痛苦的婚姻

跟Gilbert 4年無見，月頭我去中環簽新工的約，經過商場在找洗手間，我頭向右望的一刻，也是Gilbert推門出來的一刻，他大歎一句「呢D咪叫緣份囉！」所以有時我覺得，男女之間也存在這樣的緣份，是你的就是你的，不必要太強求，當然也不是坐著等運到。

Gilbert是某國企的Sales Director，係堅高級，搵好多錢，同時壓力好多，1個月飛一次咁滯，但個樣真係無乜點變，咁捱法之下真的keep得好好。

「你都仲好靚好fit呀！」Sales果然口甜舌滑。

不知為何他還記得我告訴過他的情史。

「我記得你上一段感情好唔開心」

我心諗我都爭點唔記得自己有幾唔開心喇，你竟然記得。

「無拍拖，咁有無心儀對象呀？」

「真係無。」

「大家咁多年朋友先講，我有點擔心你啫！」(變老姑婆嫁不去)

Gilbert基於職業上好識講野，但我又feel到他是真心的關心我狀況。

「坦白講，你而家都30幾，女仔來講真係無咩時間」

我知呀，但無都無辦法架。當然我無講其實我中間涉左好多causal datings，我又未致於完全無男人，只是不是認真的對象。

「你知唔知自己想要咩男人？」

這個問題，其實都係今年我好認真的去想，我是真的在張紙上畫個表，分3行︰

1. Must have – 善良的family man錫屋企人同鍾意小朋友，價值觀相近溝通得到，intelligent，高 (>175cm)，喜歡運動，decent looking
2. good to have – 興趣相近 (我接受到大家鍾意既野好唔同), funny (我接受到較文靜/悶的人)，good sex skills
3. deal breaker – 自私，心胸狹窄，narrow vision，窮 (唔係要好有錢)

就咁睇，我要求的確好高，直到我出來做野成日俾人話我要求高，我就降低左，結果我識過好多仆街，唔靚仔又有，矮又有，窮又有，所以外在條件我現在絕不會降低，高是必須，而且要decent looking。錫屋企人的男人心地差極有限，而我覺得善良真的很重要。

「我俾個建議你，再諗5個你接受得到對方的缺點。」

這個我真的沒有想過，但我覺得啟發了我很多。

「我老婆是獨生女，個人好自私，淨係諗自己永遠唔諗人，呢樣野我極度唔鍾意，但我願意包容佢遷就佢，因為我們要明白人無完美，我會去欣賞佢的優點，佢優點是個人好簡單，對我對生活都無乜要求，佢個人好斯文，識彈琴。呢樣就係我所講我接受佢個人自私不懂人情世故。」

「佢又幫你生左個仔」

Gilbert點頭︰「是的！我想生多個，但佢唔想。佢話一個幾好丫。」

Gilbert 3姊弟，來自大家庭，對方是瀋陽人，one child policy下從來都是自己一個人。

係呀！Gilbert娶的是大陸女仔，都幾靚的。他沒很具體說喜歡大陸女仔的原因，就是很隱晦，可能唔想hurt到我啦 (作為一個港女)。

「你試下找一個做大哥的，會比較懂得照顧你。」

這也是我沒有想過的問題。我英國的男朋友也是哥哥，但來自破碎家庭，而且佢個人好自私，我覺得是我們相處的最大問題，不是他是否照顧我。佢知道要做但唔去做，有幾識照顧人又有咩用呢？

最後，我想說的重點是，我不覺得Gilbert開心。

他是愁眉苦臉的，我是深深的感受到他很辛苦地忍受對方的自私，簡單來說這是大家價值觀不同的溝通問題。他擔心我嫁不出，難道結婚就一定開心嗎？為什麼人總是將快樂和婚姻畫上等號？

如果我找不到一個適合我的好男人，I am okay to stay single，to be honest還能怎樣呢？走到街上找個人結婚嗎？明知自己不喜歡，明知不適合？

