有錢女

肺炎令社交生活更難，對於需要識多點人的我，是個很艱難的時期。

但也沒法子，基本上全球都在面對同一個問題，我是很佩服一些朋友，真的是「死都要躝街」的俵俵者，戴住個口罩中午12點去跑10KM，仍然去做GYM，仍然開10人以上的house party，打邊爐﹑外賣壽司，就像肺炎從來都無存在過，這真的是香港人打不死的精神！政府禁堂食，是我一些朋友唯一的兩天無出街食飯，無post 美食IG。It is just very crazy!

不得不令我想起Yoyo，自從上次見返後，有約過1,2次食飯，我才發現，原來Yoyo屋企是他媽的有錢！我們在討論移民嫁去外國，但她不會靠個男人，正如我之前說過，除非對方經濟條件不錯 (就算不是很有錢，起碼有間屋)，否則我是不會考慮離開香港。

Yoyo說︰「我會帶錢過去使自己的錢」(那時我還未知道佢屋企好有錢)

我︰「我響外國生活過，我好清楚錢是倒水的倒」

Yoyo︰「這是因為你帶的錢不夠多」

我天真地說︰「起碼要1000萬」(因為我本來是想打沉她「無知」的思想)

Yoyo臉不改容︰「1000萬不是問題，我可以問屋企拎，只要我開口，再多D屋企都會俾我」

我當堂呆左。

終於明白，為何Yoyo之前的男朋友，竟然對她這樣死心塌地，甚至容許俾佢掌摑。I am not kidding，她真的有physically abused男朋友。對方仲要係好靚仔的法國人，錢雖然搵得唔多，但都盡力滿足Yoyo的花費要求，希臘之旅兩口子奢華享受最少要10萬元，都是由法國仔全權支付。

那時我以為，Yoyo命真好，又會有個咁好的男人！

現在我終於明白，她所有男朋友容忍她的公主病，只不過是有種虛榮心要娶有錢女，或者最少同有錢女拍拖接近她有錢的生活圈子。Yoyo的朋友，係有錢到去英國的堡壘結婚，Yoyo都好多次飛去外國參加朋友的婚禮，只是那時我不以為意而已。

她跟法國仔分手︰「他根本養不起我」

我好奇︰「既然你自己都有錢，點解期望個男人要這樣high standard去滿足你的生活？」

Yoyo︰「這本來就是我的生活方式，付不起錢的就別來當我的男朋友。況且，就算沒有他，我自己都俾得起，所以跟我拍拖，作為男朋友俾錢係好正常」

可能你聽到這裡覺得不是很對路，又會有人公主病到咁，但又竟然有人排隊去俾錢養活佢，甚至被掌摑。

但我可以話你知，就是她這種高不可攀，絕不退縮的態度吸引男人，而當然最重要是MEN ARE HUNTERS — 男人都係鍾意向難度挑戰去追﹑去征服有錢女 — 只要佢有能力 (樣貌同金錢)。追到有錢女除了心理上好威，practically從她身上可以得到好多著數。

Let’s be realistic，其實人都係對錢有慾望，不分男女，說女人是gold diggers根本一點都不公平，男的，一樣係咁貪錢，這個我是好肯定告訴你的。

Embed from Getty Images

至於貪唔貪錢，可以是好個人，無論那個人有無錢，都不應該被標籤貪唔貪錢，however IN GENERAL，男同女都可以是gold diggers。Prince Harry都唔係貪Meghan Markle有錢，Paris Hilton都唔係貪Carter Reum有錢。

當年跟法男分手，其實導火線是因為Yoyo劈腿，跟一個好有錢的意大利男人搭上。那意男是一間很大的建築公司的總建築師，月入20萬，這對Yoyo而言，才是「養得起她」的金額。

但事與願違，意男相當孤寒，平時跟Yoyo食很簡單的餐廳，對於以前男朋友一星期最少fine dine一次的Yoyo而言，根本not up to standard，但佢又貪意男有錢靚仔，希望對方好快求婚。

最新情況係點我無再跟進了，但就是未嫁啦，如果對方要娶佢，一早就娶左，都不會拖咁多年。最大的危機是，最鍾意show off的Yoyo從來無post過同意男拍拖的照片，可想而知跟對方關係不穩定，拖住先但又繼續搵食，但又唔容易搵到個咁有錢同靚仔的人選。坦白講，Yoyo都33歲，正如我都講過，around我們這個年紀的男人，正常的﹑條件好的都結哂婚，加埋Yoyo的超現實要求，真的不容易。

不過Yoyo滿自信的說︰「我是一個人都可以好開心的人，無男人我是OK的，當然有是最好，但不符合我要求的，不要也罷」

好型啊！

But well…… 我不願置評，人家的事我不理，但我覺得了解自己的競爭者﹑自己的價值也重要。例如，睇得上Yoyo的男人，都不會是我Betty杯茶，我跟Yoyo也是兩種100%不同的女生。這也是我疏遠Yoyo的主因。

我不會忘記︰(scanner式望著我)「你呀？執一執都OK既」

WHAT THE FUCK?! 唔該你無塊鏡都用盤水照下個樣啦，我Betty就算不是美女，都一定靚過你！最起碼我心地靚過你！出言verbally abused其他人的外觀是100% bitch!

況且，Yoyo是真的唔靚，安室內美惠但賓妹版，因為佢曬到好黑個樣又比較東南亞。

所以，我覺得一段healthy relationship是無例外，一些奇怪的組合，背後一定有不為人知的原因，而大多數都是因為錢。

Cheating/ 偷食

Jessica懷孕了！如斯一個有計劃的女人。

Jessica曾經跟30個男人玩過，最後選定了一個來自法國鄉村，唔靚仔但唔係醜，唔係有錢但又唔係窮的男人。拍拖頭1年Jessica仍然都有偷食，到最後玩到厭了，同埋真的考慮結婚，就發現法國鄉村佬就是可以付託終生的人，就是你去偷食都永遠唔會知，乜都聽哂你話，又錫你的男人。

Not agree? 就我自己，同身邊的朋友，married or single，我都可以好肯定話俾大家知，個個都會偷食！只在乎你幾時想停。無偷食的，大多數只是吸引力不夠罷了。

