好耐都無update了，因為Betty跟了老闆出差美國2星期，對比起之前做PR時做到隻狗咁，現在跟老闆是人性化了的妹仔，待遇似返個人，最重要是尊嚴。
有些PR出差仲會賣埋身，這一行真的好黑暗。如果你說人生如戲，每個人都是演員，在舞台上將自己演得最好，那撈得掂的PR肯定是影后，憎到你死可以臉帶笑容同你做friend，同人上過好多次床可以扮黃花閨女，勁爆粗又食煙可以扮係斯文靚女。不要以為我吹水，是千真萬確，香港女仔真係拍得住國內同胞美女，一樣為左錢為左男人奸到什麼都做得出。Well… 男人又真係信，色字頭上確是一把刀。老實說Queenie絕對具備以上所有演技，只可惜少時唔讀書，會考得9分，不能成為account servicing的一份子，只能做個小admin，不過老闆依然好錫佢，病親都會隊500蚊俾佢看醫生。豬排？成日請假唔炒你都偷笑。
昨天跟大學同學食飯，當中包括Jessica，只見她依然故我露臂坦胸，身穿碎花小背心，一條熱褲，仲大嗌好熱，同場男同學忍不住串咀︰「妳著到咁都話熱？」走時Jessica自己行返屋企，走在北角的橫街窄巷，看見其扭下扭下的籮柚，又長又黑及腰的頭髮，加上一個人搬出來住的背景，真像一樓一鳳的鳳姐。Sorry for being mean，有些人著得少令人覺得好性感，但有些人就是cheap。而且，不是鬼妹仔扮也不會是鬼妹仔，只會是在灣仔pub外等客的賓賓。
去了美國一趟，覺得人生活得真的很寫意，去supermarket買野返屋企煮，然後帶隻狗去beach散步，同男朋友一齊游下水，睇住男朋友滑浪。一般鬼妹都好sweet好有禮貌，無論人同司機都會讓路，唔同香港人黑口黑面，這無非是大家的生活環境不同。香港地生活壓力大，又多大陸人，真係少d EQ都唔得。我在San Diego的沙灘上，望著個海，在思考，為什麼我們香港女仔搞到自己無人要，仲要怨氣愈來愈重~ 再看身邊好甜美的鬼妹，我地女仔係應該好似佢咁sweet，而唔需要是做到隻狗的女強人。OK，到鬼仔，高大大隻靚仔不在話下，而且好有風度，香港如果搵到前面果3項，就唔會有後面果項，總前身在CA 2星期，覺得身邊的人太好︰有人為你推門/ hold住度門；你想過馬路，司機一定停車俾你過，仲要笑笑口好nice；男女比例好平均，走在街上一定有2個男人在身邊。
好甜美的美國女生
我再想，在香港身邊的確有很多靚女有正當工作但單身的朋友，overtime我發現她們衰什麼︰
1. 空姐Kylie – 怕養妳唔起
在我blog出現過，就是那大口氣說機師也只不過是搵10萬蚊的人，大把男人都搵10萬一個月。唔好誤會，其實Kylie個人無乜野，條件也的確很好，身這高5呎8寸，長得像陳敏之，個人好開朗，對朋友好有義氣，身邊也有很多很好的女仔朋友。Kylie都好似有拍下散拖。而我認為Kylie的死穴，就是太’posh’，post親相都是她在巴黎買的Celine, Chanel，travel住的是5星級酒店，吃的是Four Seasons Caprice/ Peninsula Gaddis，總之就是5星級的生活。老實說，一個女孩子靠自己賺的錢去享受，有什麼問題呢？這也是Kylie對自己的堅持，但也嚇窒一眾男士。沒錯，無錢無品味的男生，也不會是Kylie杯茶；但Kylie又唔夠奸唔夠姣去溝有錢仔，所以演變到Kylie單身了好久。
Kylie的生活及品味
2. 碩士生Vicky – 要求跟自己的條件不相符
上集剛出現的Vicky，她不是要成為鳳凰，多次表示不是說要嫁有錢仔，但既然妳不恨成為鳳凰，何以要求鳳凰才可得到的待遇？Again，已說過其實Vicky是個很不錯的女生，絕對會是個好老婆，只可惜她有點不接受現實，不明白鳳凰公只會選鳳凰女，有得揀，他點會選頭山雞。最近Vicky識左個financial analyst，八到對方搵3,4萬一個月，Vicky十分滿意對方的收入，所以儘管講到對方悶到抽筋又無主見，一個月先約佢一次，但每次人地約佢佢都好期待。Come on girls，一個月先約你一次，大家認為成功率有幾大？經我Betty分析，一這男生真的是戇直之中的戇直，可能唔係好知什麼是女人，只是阿媽叫佢識下女仔，就去識下；二騎牛搵馬，喜歡的女生唔吼佢，Vicky就成為涉下時間的對象。當表面證供都不明朗的時候，Vicky就已經當正人追緊佢兼嫌三嫌四，此乃盛女另一大死穴。
Vicky心目中的對象，不煙不酒不賭不嫖，但樣唔可以衰，搵到錢又斯文，又有主見同情趣
好多盛女，就唯有將自己的schedule排到密封，去填補內心及實際的空虛，好似Vicky，星期一至五都有野要學，星期六去行山，星期日返教會，就算不用學野，佢都會積極約人食飯質滿個schedule，我約佢要提前2星期。雖然看似好充實，其實好sad，迫自己要堅強，話俾人知自己唔孤單兼好忙。
做乜做女仔要做到咁？點解唔可以做到令男人憐香惜玉的甜心？像San Diego的鬼妹一樣，健美的身材，迷人的笑容，隨和的性格，走過有一陣香氣。
盛女，是香港迫出來的。本來女孩子的可愛和韻味，都被現實生活吞噬了。
be.betty 