Betty不算是個大使的人，不過使起上來都是大錢。踏入late 20s, Betty發覺自己患上買手袋後群症，真的好奇怪，女人到這個age就喜歡買手袋。Betty媽都好喜歡買手袋，買到成屋都係，小時候覺得媽媽好奇怪，買左又唔用，Betty爸就成日埋怨老婆買手袋。到今天Betty長大了，終於明白那種癮。
見到靚手袋，個人好開心。靚手袋係有一種魔力，至今Betty擁有3個Chanel, 1個Celine, 1個Saint Laurent, 2個Furla。而Betty第一個有牌子的手袋是Marc Jacobs,至今仍珍而重之，就像是成長的一部份！對比起一些shopaholic的女子，Betty可說是小兒科，但重點是3個Chanel, 1個Celine, 1個Saint Laurent都是2年內的收穫，可想而知我是買得多瘋狂！
Betty哥擁有2只Rolex，昨天又迷痴痴地在網上看一只錶，眼神直頭好像望到個3點式靚女，好想攬住好想擁有。其實啊，男人喜歡買錶，女人喜歡買手袋，大家不應該侵犯對方喜歡某些東西的權利。一只Rolex要7-8萬，夠Betty買7個vintage Chanel。
男人戴隻靚錶是身份的象徵，靚手袋就是女人自信心的其中一個來源，而且手袋日日都拎住，又可以襯衫。Betty只買真皮手袋，而且好小心咁用，所以好耐用，是一種有價值的投資。
不過，Betty其實是一個守財奴，每次買完手袋都會好內疚，但買的時候又好興奮，那種矛盾的心情真的很難形容！所以每次使大左，Betty都會乖乖的儲返手袋呢舊錢。Betty慳起上來，係超級婆媽。
- 返工行多幾步去du機搭地鐵平2蚊，現在改買都會票，睇準那個地方過10蚊先用，唔蝕俾地鐵公司
- 買飯盒都唔嗌野飲，返公司飲水；就算出去食飲野，都飲熱的，慳返2蚊，而且女仔飲得多凍野都唔好
- 短程有電車一定搭電車唔搭地鐵，可以慳返2蚊
- 早餐食麥皮，或者生果，慳返廿幾蚊又無咁肥
- 午餐帶飯，慳返40-100蚊一日，一個月可以慳800-1000蚊！
- 夜晚返屋企食，唔想食飯就煮個米粉/通粉，一個月慳1000-2000蚊！
- 基本上無拍拖慳返唔少錢，因為少出街，少左消費
- 買衫等特價先買，個人喜歡Zara，銅鑼灣的鋪頭仔。之前有買Zipia，款係靚呀，不過布質麻麻地，運費也唔抵。著得最多是Muji, Gap的背心、jacket，好舒服。Bread n Butter曾經買好多，但發覺佢的衫好易起毛粒，已black list。唔鍾意淘寶，成日買野返來貨不對辦，好激氣，運費也不平
- 喜歡買二手野，鞋我都唔介意。我最貴的幾個手袋都係二手，當然買時要小心唔好買到假野，也要肯定對方唔好用到太舊
- 朋友約會揀來去，食少餐飯慳200-300蚊，當然「朋友係要見既」！但唱K,或者知佢地食貴野我會唔去 （PS. Betty不喜歡打邊爐，因為我唔食牛羊，次次打邊爐我都係食魚蛋同腸仔，而打親邊爐都要200幾300蚊！）
- 我同Janet最近好鍾意去一田/citysuper食dinner, 壽司，pizza, 生蠔任君選擇，再去買個pudding/ jelly做甜品，坐低慢慢食，埋單每人100蚊都唔使！
- 指甲自己油，也從來唔整gel甲，慳返200蚊架都
- 首飾我唔好，好少買，戴的介子同耳環都係金，長戴唔除的，因為我係超級的懶，除來除去我會整唔見的。唔戴頸鍊，因為我做瑜珈，會頂住條頸
- 電子產品我唔好，從來唔追潮流，我還在用Samsung note 2。成日覺得幾千蚊買部相機骨都赤埋，絕對唔o徒呢些錢
- 護膚品我唔用貴野，平的也好好用，最緊要揀到岩自己用的
- 化妝品我捨得買貴，因為一支粉底，眼影胭脂可以用超級耐
- 胸圍是女人最值得投資的衣服，也要好好打理。細個成日質到d胸圍變哂形，又掉落洗衣機
- 女人衣櫃最少要用一條好靚的裙，貴點都ok。所以我行街見到有靚會買定，著厭就賣去二手店 （通常靚裙唔可以著太多次，也無乜機會成日著）
- 染髮，電髮我唔去cheap salon，頭髮啊，男同女都好緊要！唔好為左慳少少錢令頭髮受罪，秀髮受損事少，甩頭髮事大
- 旅行無買手信的習慣，通常執幾包野食敷衍下同事，又唔使拎餐死
竟然諗到20項自己用錢的習慣！我一般都好慳，只係成日一買就買貴野。我覺得，使錢最緊要量力而為，其實出少點街就慳好多錢。
Betty媽前幾日問我：「喂，點解你唔去蘭桂坊了？」
見我扮到成隻雀去蒲佢又擔心，而家唔去了，又成日覺得我無街去。做父母，的確長憂99。
我說：「又唔係未去過，有乜咁好去？」
坦白講，由始至終我都唔鍾意clubbing，因為我唔鍾意好嘈的環境，只係以前有朋友鍾意去就一齊去。而且clubbing唔岩太斯文的女仔（Betty我），岩那些放盪的女子（如Jessica/Queenie)。
蘭桂坊的日與夜，已看過，無任何憧憬，而且真係大個左了，target meeting quality people，蘭桂坊是一個浪費時間的地方。況且，而家都無人去蘭桂坊啦，連自由行都唔去了。我對上一次，係去pure fitness做gym。走在那條斜路，既熟悉又陌生。
be.betty 