最近都有人追我，其實一開始我已經唔鍾意佢，無論外表和談吐，但我就是聽Jessica話應約了，oh my god這是多麼痛苦的一件事！我努力去迎合，努力希望我能夠喜歡他多一點，努力去放大他的優點，但真的不行呢！他所有的行為和說話都令我覺得討厭，36歲人真的很幼稚，I just told him straight to his face，他還傻傻的問我自己有什麼地方幼稚，我喜歡什麼男生，他覺得自己fit in得到，仲send佢張卡片俾我，what the fuck?! How does it relevent you being stupid & shallow vs you are a regional sales engineer?單單呢樣野我已經同佢溝通不到。

我不想標籤港男，但我同佢傾計我覺得自己好似同緊一個中學生講野咁。這也是他樣不太衰，屋企有點錢，”regional sales engineer”但都仲單身的主因吧！香港男人到mid 30s，真係條件不太惡劣都無可能無女朋友，岩岩分手再搵除外。而呢個人，我極度懷疑佢無拍過拖或者n個世紀無拍過。

所以最近我真係寧願識女仔一齊high tea好過！

誠實的男人

話說我在三藩市認識了一個男生，他帶我去玩了2天，回香港後一直有聯絡，就是每天都text，西岸跟香港的時差其實很好，他們6am我們9pm，所以每天他一起身就會text我，一路揸車一路傾，直到他回到公司為止；而我嘛，夜晚都沒事做，所以這樣我們渡過了3個月的long d texting。

他9月到日本比賽，順道來香港 – 一半是因為我吧，因為他2年前來過很喜歡香港，咁岩又識到我，可以帶他去更多更好玩的地方，所以他決定來香港玩5天。點知佢上2個星期同我講佢識左女朋友，但係enjoyed the time with me a lot and hope to spend time together in Hong Kong & Shenzhen, I was like, WHAT THE FUCK, are you okay? 我不是嬲佢，而是覺得他諗住同我坦白我會當佢係friend咁陪佢玩，這也未免太不切實際吧？

Jessica說︰「有咩分別呢？當初你都係當人導遊 friends with benefits。」

當然有分別啦！
當時大家都single，大家kill time & entertain each other；
第二，我無當佢係導遊，我是真心想認識佢，雖然我知大家是long distance；
第三，我們purely platonic手仔都無拖，no benefits okay?

他實在是個聰明人同了解我性格，Jessica話諗緊唔明點解佢要話我知自己識左女朋友，仲要響來香港之前的關鍵時刻。我認知既佢︰
第一，佢的確同我好投契唔想失去我這個朋友；
第二，我已經立入左friend zone佢認為我都當佢係friend；
第三，坦白左就避免我有什麼誤會，唔使呃住我。

就係因為佢當我係friend，所以佢唔會佔我便宜，佢大可以呃住我同我上床 (雖然我覺得自己唔會，嘿嘿)，盡興玩5日然後拍下籮柚走人。所以Jessica話︰「欣賞佢誠實，但俾著任何人都唔會講。」

將心比己，我在美國都識了好幾個男仔，如果我識到男朋友又諗住去美國玩，我都一定唔會講，大家其實more than friends & met on dating app，考慮對方感受都唔會講。就好似我咁，仲想我帶你玩？係咪傻架？Why do I need to flirt with someone’s boyfriend? 我連message都無乜覆佢了，i mean有限度回覆，佢問我答，但我唔會再initiate話題，send相同flirt，答都非常冷淡，佢都feel到然後自動收皮了。

我都唔知佢叫誠實定天真好，其實之前我們plan了很久在香港同深圳去邊度玩，但我是一定不會去的了。男女之間是無單純的友誼的，就算我唔介意，對那位女朋友都不公平。

我覺得無論男人有什麼行為，做女人一定不可以忍，不喜歡的不要去妥協。可能有女仔覺得無問題，但我花了3個月flirt & text不能接受going out with someone’s boyfriend，跟我有幾喜歡他無關，事實上我都不是什麼有幾喜歡他，只是我認識他是由relationship purpose開始，這個goal從來沒有改變，不是退而求次做friend。我無咁得閒花時間keep一個long distance朋友。我下次去三藩市，唔可以住響佢屋企，又唔可以一齊去Tahoe滑雪了，對於我來講已經無左take efforts去keep的必要。

