這是我經常講的議題,現今男仔識女仔,是會看她做咩工搵幾多錢,這不是膚淺,是一個趨勢。所以我說男女現在很平等,別再說女的貪錢,睇你有無樓有無車。
你有樓有車有樣有學歷自然會揀,無樓無車又話人貪錢,我最憎呢啲港男!自己無本事,追唔到人又響度詆毀女仔。坦白講丫,你有本事咪又係周圍玩女人。
所以要搵個有條件但人又好的男仔,才是女人的事業。當然自己也要條件同樣的好 😄 呢方面我Betty有自信。
那位跟我one night stand得男人,還是忍不住我的冷漠繼續找我,過程非常interesting!
勝利的感覺真好,別以為自己有顆俊臉、有肌肉、有點錢可以俘虜所有女人,至少就算你多麽想再擁有我,也再沒這個機會了。
我唔會再見佢,我都驚我會忍唔住,嘿嘿!
為了去英國鋪路，我上網開始識英國人，問下當地環境同就業機會，識個朋友去到有個依靠。其實我英國都有朋友，不過唔算好熟，同我唔係好想俾人知我呢個年紀辭左份工去working holiday，所以打算settle down左，有間屋有份工先會搵佢地，唔係以為我好日唔搵，一搵就好似想投靠佢地咁，這就是現實，唔怪得人咁諗，俾著我都會。
收到一個韓國oppa的message，說來香港玩問我介不介意帶佢去食野，雖然唔係我想搵的英國人，不過我Betty都鍾意識新朋友，所以前幾日就相約見面帶佢去銅鑼灣。Betty是銅鑼灣地膽，又鍾意食野，oppa仲竟然來左幾日香港都未來過銅鑼灣，所以更加要行下啦。
可能呢d真係物以類聚，我覺得我同佢係同一類人，都係好斯文﹑easy going的人，好多時你睇一個人啖吐﹑待人處事就睇得出，尤其我Betty做左咁多年PR，I am very good at reading people。全程食咩佢都堅持請我，魚蛋都要分半串俾我，我話唔食，佢個樣係勁愕然，係堅愕然喎，唔似d港男心諗你唔食仲好慳返，跟住佢話︰「We Koreans love to share food, it is our culture」講到咁，我Betty都唔會意思唔食啦！
佢話下次我去首爾，佢可以揸車帶我去郊外，那些地方遊客比較少機會去到。其實都幾開心架，可以話大家有眼光，揀岩真心願意帶大家去玩的朋友。至於Oppa的外型，都ok架，好高 (應該有6呎)，瘦瘦地，雙眼皮，英文有限，有時要講2次我先明。過電就沒有，就是感覺到佢係真心會願意帶我去玩，來答謝我今天的招待。
之前的blog提過，呢幾個月我識左好多男仔，其實有好多感想，好想跟其他姊妹分享。
簡單點來講，男同女是沒有單純的友情，但我感覺得到我同oppa可以，而重點是，對方都係咁諗至得。
雖然市場好似好多都taken，但我發現有不少其實係騎牛搵馬，所以我覺得仍然是有機的，I still have faith~ 重點係要令自己fit d，外觀要吸引，殘酷點說句，這是現實，我勸大家唔好諗住自己性格有幾好可以吸引到男人。佢連望都唔望你，根本上唔會發掘到你有幾好。
男人是visual creatures，係用對眼感觀，繼而有下體思考。以新相識為例，在他們的大氣電波內，個女仔人品好係排第三，這亦是你pass左外表先進入的複試;到佢認識你深左，而佢settle down想結婚，人品先會升上第1位。
男人<25係睇樣
<30係睇胸
>30係睇腳同臀部
基本上我而家再識男仔，就算是朋友，我都唔會揀<27的，儘管扮到自己幾老積，始終閱歷太少，都係低能的小朋友。(well, 我自認都係一個阿嬋)
一個聰明的女仔，在擴大自己生活圈子的同時，識得filter好重要，當然好難避免會惹上身，唯有唔好太熱情啦。我發現坊間仲有好多都30但思想極其單純的男人，對佢笑下，健談少少就以為我鍾意佢。(苦笑)
同時地，我都識左好幾位條件很不錯的高手，仲經歷了一場one night stand。
我知好精彩，我都好想寫低，不過未得閒寫。而我相信這一節會給初入情場的姊妹一個很好的參考。
Please be patient 🙂
be.betty 