還有是Janet這種道德撚，別誤會，她雖然是我的好朋友，但她是真的如此。Janet不出去偷食，並不是她有多愛男朋友，或是覺得偷食不應該，而是自我保護意識非常強，她計算了跟一個新相識男人發生性關係的風險，例如染上性病﹑對方會唱出去等，而且她是超出我想像的超級保守的竹昇妹，對男人的size/ 長度﹑幾時射﹑keep幾耐﹑一晚可以幾多次等等都還是很好奇，因為佢sample size太細，一個男朋友拍了10年，再之前的已經是college咸豐年的事。有生之年唔去見多D男人，係幾咁可悲呀！(嘿嘿，個人而言)

後生無玩過的，婚後偷食的機率非常之高。就這一點Janet非常不認同，她認為婚前玩得好勁的，都唔擔保婚後一定唔會，她認為all about男/女人自己本身有無吸引力，有時人就是隨經歷，散發一種charm。Well yes，世事無絕對，Janet不是不對，而是她根本沒有玩過，根本唔明白「玩」的整個過程及心理。「玩」，同正常追求同拍拖非常不同，我都唔係好識好具體咁講，經驗不夠會好hurt，但慢慢會慣 (又係那句its all about experience and practice makes perfect)，但又十分令人回味難忘。

Jessica計好哂時間，確定食夠玩夠就搵個人埋單，千祈唔好話「埋單」講得咁難聽，這叫聰明同醒目！後生食盡所有靚仔，就算拍拖時都繼續食，食到想收山，又真係食到飽了，就安心結婚生仔，對以前的靚仔﹑令人回味的dicks同性技巧不再留戀。

玩過就夠，不在乎擁有。

事實上大隻靚仔是用來食的，不是用來擁有。找老公的，還是找個可靠的鄉村佬好。

Jessica叫我加快步伐找個男人結婚，因為她知道我想生仔。有一段日子，我真係咁諗，鍾唔鍾意都無所謂啦，但求搵個人同我生仔，一齊共渡餘生，最緊要係佢鍾意我多過我鍾意佢，咁就會幸福。

然後近日，我開始在想，結婚後就要成世對住同一個人，唔可以再自由地出去識男仔。我也是近3,4年先開始玩，仲要主要係只在外國玩，所以數量來說我不算好多，而且咁大個女，我都未試過好好的拍過一場甜蜜的拖，我發現我唔甘心就咁以後只對住一個男人。

這亦都能夠解釋到，點解咁多人婚後偷食。係我先咁有ethics啫！好多人mark定一個有錢的嫁左先算，結左婚除左仍然可以偷食，仲可以隨時離婚，總好過stay single with a risk of being single for the rest of the life!坦白講丫，安心事件基本上日日都在我們生活圈子中出現，真係大把人偷食，只是佢地係名人仲要俾人影到。

Embed from Getty Images

再看Meghan Markle，結婚7年都無同前夫生仔，真的是非常聰明！女人啊，生仔是幾大犧牲！也是最大的武器，不要咁易同人生仔！個男人無返咁上下質素同愛錫我，真的唔好咁衝動為生而生。女人除了小mimi好珍貴之外，個子宮都好寶貴，生完元氣大傷﹑身材走樣，touchwood失婚仲要帶住個小朋友。未生過的女人，價值高好多。雖然我就快做高齡產婦，但我諗我會重新定位，這些事真的急不來，真的確定對方是個絕頂好男人，先好諗同佢生仔。

如果你真的愛一個人，不會想他傷心受傷害，亦即不會出去偷食。但要搵到呢個人，一點也不容易，I know its ridiculous，但我認為自己未玩夠，周圍識同date不同的男人其實真係好開心，尤其我覺得自己已經開始調校到心理狀態，玩得起，就咁嫁左去我會唔開心同唔甘心。

Jessica話︰「你都傻既！你又知？話唔定你一識就拍得好開心然後好快結婚呢？」

我唔知下一步是怎樣，我只係知我唔會找個男人同我生仔，我需要愛同戀愛的感覺，但我太遲開始玩，年紀上是時候結婚生仔，但心態上還未ready。玩的時候，我同時間試過有3,4個男人，embarrass to say，我未試過好正式地拍過拖，所以我唔會話自己偷過食。

認真說，後生唔玩，我覺得我老左一定會後悔！Jessica講過一句我曾經唔明但而家好認同的說話︰

女人最慘係咩？唔係俾人玩，係你想玩，男人都唔想同你玩

出來玩有好多種男人，有一種的確飢不擇食，但求就手；但都有不少是有一定要求，如果對方條件不差，我意思是整個package，外型工作性格，要吸引佢你都要有咁上下質素，所以在乎你玩咩同點玩，我自己就對對方有一定的要求，就是他能夠十分貼近男朋友的條件，所以每一次完結都令我好唔開心，但我又真的開始慢慢習慣，就是很早filter他是什麼人然後抽離同享受，瀟灑一點的離開，只要大家付出是相等，就沒有難受的感覺。

Don’t run after men.

Long Distance

完成2星期的美國之旅，我Betty無穿無爛的回來了！是否很期待我的歷險？

2星期內，我見了9位男士，全部都是美國人，除了一個是half Filippino，全部都是由我8月開始上網識keep住傾計的。這次旅程其實也加附了探親，所以14天內我是真的超級忙，每天也在想如何分配時間給男生。看見我14天內見了9位，也知道我是如何的用心，加超級好的time management吧？

14天內我去了3個城市，要知道美國很大，裡面還加了3次的內陸機。

不知怎的，我也認為Betty我自己是個有點怪的人，我在美國可以天天爛街，是真的由朝爛到晚。回到香港，我可以每天下班+weekend也留在家裡 – 我是genuinely love being home and being alone! 但要social呢，我又可以的喎，我也覺得自己是個異人！

或者這樣說吧！香港男士真的不是我杯茶，沒有興趣識，也沒有人約我 (根本無識過當然無人約！)，也沒有一個令我好想同佢去街。我經常說，我從來不是不喜歡香港男生，只是香港30出頭條件唔差的已經全部上哂岸，對，是全部。我身邊就是毫不起眼的男仔朋友，都已經結埋婚。

在美國，走在街上，總會有幾位男士在身邊，男女ratio很平均，而且地方太大，去邊都要揸車，令男士追女仔會有心點，例如最起碼他要揸車出來見你，然後要送你返屋企。我見過住得最遠的一個，要揸2.5小時車先來到我的airbnb，來回就是5小時了！我有問過他，為什麼這樣遠都要來見我，他答得很均真︰

