前幾天有個男仔加Betty Facebook,話響邊個event見過我,講兩講又話自己認錯人,再問Betty拎電話whatsapp,大家交個朋友咁,咁我就俾左公司個手機佢,反正有什麼事我都唔驚煩到我,但奉勸各位姊妹千祈唔好咁易俾真電話男仔,首先煩係top concern,另外就係佢唔知會點用你的電話號碼,可能拎去賣俾cold call marketing firm,唔俾佢個人煩住,俾cold call煩都夠死啦!
跟住條友一路幾日來都無whatsapp我,響facebook話工作忙,遲些再搵我。坦白講,我真係極度唔明咁佢拎我電話做乜?係咪真係新興響facebook呃人電話號碼拎去賣?還是有些人,鍾意儲contact 但又唔諗住搵對方?就像去event拎一堆咭片,用來擺。這些人真係好騎哩,而我Betty經常都遇到些騎哩人。所以我已經unfriend左佢,不想list上有些九唔搭八的人。佢whatsapp我,我都唔會睬佢。
各位男士,唔該,唔好拎左人電話幾日後先搵人,跟住同人講你工作好忙,呢個咁既藉口我都唔知聽過幾十百萬九千次,到你悶先搵人,人地點解要睬你先?我識過係堅忙的男仔,佢係可以明明要同美國開conference call,都要同我食飯,因為佢驚再約我會唔得閒。有開con call的人都知道有時d con call係好無聊,但都要巡例上dial in,狗up幾句’Yes I agree’, ‘I get you’, ‘Okay no problem’. 於是那晚佢一邊耳戴住個earphone,一邊同我食飯,同我講野時就mute左個電話,但佢又真係跟到con call入面的人作出反應,會答到人野,諗起都好笑。大家可能好好奇我地最後點?後來我發現佢結左婚,嘿,講完。
之前在我blog出現過的空姐Kylie結婚了!就是說看不起機師也是搵10萬的女子。這令我真心覺得,香港地無話港唔港女,只有好唔好命,好港女的都可以嫁得出,要求好高也會找到個真係符合到妳要求的人,更令我Betty醒悟,唔需要降低要求,因為係妳既,就係妳既~ 降低左要求,反而引來一些騎哩怪。其實港女有無男朋友,同要求無關,反而性格佔大一點的因素,第二係命水!而且睇Kylie這個人辦,好靚女,好高,好有要求,咪又係嫁得出,仲嫁得好好。
Kylie老公係西環海味街海味店的太子爺,身高同樣都唔錯,不過帶一份playboy的味道,但作為有錢仔係好正常既,Kylie識揀,揀個30幾到尾的,玩夠肯定性,咁當然Kylie作為翻版陳敏之一點都不輸蝕,做空姐見得人多,識睇人眉頭額眼,而且都係大學生,佢屋企都好健康清白,不是大富大貴但又唔係窮,媽咪好靚同佢兩姊妹咁。佢老公講野有文有路,令我覺得雖然佢係好花心那種男人,但真的定性了會好好愛Kylie,所以我覺得一男一女的結合,真的是緣份,right timing就是了,不早不遲,就只有這一個人。