還有，long distance真係要傾下電話，texting不很靠譜。

到現在，我都不認為long distance是無可能，但要start with wisdom，知道自己要什麼同，同跟對方compromise點溝通。不過我同意一開始就long D有90%都唔會work，但我意思是如果對方條件很吸引，大家好connected好夾，都可以試但要set rules, manage the expectations。最近我都發現我倫敦一個鬼妹朋友半年內轉男朋友仲嫁埋過去美國，而我見到佢肚突突，短期內要一個男人娶你的確係靠團火同個肚，手段既野，英國女仔絕對不輸蝕，因為個人夠假，呃得下人，尤其單純的美國男仔。

Btw，個男仔真係好靚仔，Betty心心眼，雖然我唔識佢但見佢post的video個男仔係一個family man，個wedding party好causal有好多朋友參加，好溫馨！

好多野…… 唔恨得咁多架喇，而且世事無絕對。當然有得揀都唔好揀long distance啦，一陣long D 1-2年都係得多桔就是浪費時間，一係你可以勇 & 絕到半年內用個肚嫁過去。當然能唔能夠長久是後話，我覺得睇彩數同你識唔識揀，女人做緊要知道自己要些什麼。

上星期我在街上撞到Gilbert，4年無見個仔都3歲半，他跟我分享了一些揀男仔心得，下回再續。

Cheating/ 偷食

Jessica懷孕了！如斯一個有計劃的女人。

Jessica曾經跟30個男人玩過，最後選定了一個來自法國鄉村，唔靚仔但唔係醜，唔係有錢但又唔係窮的男人。拍拖頭1年Jessica仍然都有偷食，到最後玩到厭了，同埋真的考慮結婚，就發現法國鄉村佬就是可以付託終生的人，就是你去偷食都永遠唔會知，乜都聽哂你話，又錫你的男人。

Not agree? 就我自己，同身邊的朋友，married or single，我都可以好肯定話俾大家知，個個都會偷食！只在乎你幾時想停。無偷食的，大多數只是吸引力不夠罷了。

還有是Janet這種道德撚，別誤會，她雖然是我的好朋友，但她是真的如此。Janet不出去偷食，並不是她有多愛男朋友，或是覺得偷食不應該，而是自我保護意識非常強，她計算了跟一個新相識男人發生性關係的風險，例如染上性病﹑對方會唱出去等，而且她是超出我想像的超級保守的竹昇妹，對男人的size/ 長度﹑幾時射﹑keep幾耐﹑一晚可以幾多次等等都還是很好奇，因為佢sample size太細，一個男朋友拍了10年，再之前的已經是college咸豐年的事。有生之年唔去見多D男人，係幾咁可悲呀！(嘿嘿，個人而言)

後生無玩過的，婚後偷食的機率非常之高。就這一點Janet非常不認同，她認為婚前玩得好勁的，都唔擔保婚後一定唔會，她認為all about男/女人自己本身有無吸引力，有時人就是隨經歷，散發一種charm。Well yes，世事無絕對，Janet不是不對，而是她根本沒有玩過，根本唔明白「玩」的整個過程及心理。「玩」，同正常追求同拍拖非常不同，我都唔係好識好具體咁講，經驗不夠會好hurt，但慢慢會慣 (又係那句its all about experience and practice makes perfect)，但又十分令人回味難忘。

Jessica計好哂時間，確定食夠玩夠就搵個人埋單，千祈唔好話「埋單」講得咁難聽，這叫聰明同醒目！後生食盡所有靚仔，就算拍拖時都繼續食，食到想收山，又真係食到飽了，就安心結婚生仔，對以前的靚仔﹑令人回味的dicks同性技巧不再留戀。