「我們美國人就是習慣了commuting，我上班經highway都要45分鐘，而且你咁遠來到美國，我是很想見你的，it worths」

聽完的確有少少感動！但他令我學會，女仔要對自己的價值有自信，千祈不要因為他住遠少少就心軟。他是9位裡唯一我有請佢食lunch的一位，因為我內疚 (我知我咁諗係好on9)，同埋覺得佢揸車咁遠好辛苦。但最後我發現他們揸7-8小時由洛杉磯去三藩市都是好閒的事。

何解我話唔好內疚同心軟呢？回來香港我們也有聯絡，只是他人太沒趣，他錫我，竟然說沒有掛住我，覺得我們相識的時間太短，沒信心維繫一段long distance關係。我問他那你為什麼錫我？

他說because I like you

我接受不到你like我但唔miss我，尤其大家分隔異地，我覺得這團火一定要keep住不可以熄。其實整個conversation我都好positive好主動，到最後我覺得大家諗既野好唔同，而且他從來無承諾會來香港找我，令我覺得再傾落去都無乜意思，弄得好像我自作多情咁。我ignore他後，我接二連三message問我係咪嬲佢， need a talk? 我都唔知佢係真傻定假痴，但我實在無時間浪費在沒有定向的感情上。

可能你覺得我應該給他機會，但恕我未能分享我們的對話，真係令我好嬲。起碼我有俾Cherry睇，佢都叫我唔好理佢了。我倆慿藉多年拍拖經驗所得，佢唔係唔鍾意我，但只是現在無其他女仔在身邊，我就變成first choice，但他是不會有任何付出和行動去維繫大家的感情，因為他骨子裡根本沒有勇氣發展long distance，那我幹嗎還浪費時間？但跟他2天一起的日子，也會永遠印在我的腦海中，或者這就叫有緣無份吧！

Embed from Getty Images
LA的男生都很喜歡surfing~
而LA水是冰凍的，他從海水上來抱著我，就像一條冰條碰著我曬得熱烘烘的皮膚，no kidding，真的有一刻打冷震的感覺！同時甜甜的 🙂

而另外都仲有2個還有聯絡的，我先發覺long distance是一個如此艱巨的項目︰你唔可以好認真，但又唔可以太唔在乎，因為long distance真的要心血去keep，那中間的拿捏位很不容易。太唔在乎好快就會無，放手嗎？自己又有點唔捨得- 我想重點是我在香港無其他男仔，所以更沒理由放棄他們兩個- 直到有一個肯為我來香港，這是我現階段的心態和目標，在我在香港未識到其他男仔，及他們是但一個來香港前，我都不會放手，隔空flirt下其實都幾sweet既，只是其實我又是一個很需要安全感的人，當收唔到他們回覆，我會check住當地時間，諗下佢做緊乜點解唔覆我，就是有點強迫症吧！我明白我不應該奢求什麼，我們現階段其實只是朋友，沒有check行蹤或發脾氣的特權，他也沒必要向我解釋遲了回覆的原因 (雖然他們通常都會解釋)，跟住我的理智就會叫我自己唔好再諗住佢地，總之就是一甜一苦，一甜一苦，幾天幾天的循環，真是人都癲！

唉，有頭髮邊個想做光頭？我都嘗試在香港識其他男仔，但香港識鬼佬真係難好多！在美國我被寵得像公主，回來香港D鬼佬懶巴閉咁。不過已見慣風浪的Betty我，絕對不會被呢D鬼佬玩到我。尤其在美國的2星期，令我明白到，港女識唔到男仔，絕對不是個人問題，係社會，同你喜歡的那個男仔問題。而我確實覺得就是一次又一次的失敗，吞噬了港女的自信，總是覺得自己唔夠好，所以無男仔鍾意，這是大錯特錯的！！！我強烈建議各位港女姊妹多出走旅遊，看看這個世界，結識不同國家的男仔，你會重新發現自己的價值和優點，同明白你不一定要框死在香港﹑框死只能選擇香港男仔。

就正如”嫁到世界邊端” 波蘭篇，個女仔話為了迎合男友去買了對長boots，點知男友還嫌三嫌四，說要過膝的才是長boots。一個真正喜歡你的男人，就是你著拖鞋都覺得你好靚的。

Oh by the way，我間唔中看到留言說很羨慕那些人妻，尤其嫁到法羅群島的那個。Come on，如果佢老公唔係咁高大靚仔，大家會羨慕嗎？如果對方是個在法羅群島牧場主人肥大叔，每天跟他放羊，他煮飯你食，食完飯睇電視訓覺，你會覺得是幸福，還是悶到抽筋？

英國的冬天已經凍到我想死，法羅群島的冬天更加不敢想像！嫁過去是需要絕大的勇氣和愛！大家也別忘記，好幾位人妻以前是當空姐的，是可以有機會成日飛過去會情郎，都一定係由女的做主動的了，就等如我，幾時先可以再飛去美國見佢地？我要返工，飛過去又要時間又要錢，雖然食同住不用擔心，但如果不能確定對方是值得，其實好大risk同好浪費時間的。

人愈大就愈實際，不過要追求愛情，一定要付出加勇氣。我會努力的 🙂

小測試 – update

測試已經進行了超過2星期，我的結論是︰

既然係唔係都無結果，將你自己的想法講出來 (想搵男朋友而不是for fun)，可能有機會遇到同一想法的人。

我覺得，for fun真的很容易，完全不用包裝﹑不用思索。如果我要for fun，我先唔會浪費時間同你談天說地，反正不只是想上床嗎？仲講咁多做乜？而的確地，有這樣想法的男生，也不會願意同你講太多，無必要，亦不想俾你知佢咁多野。

所以我測試以來，而有效地西走好多覺得long distance是完全無可能的人；亦有部份是超級認真想搵老婆，所以不敢投資一段十分沒有有保障的感情 – which is very understandable。反而我的坦白，令有些男士都會坦白，就算佢地覺得無乜可能，但亦令佢地覺得想見下我同了解我，畢竟食餐飯/飲杯野也不是什麼投資，但起碼我說了我的expectation，佢地見得我，就不是只是想同我上床，因為我說了I am not looking for fun。

至於最後會是怎樣，我就要旅程完結回來才能分享喇！

我都不敢有任何期望，但反正這2星期之旅，一係一開始compromise玩完就算，一係bid a chance to find a serious guy。我覺得一開始俾男仔的感覺好重要，一開始是fun就是fun，別妄想佢之後會對你認真。反而傾計的過程，我會test到他是哪種男人，去到時就睇餸食飯。

