Queenie自生了個仔之後，已經辭左份工，在家相夫教子，終於俾佢恨到。咁都不突止，原來佢老公打本俾佢開餅店。我認識Queenie良久，都不知道她懂得弄蛋糕，我敢肯定背後有很多人幫佢。看其餅店的Facebook主頁，以其子的英文名為名，蛋糕款式的確可愛。Queenie確實是個很聰明的女子，在為自己的將來搭路這一方面，值得我們還是孤家寡人，為養活自己及父母獨自拚搏的剩女好好學習。
Monica從法文小都Montreal回來，驚聞我還是單身︰
「無理由架Betty, you are so good!」
第二個我會覺得佢假，但Monica是鬼妹仔，而且認識已經10多年，由初中時大家結識第一個男朋友仔，到而家長大成人，可說是睇住大家大，好清楚大家的性格和要求。
「不過話時話，我覺得people in Hong Kong are so ugly! Even uglier than before when I was still in college。男仔好瘦弱，女仔好濃妝，但化到咁行仍然係唔靚，Hong Kong is such a desperate city!」
加拿大出名靚女多，可能基於氣候﹑飲食﹑生活節奏吧，大家不難發現很多華裔小姐都係來自加拿大。
「You know what，加拿大好多韓國人，女仔好靚！好多都無整過容！」
「Betty，如果香港男仔唔岩妳，有無試過識鬼佬？」
「我不吸引鬼佬，唔知點解。」
「因為妳唔夠slutty (姣)！」
我恍然大悟。唔怪得Jessica這樣多鬼佬觀音兵。唔怪得Queenie露條「波’la”(隙)」加當眾自摸咁work。拿，「波’la”(隙)」一詞係佢自己講的，自拍時話一定要露。咁粗鄙的說話當然不會在男人面前講，更何況鬼佬都唔識聽。好多人前狀甚斯文的女子，實在是粗鄙不堪。Come on so what? 男人信佢係冰清玉潔咪得囉！你班剩女唔識扮純情扮可憐是閣下蠢同太有原則。事實係點一點都不重要了，反正像Queenie的女子已經上哂岸。
Monica: ‘Maybe you should learn to be slutty like her, it works!’
其實都係架，我睇唔起Queenie的行為，是因為我太有原則，衝破不了自己的關口，Betty根本不是這樣的人。但Monica又講得岩喎，IT WORKS! 我睇過auntieyan的「收兵之苦」，正正就是講像Queenie的人，auntieyan最後說，無興趣收兵，只想做好自己，其實我Betty都係咁諗，不過講真，你唔收兵大把人收，而士兵數目寥寥可數 (已經不說有無質素了)，當士兵俾人收哂，咁我地咪坐哂晌度數手指？那我們是堅持自己清高的原則，還是學一學點樣發姣？這是一個在我心中開始糾結的問題。
本來我們的原則並無不妥，自古以來窈窕淑女，君子好逑，但我覺得社會現在已經變遷了，尤其在香港，已經無男追女呢支歌唱，當男仔選擇多，他們不需要just stick to ONE，甚至係女追男。而且而家女仔配年紀比她們小的男生也很普遍，羅仲謙竟然鍾意楊怡，Bosco配楊崢呢對更加是荒謬，係咪造新聞真係當事人至知喇，皆因而家好多事都無話無可能，Bosco話哂都叫唔錯應該有好多選擇。
不如再睇下內地，最近TVB重播「非誠勿擾」，好真實。像葛優這樣40出頭的「海歸」，其貌未必好揚，但我相信內地有好多這類男人在找好老婆，戲中葛優提到︰「樣醜的我不喜歡，樣靚的，不是另有目的，就是性冷感，再不是買一送一」，或者是如舒淇受到嚴重情傷的女子。看到這裡，我Betty說到底也是個正正常常，可以跟人組織家庭的女子，我知道有很多男人正在找像我一樣的女子，欠的只是緣份。
講真，如果葛優來追你，你會答應嗎？
be.betty 