玩過就夠，不在乎擁有。

事實上大隻靚仔是用來食的，不是用來擁有。找老公的，還是找個可靠的鄉村佬好。

Jessica叫我加快步伐找個男人結婚，因為她知道我想生仔。有一段日子，我真係咁諗，鍾唔鍾意都無所謂啦，但求搵個人同我生仔，一齊共渡餘生，最緊要係佢鍾意我多過我鍾意佢，咁就會幸福。

然後近日，我開始在想，結婚後就要成世對住同一個人，唔可以再自由地出去識男仔。我也是近3,4年先開始玩，仲要主要係只在外國玩，所以數量來說我不算好多，而且咁大個女，我都未試過好好的拍過一場甜蜜的拖，我發現我唔甘心就咁以後只對住一個男人。

這亦都能夠解釋到，點解咁多人婚後偷食。係我先咁有ethics啫！好多人mark定一個有錢的嫁左先算，結左婚除左仍然可以偷食，仲可以隨時離婚，總好過stay single with a risk of being single for the rest of the life!坦白講丫，安心事件基本上日日都在我們生活圈子中出現，真係大把人偷食，只是佢地係名人仲要俾人影到。

Embed from Getty Images

再看Meghan Markle，結婚7年都無同前夫生仔，真的是非常聰明！女人啊，生仔是幾大犧牲！也是最大的武器，不要咁易同人生仔！個男人無返咁上下質素同愛錫我，真的唔好咁衝動為生而生。女人除了小mimi好珍貴之外，個子宮都好寶貴，生完元氣大傷﹑身材走樣，touchwood失婚仲要帶住個小朋友。未生過的女人，價值高好多。雖然我就快做高齡產婦，但我諗我會重新定位，這些事真的急不來，真的確定對方是個絕頂好男人，先好諗同佢生仔。

如果你真的愛一個人，不會想他傷心受傷害，亦即不會出去偷食。但要搵到呢個人，一點也不容易，I know its ridiculous，但我認為自己未玩夠，周圍識同date不同的男人其實真係好開心，尤其我覺得自己已經開始調校到心理狀態，玩得起，就咁嫁左去我會唔開心同唔甘心。

Jessica話︰「你都傻既！你又知？話唔定你一識就拍得好開心然後好快結婚呢？」

我唔知下一步是怎樣，我只係知我唔會找個男人同我生仔，我需要愛同戀愛的感覺，但我太遲開始玩，年紀上是時候結婚生仔，但心態上還未ready。玩的時候，我同時間試過有3,4個男人，embarrass to say，我未試過好正式地拍過拖，所以我唔會話自己偷過食。

認真說，後生唔玩，我覺得我老左一定會後悔！Jessica講過一句我曾經唔明但而家好認同的說話︰

女人最慘係咩？唔係俾人玩，係你想玩，男人都唔想同你玩

出來玩有好多種男人，有一種的確飢不擇食，但求就手；但都有不少是有一定要求，如果對方條件不差，我意思是整個package，外型工作性格，要吸引佢你都要有咁上下質素，所以在乎你玩咩同點玩，我自己就對對方有一定的要求，就是他能夠十分貼近男朋友的條件，所以每一次完結都令我好唔開心，但我又真的開始慢慢習慣，就是很早filter他是什麼人然後抽離同享受，瀟灑一點的離開，只要大家付出是相等，就沒有難受的感覺。

Don’t run after men.

鳩噏

之前提起我還有聯絡的美國男人，有一位說來香港找我了！

而他來港只有兩大天，第二天還加插了他的哥哥。

連月來的I miss you, I want to see you so much，不知為何，突然間醒哂了。

我對他一直沒有什麼期望，就是好似仲有少少野，所以keep住繼續聯絡落去，噓寒問暖﹑flirt下。直到他說來香港兩天。我追問他，他才說之後會去日本，但沒解釋是business trip還是personal travel. I mean, yea 他沒必要告訴我。

你真正掛念一個人，就只是想見她一天嗎？

較早前，因為他總是說很掛念我，就算係把聲都好 (的鳩噏)，於是協議左個時間講電話，結果佢無call到。我話你唔諗住打就唔好提議，to be honest我真係預左時間響屋企等佢電話，因為街上好嘈同無wifi。