大家有這個intention好重要 (not for fun)，要再看大家見面時的感覺，有無click。就算唔work out都唔緊要，大家都可以做朋友，再唔係到時好有feel既，來個fun都無問題，但我唔會一開始就俾人感覺來旅行玩完就走，咁對方都一定覺得你只係想免費吃喝玩樂，唔會有任何心發展。

因為我都試過，有男仔剛搬來香港，講明因為無乜朋友，只想搵個女仔陪吃喝玩樂show him around，我即刻就ignore左佢。我點解要做你免費導遊先？well… 好多人願意，我無興趣同一個一開始無諗住認真的人浪費時間。

男人是很簡單的動物，他的初衷很重要，一開始不妨坦白點問清楚，免得浪費時間。

Jessica好buy one night stand，有段時期是無間斷，她說不用煩﹑不用負責任同最重要是 – 不會傷心。

我英國時除了拍了半年的男朋友，另有2個分別date過2,3個月的男友人。如果你問我點解dating但不是拍拖，這就是我日後會小心處理的事情，對，是女方容許對方不用負責任的相處下去，大家逃避談及去認真的問題。我的情況是，因為我是working holiday，我有離開的一天，不想太認真講將來，現在想起來，覺得好蠢，這種男人，應該one night stand就算，持續的拖延其實好無謂，但我當時又不是這樣覺得，可能有時需要人幫忙﹑悶想搵人陪下。

For fun嘛，香港都有，不用走到美國那麼遠！但感覺是美國當地男仔純過香港的expats好多好多好多…… 香港的鬼佬實在太壞太衰太spoiled。香港靚仔少少都已經好巴閉，但這個質素在美國的dating app而言是極度普通的質素。

Don’t settle for less for what you should deserve

如果你set自己的value可以one night stand，那對方也一定也只會趙完鬆，certainly not a girlfriend material.

如果你set自己的value是一定要對方尊重你，不只是想跟你上床，那對方也會相應的對待你。

Embed from Getty Images

Everything is about YOURSELF – 自己可以決定好多野﹑控制好多野。可能年紀愈大，就愈唔想浪費時間，同愈覺得做什麼都沒有什麼輸不起了，所以更放膽的去做同講。

這個測試就算最後無任何結果，我都不會feel sad，只會更加確定女人要好明確自己要些什麼。

Where are the quality men?

在新公司上工已經快5個月，也是時候綜合一下所見所聞。

公司是multi-national，香港office有150人，直到現在，我還未能一一認得所有同事個樣同名。公司很鼓勵internal transfer，所以周不時都有其他國家的同事調來香港，駐守不同國家的高層也regularly來香港開會。所以公司就是經常出現不同國家的同事，或是一些陌生的臉孔。

公司有好幾位靚仔中至高層鬼佬，全部不過40不過絕大部份已婚，只有2個是single。一個的女朋友是公司的，年紀明顯較大，也不是典型的美女，普通到不可以再普通的加藉港女。由於我坐在鬼佬對面，witness那女的一天走過來最少3-5次，每次都帶點食物，早餐是handmade sandwiches，午餐一個大膠盒 (相信是salad or cold pasta)，其餘時間純粹過來依偎一下，宣示主權 THE BOY IS MINE! 猶幸男的很受落，大慨有些男人都是喜歡有人照顧，像Prince Harry說不用擔心Meghan，反而是Meghan倒過來照顧他，這是其中一樣非常吸引到王子的元素 – she is different from other girls which need lots of my attentions.

那男的昂藏6呎4，女的比我還矮，應該只有5呎2，真的不明白他們怎樣kiss? 怎樣make love? 我最高的男伴是6呎，我覺得就岩岩好，再高點其實有點一頭大灰熊壓著一只小白兔的感覺，呵呵，聽起來蠻可愛的，但身高太大差異總覺得有點怪怪的。

坦白說，在公在私都不應該這樣頻繁的走過來，在公，條女只會俾人感覺好得閒 (well 不過佢有數既)，辦公室依偎俾人感覺核突同cheap (雖然佢係突登話俾所有女仔知 I AM HIS GIRLFRIEND)；在私，個男人係要出去滾點都會，不是你一日走來幾次就唔會。不過可能每對情侶相處的方法都不同啦。個男仔真係好好，又靚仔又純，工作上又出色，而且佢超級勤力，作為兩teams之首無見過佢偷懶，很多directors會蛇王出去大半天，但他除了正常見客，大多數都在座位工作。(都話佢坐我對面咯！所以我會見到聽到)

Well 無奈地，the guy is TAKEN.

於是所有女同事焦點就落在唯一single的associate director身上，他跟Betty同年，但已經做到呢個位，而且是由倫敦調過來的。我跟他坐得好遠，而且不同team，所以不太熟悉他，但他是以寸﹑cool﹑aggressive﹑arrogant為名 (typical English… not surprising)，男生很討厭他，說他對眼生在額頭上，看不起人；他對我嘛，見到其實都會微笑，我想這是最基本的禮貌吧！

雖然我跟他不算熟，但若要綜合這幾位quality men，依我了解他們的性格﹑工作routine﹑社交圈子 (at least in my office)，我覺得除了朋友介紹，其他女仔是無可能識到佢地的。

何解？

上網識？Tinder, Bumble, Coffee Meets Bagel個樣上哂網，仲要打個profile，始終是中高層，周街同人講自己是single，俾同事發現到咁cheap，一定唔會做！！！

Meetup events? 無質素九唔搭八的events他都一定不會去。我諗佢會去某些networking events，但一定同佢工作有關係，或者佢可以識到客/ 對工作有幫助的人，一些純粹識朋友的happy hour events，以我理解的他們，都一定不會去。除非有朋友是搞手，到場支持下，但這個比率又有幾高呢？

所以雖然我們推論他是single，但我感覺上他是寧願一個人，都不會「周街揚出去搵女朋友」。朋友介紹就唔同，low profile無人知，唔會整cheap自己 or makes himself desperate for a girl。

Worst case，咁有錢可以去叫雞。

我覺得Alexis Ren真係好sexy好索，我女仔都心心眼

大家勿諗到叫雞好negative，其實不知幾多quality men叫雞，而雞的質素是超級的好，就是名模級。其實有不少女生出去玩都是offer sex for free，如果有點條件包裝下，真的不如做雞，可以揀客做，做著靚仔又有錢又只是暫時無女朋友的，真的非常快活。咁當然要有Alexis Ren咁上下的質素先有資格咁講~

