶。

Embed from Getty Images

外國人的確好鍾意鳩噏，連Jessica每一個facebook post都同佢老公講I miss you, I love you, Can’t live without you，而現實生活上，他倆根本不如facebook中甜蜜，Jessica就是鍾意曬命。這些說話，外國人是可以很隨意﹑沒有生命力的說出口。

男人有時實在太幼稚，同太低估女人的智慧了。