唔傾電話not a problem，但無口齒 is a big deal同係浪費我時間。

當然我無咁講，否則助長佢志氣以為自己好巴閉。於是過幾日佢有打返俾我，傾左半個鐘。之後第二次佢又suggest have a phone call，結果又係無打。最諷刺的是，我無睬佢1日，佢突登打電話俾我說要討論他的香港之旅，I was like WHAT THE FUCK??!! 之前約好哂你唔打，今次無約好之下晨早當地時間6點幾打俾我，仲好意思話let’s plan about Hong Kong。而當然，個電話我無聽到。

我明白大家不是什麼關係，沒有怪責他的權利。

只能印證的是他根本就唔想打，亦覺得同我無咩好講，所謂掛住我把聲都係鳩噏。他就是如此一個順口開河的人。

於是我唯一可以做的是永久的ignore。

I am not here to entertain you dude!

當佢食言你都忍佢，佢只會繼續食言，同睇得你更低。

反正他所說的 “I come to Hong Kong just to see you”亦是一個鳩噏。沒有情感的﹑隨口噏的。

Cherry說︰你對他有太不切實際的期望。

嗯，對的。

But somehow, a promised phone call is very basic even as a normal friend.

就算無打，唔道歉都應該解釋原因，而不是brush it off當無件事。可能我個人太有原則啦，在於Cherry而言，她覺得好小事，唔打咪罷就。

而我都認為距離是個最大的問題，沒有好的感情基礎，很難維繫一段感情，剩下的只有性的回憶。

Embed from Getty Images

外國人的確好鍾意鳩噏，連Jessica每一個facebook post都同佢老公講I miss you, I love you, Can’t live without you，而現實生活上，他倆根本不如facebook中甜蜜，Jessica就是鍾意曬命。這些說話，外國人是可以很隨意﹑沒有生命力的說出口。

男人有時實在太幼稚，同太低估女人的智慧了。

Long Distance

完成2星期的美國之旅，我Betty無穿無爛的回來了！是否很期待我的歷險？

2星期內，我見了9位男士，全部都是美國人，除了一個是half Filippino，全部都是由我8月開始上網識keep住傾計的。這次旅程其實也加附了探親，所以14天內我是真的超級忙，每天也在想如何分配時間給男生。看見我14天內見了9位，也知道我是如何的用心，加超級好的time management吧？

14天內我去了3個城市，要知道美國很大，裡面還加了3次的內陸機。

不知怎的，我也認為Betty我自己是個有點怪的人，我在美國可以天天爛街，是真的由朝爛到晚。回到香港，我可以每天下班+weekend也留在家裡 – 我是genuinely love being home and being alone! 但要social呢，我又可以的喎，我也覺得自己是個異人！

或者這樣說吧！香港男士真的不是我杯茶，沒有興趣識，也沒有人約我 (根本無識過當然無人約！)，也沒有一個令我好想同佢去街。我經常說，我從來不是不喜歡香港男生，只是香港30出頭條件唔差的已經全部上哂岸，對，是全部。我身邊就是毫不起眼的男仔朋友，都已經結埋婚。

在美國，走在街上，總會有幾位男士在身邊，男女ratio很平均，而且地方太大，去邊都要揸車，令男士追女仔會有心點，例如最起碼他要揸車出來見你，然後要送你返屋企。我見過住得最遠的一個，要揸2.5小時車先來到我的airbnb，來回就是5小時了！我有問過他，為什麼這樣遠都要來見我，他答得很均真︰

「我們美國人就是習慣了commuting，我上班經highway都要45分鐘，而且你咁遠來到美國，我是很想見你的，it worths」

聽完的確有少少感動！但他令我學會，女仔要對自己的價值有自信，千祈不要因為他住遠少少就心軟。他是9位裡唯一我有請佢食lunch的一位，因為我內疚 (我知我咁諗係好on9)，同埋覺得佢揸車咁遠好辛苦。但最後我發現他們揸7-8小時由洛杉磯去三藩市都是好閒的事。