** 利申︰這只是我的見解，不代表文中所提及到的人物牽涉「叫雞」這件事上。

然後我真的認為，要識quality men，要從朋友入手，一定要擴大自己的圈子，識有質素的朋友。Meghan Markle是搞慈善events識到Prince Harry的。

上網識都是o徒氣，你們熱烈討論的Lovestruck – 我再講多次，要俾錢咪傻啦！要俾錢不如玩Tinder/ Bumble/ CMB，全部免費，男士質素也差不多。但我有點覺得，如果你自認戀愛經驗不多，上網識好易俾人呃，呃錢我倒未遇過，但呃上床的，網上非常非常之多，各位姊妹要小心！這些賤男專吼準一些單身良久的寂寞女士。所以如果你自認單純又想搵男朋友就不要上網識喇，反而去那些meetup single parties仲穩陣！我meetup都收過好幾個男士messages話想同我做朋友，我睇佢張相同佢follow的groups都好正常，只可惜我對chinese沒甚興趣所以無覆過。Follow多些quality groups，有些男士真的會search & click入去睇有咩女仔。

Yoyo這些，也不是良家婦女，都唔知玩過幾多個，同埋佢人品都係materialistic & bitchy那種女人，所以佢會handle到上Tinder識。網上的男人警覺性咁高，也是因為有好多像Yoyo的女人呃男人錢，呃飲呃食。所以我是男人，真的不如叫雞，像Yoyo的女子，使幾千蚊都未必食得到 (真係好巴Q閉的呢~)

In short，低質素的meetup events我已經無去好久了，我反而真的很多時候都在家，做運動﹑插插花﹑睇小丸子﹑做facials — 這其實令我覺我好開心的，因為我很enjoy quality time for myself。我深明柄埋屋企不會識到男仔，但更加明白識一些九唔搭八的人是浪費時間同金錢。我其實在整裝待發，裝備最好的自己，出席最好的場合，不想應酬無謂人。

低質素的共處，不如高質素的獨處。

不可熄滅的自信心

Yoyo是我舊同事，比我小幾年，當年她剛畢業來我公司做temp receptionist。當年已經是貼身迷你裙，但腳是粗粗的，一頭啡色長髮和黑黑的健康膚色，真的有幾分像安室內美惠。

如是者一轉眼6年，我離開公司後大家一直無聯絡，直到有一次我去睇醫生，在大廈樓下碰到她，她在大廈上班，如此重逢，真的眼前一亮 — 嘩！瘦左勁多，超fit超靚 (不計個樣)，因為Yoyo其實唔靚，只係性感，粗粗的眼線，但其它部份簡單的化妝，玲瓏浮突的身型 — 這其實是男人最鍾意的類型。我應該提過，>30 的男人都唔睇樣的，係睇身材 (只要唔太醜又識化妝就得)，還有要識著衫，有自己的style。

於是我add左佢instagram，看到她剛去完希臘，愛琴海呀~~~~ 靚到！她一連幾張性感泳照/ shoulder off/ 露背causal wear，加埋愛琴海的美景~ 再看，還有六舊腹肌勁靚仔的法國男朋友！靚人靚景靚酒店，真的令Betty非常羨慕！

然後我去英國了，直到前幾天我約她食lunch，八卦下她的近況，同點樣操到咁fit，當然重頭戲係點識到個咁正的男朋友！

首先飲食，她謙虛的說無特別節食，但我從她的instagram看到，她是極度節制自己食野的，一般早餐只食yoghurt, plain bread; lunch salad，夜晚就久不久放肆下。而且她是勁做gym同yoga的，所以，千祈唔好信無付出就有好身材，一定是騙人的。

然後她說，她已經跟男朋友分手了。

「女人年紀大了，真的會輸蝕的」今年28歲的Yoyo很悕虛的說。

對於已經30+的Betty我，當然不能夠認同，因為我從來不以自己的年齡而自卑。我說︰

「但你一點也不像呀！還是美美的。」我是真心的說。

「不是的，年紀大了競爭力是大幅度下滑的」

講來講去，Yoyo就是以自己的外表去評核自己。

當一個男人一開始只喜歡你的外表，那他最後離開你的原因是你不再年輕貌美，這也很合理吧？

「我覺得自己會一直single下去… 因為我要對方靚仔又有錢，這是我不會改變的要求。我前男友具備所有條件，所以我更不能夠接受比他差的男人」Yoyo是如此的堅定，令我好佩服。

有時前度條件太好，也不是太好的事。我身邊的朋友，一般係相反，前度是仆街，然後愈識愈好 and vice versa。我認為所有女仔都一定要遇上幾個仆街才會成長。我不會以「不自量力」來形容Yoyo，她反而啟發到我，女生一定要有目標，如果連你自己都不相信自己，那你一定不會得到想要的東西。

觀看Yoyo其他條件，做marketing，搵得唔多也不aggressive，也沒有一個很彪炳的social network… sadly to say, 一個>30又靚仔事業又唔差有點錢的男人，所看的，一定不只是一個女仔的外表，是成個package~ Yoyo不是差，但距離她想要的，要像她前男友般靚仔有錢，真的是有點困難。

Embed from Getty Images

Well 凡事有例外，離過婚，Prince Harry已經唔知第幾手的Meghan Markle都可以做王妃，這個世界真的沒有不可能的事，睇下你好唔好彩，手段夠唔夠高超，最後先到你個樣。你睇佢老豆Prince Charles有Princess Diana都唔要，係都要卡米拉，感情事，真的好難講，真的有「情人眼裡出西施」的，而且兩個人之間的相處是好微妙的化學作用，簡稱「緣份」。

Prince Harry有情緒病，而且是個mommy boy，媽媽離世對他有很大的打擊，比她大3年，又結過婚，有豐富感情經驗的Meghan就變左半個阿媽咁take care佢，絕對是食住Harry，拍拖不足半年已經訂婚，而家結埋婚其實前後都係一年半左右。

Yoyo都有上網識男仔的習慣，佢個靚仔法國男友都是上網識的。識到是好彩，timing同個男仔係好仔，佢地其實都拍左2年拖，對上網識，仲要靚仔外國人來說是不短的時間。仲要使咁多錢去愛琴海，個男仔一定曾經對Yoyo是認真的。至於分手原因，我無問，一小時的lunch也實在太短。

