火雞姐的爆紅是實至名歸，我Betty as一個港女都引以為榮，這就是我們港女骨子裡的影子︰
聰明 – 識得醜化自己出名
講野有文有路 – 得到大家的共鳴，搞笑得來又的確講緊事實
自信 – 的確係個靚女，但又唔覺得佢扮野
有內涵 – 諗到這樣的內容，仲演繹得咁有神髓
綜合而言，火雞姐完全表現出我們港女係又靚又有腦﹑洞察到周圍的人同事，適當地誇大而引起大家發笑。唔該那些大陸女人行埋一邊，有質素﹑識貨的男人先唔會娶大陸女人。
片中她扮狗的一幕 (0:18)，我reloop了很多次，因為真係扮得好似！
說男人如狗，抱歉這樣offend了一眾男士們，但男人好多方面的思想和行為，的確跟狗極其相像。
拍過8次拖的Jessica很久以前已經跟我說︰「男人像狗仔一樣，要受訓練，妳要告訴他什麼可以做﹑什麼不可以做。間中要給予獎勵，但做錯了要有適當的懲罰，萬萬不可縱容！」
Betty拍過3次拖，男朋友都是很純的男生，由相識到相戀，我都沒有經歷過心理戰，大家志同道合，很自然就走在一起。所以那時候我不明白亦不認同Jessica的言論。
到而家再識男仔，可能離開左學校同朋友圈，靠自己出去識，發覺男人比我以前識的複雜很多，我也認為是我一直在很單純的環境下識對象，所以無諗過有d男人係可以咁ridiculous。
我前幾篇blog講過近幾個月我好open去識新男仔，這段時間我的確識左好多，不同行業﹑年紀﹑靚仔樣衰﹑高矮肥瘦~ 其實都幾有趣，因為我kind of終於知道有咩男人淨低響呢個市場，而每個男人無論係咩條件，骨子裡都係一樣，一樣咁犯賤。
Well…嚴格來講，犯賤係人的天性，公平點講句唔應該將男人對號入座，女人錯愛男人都好犯賤。但男人真的潛意識係有一種小狗特質。
大家如果養過狗，都應該知道，狗一定要由細訓練，如果佢bb時太縱容佢，到佢大個左就好難教。狗仔都有一種爛玩﹑不顧後果之心，所以要俾佢知道，要俾hand hand先有雞肉條食﹑唔准咬梳化﹑唔准響屋企周圍痾屎痾尿，還有最重要的是，要認住邊個先係主人。唔係阿豬阿狗俾條雞肉條你，你就跟人走佬。而in general，在主人循循善誘的教導下，其實好多狗都好乖好聽話，對主人亦非常忠心。當然要睇係咩品種，例如Betty最愛的金毛尋回犬，個性非常純，服從性也很強；而那些成Q日吠的北京狗 (仲要係白色果d，唔係啡色純種)，細細隻樣又醜但非常惡死，我至憎。
寫到呢度，唔知有幾多人睇得明我的暗喻。
我Betty識朋友，只有一個要求，就是一定要心地好，要humble。而心地呢家野，無得扮，傾多幾次我已經知道你係咩人。我Betty觀人非常於微，基於禮貌，我唔會當面拆穿你，首先如火雞姐咁講，我係港女好elegant；第二同你又唔係friend，無資格話你亦唔想教精你，just… 無必要。
有幾位都唔係d咩優厚條件，現階段事業還是剛起步，但就當自己係男神。好難想像，他朝有一日俾佢死好命出人頭地，搵到幾個臭錢，揸架臭車，佢地會係點樣對人，尤其對女仔。
同埋我好唔鍾意成日話d女仔港女，人地唔鍾意你拒絕你，就係港女﹑就係玩你？唔能夠經歷失敗﹑心胸狹窄的男人，先係世界上最大的失敗者。與其講人壞話，不如檢討自己，做個更好的男人，自然就有好女仔欣賞你。好過講到人地係地底泥，而自己好清高，真係想嘔。
每個人都有自己的喜好，都有選擇的權利。我成日都講「你揀人，人揀你」，成日搵埋d同自己條件不相符的女仔，人地點會睬你？只會一次又一次咁失敗，然後冤氣日漸加深，跟住講人地女仔不是。有時做人要實際d﹑貼地d，不過我發現而家淨低既男仔都有相似的問題，就是自以為係男神去追女神。當然女仔都可能有同一個問題，就係自以為係女神好多人追，這樣的說法好難以偏概全，係case by case。
Janet說︰「這是男女關係的遊戲規則，我們不需要認同，就是必須要跟著規則去玩。Thats men, oh well…」
所以做女人，要當自己係一隻飛碟，一個唔該飛入森林，小狗們才覺得係正野，瘋狂追呀追，幾遠幾辛苦都值得仆去接回來，而最諷刺﹑變態的是，牠們十分享受這追逐的過程；但如果做隻放在草地的Kong’s玩具，主人幾舊水買回來，名廠出品，質量好又益智，入面仲收埋左d狗糧。狗仔見顏色尚算鮮艷咬兩野，但基本上玩兩玩就失去興趣，放埋一二邊，無聊時又拎來咬下。而當有隻飛碟飛過，一定死狗咁去追，always here for him的玩具，不玩也罷。
be.betty 