Yoyo堅定的說︰「我好煩架！網上的男仔約我出街，要就我好多野，時間地點，配合唔到就唔可以見我。」

To be honest，你估你真係有寶咩！上網素未謀面，咪就係睇你的相，身材惹火又性感想同你上床。But! Believe it or not，姑勿論男人是什麼目的，他們就是喜歡這樣寸的女生，巴Q閉以為自己有寶的女生。愈寸愈覺得好得意有挑戰性~ 別問我點解，這是男人的天性，犯賤！愈約唔到就愈想約到，GIRLS 這就是手段！

約到出來，就算Yoyo真的不如相中般索，但因為男人經過努力先約到出來，就會珍惜多一點，然後此時女的再耍下其他手段，例如少性感 (但不要cheap)，唔覆下message，忽冷忽熱，欲拒還迎，instagram多姿多采的positive生活，令到個男仔覺得自己原來在她心目中不重要，又製造下假象好多男仔約，令對方想爭。見到面時又熱情如火，吊住個男仔。

有看我寫的”吸引萬人迷“嗎？千祈不要低估自己，助長男人的志氣，他無論如何”優秀”，都是人一個，要令自己跟他平起平坐，甚至做到Meghan Markle咁食住個王子。當個個女仔當Harry是王子處處遷就﹑倚賴，Meghan就是「你是王子又怎樣？」的態度。

不要以為我好專家呀，我溝仔一d都唔叻 (叻就唔會single啦！)，只是看到身邊好多朋友的實例，識得愛自己同包裝自己好重要，同埋我真的學會 —

對男人，要寸一點，不用太nice太responsive

將suppose諗住佢的時間做自己的事，做運動﹑扮靚﹑做facials﹑興趣班﹑讀書等等，總之focus自己。沒有什麼比付出在自己身上更值得的吧？

所以，男人要擁有我，必定要如我愛自己般的寵幸我。

否則，我寧願不要。

單身未必好開心，但至少不會為一個臭男人而傷心。

我一定會找到一個好好條件又錫我的男人的。我是真的有這個信念和自信。

女人當自強

話說其實Betty已經好耐無蒲頭，怎麼說呢，覺得自己很多方面都未ready去「獵男」，也沒有這份心情。

我打算過了probation才會計劃之後想走的路，因為份工始終還未知會做成點，我希望他加返我人工，所以我現時都很努力工作。現在的薪金是比我預期低15%，很大的幅度吧？而我expected salary其實已經不高，只是他再壓我價。同時我又在想，如果他也不加我人工，還要繼續做嗎？這個問題令我感到很苦惱，這是帶點尊嚴的問題，而且轉了工種就要接受低一截的人工。

現在跟我同post的同事，要麼嫁了找份工消磨時間；要麼fresh grad來學東西的。我在想啊，找到個有點錢的男朋友/ 老公，打份頹工又有何所謂，5:30放工還可以去街市買餸煮俾老公食，但現在我還未有，放工其實都無咩好做，所以我報了興趣班學插花，同italian cooking class。但我也清楚自己不是女強人的材料，我做事唔係叻，做人又唔夠圓滑唔夠假，又受不起壓力，根本無能力做阿姐，我也不是貪錢的人，我有些做sales的朋友，就是十分喜歡錢，在所不惜都拼命搵錢，我真的沒有這份精神。

然後我再想，搵得多錢又怎樣？70萬年薪的Jessica，已經升職到APAC Marketing Manager，經常周圍飛，口說很累但十分之enjoy，她喜歡名利，喜歡看見自己成功，而她那鬼佬男友，是個比她搵少最少1/3的普通sales。太強的女人，總是配無乜用的男人，這似乎已是個定律，我也不知何解，只是以我身邊的例子，每個女強人背後個男人都是比較軟弱無能，就是回家煮飯湊仔的男人。Jessica經常post facebook，簡單如11點放工回家，男友切好西瓜給她吃 — 對呀，就是這樣，Jessica已經甜到入心，說自己很幸福。

最近有個曾經在倫敦date過的男人搵返我，其實他搵過我數次我都無回過，我就是不想再聯絡﹑不想再見面，也絲毫沒有掛念的感覺。我從沒想過我是如此對他沒有興趣 —- 我一直以為我只可以跟我喜歡的男人有親密關係，我想當時我太寂寞吧？初到倫敦也沒有甚麼朋友，只想搵個人陪。

然後我發現我只想抹掉跟他的回憶，當無識過一樣，這也是他跟我申訴的東西︰

為什麼你好像忘記我了？

我想︰我為什麼要記得你？

原來會情感上死纒爛打的，不只是女人，男人都會，令女人對他念念不忘的是他的ego。

女人愈冷漠，男人就愈熱情﹑愈緊張。

諷刺的是，我不是刻意吊住他，而是我真的不fucking care about him!

當我發現他這個舉動令我看不起他的時候，我更清楚我們女人一定要活得有尊嚴 SELF RESPECT，一開始要界定大家的關係，千萬不要拖泥帶水，有不切實際的期望。

要玩，100%去玩。要認真，100%去認真。

這名男士，就是兩頭不到岸，想做個playboy，又竟然對我動真感情 (雖然只是無聊為多，但我感覺得到他是對我有感情的，也期望我對他也是一樣)；這個問題一定不只對我，他對其他女人都一樣，有不切實際的期望，所以識極都無好結果，一年後還想起我Betty。

事實上，我已經把他忘記得一乾二淨。

 

想清想楚 – 生仔

不知道從何時開始，我對生仔完全改變了看法。

我曾經好想生仔，因為我好鍾意小朋友，而且如果生個女似我，我會好開心。

但經歷了數次感情的失敗，令我開始覺得，如果搵唔到一個好爸爸，再加好的經濟環境，真係唔好生，生左只會害左個小朋友，自己無條件時，湊都湊得好辛苦。

由一開始純粹覺得BB好得意，到開始諗實際的問題，我真的覺得自己成熟了。

Embed from Getty Images

今天我去探岩岩生左第二胎的Helena，她是我10年前in空姐時認識的，好靚女，而且人品好，咁多年喇，仍然有心聯絡，其他的幾個一齊識的空姐，都真係無聯絡了。

她嫁了個醫生，生了第一胎就辭職做full time mommy，生活幸福美滿。直到大半年前我還在英國時，她說發現老公有外遇，對方是個好貪玩的死o靚妹，佢老公承認，結婚一段日子覺得婚姻生活好悶，個女仔是上網識的，覺得個女仔好funny，又會聽佢訴苦，同佢一齊好relaxed好舒服。Helena慨嘆點解老公有工作壓力，竟然同個外人講都唔明佢講，嬲到爆之餘也檢討自己邊度做得唔夠好？婚姻這回事啊…… 我Betty未到的階段真的不懂評論。由有左第二胎鬧離婚，到今天她選擇原諒，也是為了小朋友著想，不想他們在沒有爸爸的環境下成長。我十分佩服她的能耐，也不敢再過問這件事，我是真心希望她幸福快樂的！她值得擁有萬分疼愛她的男人！為何家裡有這樣好的老婆，還要出去滾？還要不是逢場作戲，是長達近一年的婚外情。

今天也是我第一次見到她老公，真係好靚仔，咁樣的醫生，又真的好難無女人埋身。由於我知道他曾經對不起Helena，所以我內心有點尷尬，亦很糾結，令我本來對感情已經很失望，他令我更加對男人感到絕望，令我覺得做女人真的好難。到底男人們想我們怎樣？老婆咁靚，有學歷，入得廚房出得廳堂，甘願犧牲自己事業同你生仔，仲要全職湊仔，沒有自己的社交圈子，沒有同事﹑沒有朋友﹑沒有人工，屋企由朝做到晚等你放工回來，換來的是覺得生悶出去搞第二個女人，那種心痛，真的很難想像。

嫁到有錢老公，生活的確無憂，但那種沒有尊嚴的對待，並非每個女人都「好恨」。不知為何，男人覺得女人嫁俾佢就像奴隸，食佢住佢，但沒有想過女人背後的付出不是以錢來衡量！

還有，女人！點解要做人第三者？破壞人的家庭？那女人明知男人已婚有小朋友，還死纏爛打不肯放手，有時女人不要臉的主動，加男人咸濕同心軟，真的斬極都斬不斷。其實現在佢老公仲有無同個女人藕斷絲連，Helena都唔確定，亦不想再深究，既然決定唔離婚，只得一個選擇就是相信。但唔知點解，我看到他，只是覺得他內疚，覺得自己要負返責任，但硬是…… 覺得他同個女人還未斷。

BB才3個月，真的好可愛！我抱到不捨得放手。

拍拖結婚一起走過10年，竟然為一個女人差點斷送大好家庭。

我只覺得，如果個男人不是100分的好，我一定唔會同佢生。

除了他不值得我為他這樣犧牲自己 – 我的身材﹑所受的痛楚，還有如果我不確定他能為我和孩子提供一個理想的生活環境，我真的不會生。婚姻有什麼問題，離婚都話可以灑脫地一個人的精彩，但生左小朋友，再不能自私的一個人，是要照顧他的成長﹑健康﹑供書教學。

還有，令我這樣懼怕男人不能夠做一個好爸爸，是源自我英國的男朋友，雖然拍的時間不長，但所經歷過的有如拍了幾年拖，就等如我英國的1年，有如我在香港的5年，所經歷的﹑所成長的。而他是從小沒有爸爸的，他說親眼看見爸爸打媽媽，然後推她落樓梯，那時他只得10歲，不懂反應，直到長大後，他才意識到自己非常痛恨爸爸。當一個男人從小沒有一個role model，他不懂如何做一個男人，不懂得尊重女性，亦令他害怕婚姻﹑害怕承諾。

亦有小研究指出，不少變態罪犯都是來自單親家庭，沒有爸爸的男生長大後變得尤其暴力。最近Florida的校園槍擊案，兇手正是fatherless。多年前的Virginia Tech槍擊案的韓籍兇手，父母也是來自非常不愉快的婚姻。

Children who grow up without a father are five times more likely to live in poverty and commit crime; nine times more likely to drop out of schools and 20 times more likely to end up in prison. They are more likely to have behavioral problems, or run away from home, or become teenage parents themselves
– Barack Obama

我不相信窮養這個東西，因為我在英國捱過窮，知道無錢的痛苦﹑被人看不起的無情。如果我生小朋友，我一定給他最好的東西。不需要大富大貴，但不可以窮。

ON/ OFF

男人只有兩個制，ON/ OFF。ON的時候，對妳有無窮幻想，何止在妳身上花錢，差不多叫佢去死佢都會去。但OFF時候，就真的就如沒燃料的機器，怎樣撻，也不能再撻得著。

Turn off一個男人其實係好容易，真的一個不留神說錯一句說話，都會傷害到他弱小的自尊心。男人其實是一種好蠢的動物，蠢得令我們女人高估了他對我們的行為，往往源自我們想不通的原因。女人不明白男人，不是男人有多複雜，是男人簡單得我們接受不到最後的誘因是如此的白痴。

當男人同你講︰You turned me off

那你要真的相信，他真的turned off了。女人鍾意講反話，但男人不會。男人只會講大話。如果他是講大話，他會說︰Baby you know I love you，但他一定不會說︰「我對你已經沒感覺。」

同樣地，當男人同你講︰ Oh my god, you turned me on

咁佢真的turned on了，此時是妳可以叫佢為妳去死的時機，I mean 這一刻的他，真的可以為妳做任何事。女人對男人，最大的竅門，就是懂得把握時機。

男人瘋狂喜歡一個女人，可能真的是很剎那間，那段時間是很短暫的。男人就像一個小孩，剛接觸一個玩具，非常喜歡，日日拎住來玩，但好快就失去興趣。唔需要問點解，its their nature，小孩唔再鍾意一樣野就係唔再鍾意，無得解。Toy Story中主角長大後唔捨得丟掉兒時的玩具，就是因為有感情，所以要令男人對女人肯有擔當同承諾，不可以只靠個樣同身材。樣同身材，就像玩具的外殼，吸引小孩的注意力；但玩具有幾好玩，就要睇女人的造化了。

其實這是一個很複雜的問題，好睇你遇到的什麼男人。溝仔王Marie問過我︰

你有無諗過點解你識親都係只想同你上床的assholes?

我一直只覺得我係唔好彩。

Marie說︰No, its all about your mental quality and attitude

這也是inspired我寫了上一篇Attitude的靈感。

好多男人一開始係玩，但女人的態度好取決於佢下一步行動同對妳的態度。

假設你們上床了，如果妳態度輕鬆無乜所謂 (好多女仔以為自己做到咁可以瀟灑點)，咁個男人都會對妳態度輕鬆無乜所謂，唔會再花心神響妳身上。一定要夠恨心，表明立場，如果佢唔配合，以後都唔好再見佢，要講得出做得到。

一定要做到咁，女人先有self respect，而男人先會respect返妳。

而最最最最重要的是，首先妳要肯定他不是player，否則用什麼邏輯分析﹑講咩都無鬼用，妳無可能對隻牛彈琴，然後妄想佢有一日會聽得明妳彈乜。

YOU ARE NOT ATTRACTING ASSHOLES, YOU ARE DATING ASSHOLES
All women met assholes in life, but smart ones alerted the red flags in early stage and walked away
– Matthew Hussey

而我覺得我的問題是，我一開始無filter走那些players，浪費左好多時間。我現在才發現，一個女人夠狠心是如斯的重要。

而防止自己為一個男人唔開心的最佳辦法，是一開始西走不合格的人，唔好咁易俾佢氹到。以我經驗，妳只要拖長少少時間，就已經好易試得出佢對妳可以有幾認真。食飯飲野唔好太求其，唔係話介意食McDonald，但次次街邊檔魚蛋粉只證明佢想以低成本氹妳落搭。

NEVER EVER EVER INVEST IN A GUY BASED ON HOW MUCH YOU LIKE HIM, INVEST BASED ON HOW MUCH HE INVESTS IN YOU
– Matthew Hussey

我初時覺得我無所謂，因為我不是貪錢﹑物質化的女人，我以為我的遷就﹑我的好，他會懂得欣賞，但原來絕對不是的！男人鍾意俾人蹂躪﹑俾人鬧﹑俾人使佢的錢，佢先覺得這個女仔有個性﹑有要求﹑有追求的挑戰性。就好像賭錢咁，愈投放得多，愈想擁有，愈不想放棄。犯賤邏輯矣~

Embed from Getty Images

可能妳會話︰唔係喎，有些男仔就係覺得這些女仔港女貪慕虛榮，奉旨要人請食飯！

Alright，第一︰孤鬼寒又cheap的男人，真的不要也罷。自己cheap又話個女仔貪佢餐飯，咁你咪鬼約我啦！

第二，有點生活品味的男人，絕對唔介意帶個女仔食餐好，尤其佢suppose是有點喜歡妳 (都唔講是追求中了)

第三︰唔係老奉！我會offer俾返錢佢，睇佢收唔收。而如果佢keep住表現良好，帶我去既地方靚又玩得開心，我真的不介意俾返錢佢。但如果keep住去4,5次佢都無乜表示，又要你夾返錢，就唔好再應約了，因為佢似是搵人陪多一點。

簡單點來講，一開始使男人錢，唔好覺得唔好意思，千祈不要覺得為佢慳，他就會覺得妳好，NO WAY! 更何況新相識，我點解要幫你慳？初相識，已經是他對妳最好最好的時段，如果這個時段都cheap，真的唔該下一位！女仔，適當時候識做點，自己offer俾返錢/ 請佢飲杯野食件蛋糕，送下小禮物，咁大家的相處咪平等點，他不會有hard feeling，又會keep住在妳身上付出。

妳要有自信，自己值得這餐飯有餘。

記住，要揀岩人選，著力在early stage西走那些無謂人，否則做咩講咩都是浪費精力。

Attitude

臨近情人節，發現Lovestruck的post就多人睇返。如果你問我，我真誠地勸大家不用浪費金錢，online dating好多都唔使錢，做乜要俾錢去識埋D唔知咩人，o徒鬼氣！

人真的是種世上最犯賤的動物，因為要錢，要付出，就覺得係正野。其實online dating從來是不可以認真的遊戲，玩的時候，抱住的心態是無聊搵人傾下計，岩既就約出來了解下，就是這樣。千萬不要有這樣心態以外的期望，通常你無期望的時候，往往都有驚喜。亦因為你無期望，你對對方的態度都會不同。

我在英國約會過的男人，我數過，有差不多30個！約會的意思是出來食飯，見過面的。我全部都是上網識的，所以我對點樣吸引男人約我出來非常瞭如指掌，但「約出來」同「可以發展」完全是兩回事，亦好睇對方是什麼人﹑什麼心態約你出來。而鬼佬，10個有9個都是想上床，我也承認因為我filter得不夠嚴謹，所以我先見過咁多個。如果我認真去filter，其實真心想做朋友的，真係5隻手指都嫌多。但對於我來講，I DON’T CARE，我一心是想見識﹑想玩。當然現在回到香港，我無興趣再浪費時間去跟一個只係想同我上床的男人去街。

要玩，都玩過啦。

講真，說到尾，點都是女仔蝕底架！

我喜歡跟不同男生約會，因為他們會帶我去一些平時我無機會去的地方。我說我很不習慣倫敦的冬天，他就帶我去有火爐的地方，還一早霸定位。而倫敦有火爐的餐廳實在不多，所以我都好impressed!

過去的戀愛經驗，我對男人了解到一樣東西，而這是powerful到不分國籍的︰

千祈不要對男人太好，而如何為之「不太好」，就是到一個位你覺得自己咁講﹑咁做「好似好衰」– 咁就岩喇！Then you are on the right track!

例如唔覆下佢message﹑佢遲到﹑做錯事毫不留情地鬧爆佢 (當然有點技巧，不是潑婦那種鬧，單單打打下佢串下佢)，要表明立場你嬲，千祈不要扮大方，簡單點來講︰

女人要有ATTITUDE

我們喜歡一個男生，害怕失去他，好多時候都會扮小女人，原諒他的inappropriate behaviours，好簡單如遲到/ 失約/ 臨時改時間，你一定要表明立場你唔係「完全無所謂」，只係「接受他的理由並不能再有下一次」。即係不是我們女仔小氣，是你不可以縱容他，讓他不尊重你。

我試過有條友，我係好鍾意佢，好想have fun together (你懂的，嘿~)，有一次他約我，到當天下午3點幾先send個爛鬼message來︰

“Hey are we still meeting up tonight?”

我當場即刻收佢皮︰“我唔去喇，你食自己啦！”

他萬萬想不到我會say no，結果之後除左message密左好多，再約我仲book好哂餐廳 & uber，好準時響tube station等我。

你不用理他是否出自真心，總之佢肯做，這個是非常重要的。一個男人是敷衍你，定有擺efforts去做一樣事去討好你，你一定感覺到的。如果佢吊兒郎當你仲話無所謂唔緊要，那他只會覺得下次一樣可以咁放你飛機，同覺得你無挑戰性﹑無個性﹑無attitude，TOO EASY~

要一個男人肯為你做一些東西，是不容易的。

港男那種「兵仔」文化除外！我識過咁多國家的男仔，真的無人咁白痴做兵。

鬼仔，真的不會。