何解我話唔好內疚同心軟呢？回來香港我們也有聯絡，只是他人太沒趣，他錫我，竟然說沒有掛住我，覺得我們相識的時間太短，沒信心維繫一段long distance關係。我問他那你為什麼錫我？

他說because I like you

我接受不到你like我但唔miss我，尤其大家分隔異地，我覺得這團火一定要keep住不可以熄。其實整個conversation我都好positive好主動，到最後我覺得大家諗既野好唔同，而且他從來無承諾會來香港找我，令我覺得再傾落去都無乜意思，弄得好像我自作多情咁。我ignore他後，我接二連三message問我係咪嬲佢， need a talk? 我都唔知佢係真傻定假痴，但我實在無時間浪費在沒有定向的感情上。

可能你覺得我應該給他機會，但恕我未能分享我們的對話，真係令我好嬲。起碼我有俾Cherry睇，佢都叫我唔好理佢了。我倆慿藉多年拍拖經驗所得，佢唔係唔鍾意我，但只是現在無其他女仔在身邊，我就變成first choice，但他是不會有任何付出和行動去維繫大家的感情，因為他骨子裡根本沒有勇氣發展long distance，那我幹嗎還浪費時間？但跟他2天一起的日子，也會永遠印在我的腦海中，或者這就叫有緣無份吧！

Embed from Getty Images
LA的男生都很喜歡surfing~
而LA水是冰凍的，他從海水上來抱著我，就像一條冰條碰著我曬得熱烘烘的皮膚，no kidding，真的有一刻打冷震的感覺！同時甜甜的 🙂

而另外都仲有2個還有聯絡的，我先發覺long distance是一個如此艱巨的項目︰你唔可以好認真，但又唔可以太唔在乎，因為long distance真的要心血去keep，那中間的拿捏位很不容易。太唔在乎好快就會無，放手嗎？自己又有點唔捨得- 我想重點是我在香港無其他男仔，所以更沒理由放棄他們兩個- 直到有一個肯為我來香港，這是我現階段的心態和目標，在我在香港未識到其他男仔，及他們是但一個來香港前，我都不會放手，隔空flirt下其實都幾sweet既，只是其實我又是一個很需要安全感的人，當收唔到他們回覆，我會check住當地時間，諗下佢做緊乜點解唔覆我，就是有點強迫症吧！我明白我不應該奢求什麼，我們現階段其實只是朋友，沒有check行蹤或發脾氣的特權，他也沒必要向我解釋遲了回覆的原因 (雖然他們通常都會解釋)，跟住我的理智就會叫我自己唔好再諗住佢地，總之就是一甜一苦，一甜一苦，幾天幾天的循環，真是人都癲！

唉，有頭髮邊個想做光頭？我都嘗試在香港識其他男仔，但香港識鬼佬真係難好多！在美國我被寵得像公主，回來香港D鬼佬懶巴閉咁。不過已見慣風浪的Betty我，絕對不會被呢D鬼佬玩到我。尤其在美國的2星期，令我明白到，港女識唔到男仔，絕對不是個人問題，係社會，同你喜歡的那個男仔問題。而我確實覺得就是一次又一次的失敗，吞噬了港女的自信，總是覺得自己唔夠好，所以無男仔鍾意，這是大錯特錯的！！！我強烈建議各位港女姊妹多出走旅遊，看看這個世界，結識不同國家的男仔，你會重新發現自己的價值和優點，同明白你不一定要框死在香港﹑框死只能選擇香港男仔。

就正如”嫁到世界邊端” 波蘭篇，個女仔話為了迎合男友去買了對長boots，點知男友還嫌三嫌四，說要過膝的才是長boots。一個真正喜歡你的男人，就是你著拖鞋都覺得你好靚的。

Oh by the way，我間唔中看到留言說很羨慕那些人妻，尤其嫁到法羅群島的那個。Come on，如果佢老公唔係咁高大靚仔，大家會羨慕嗎？如果對方是個在法羅群島牧場主人肥大叔，每天跟他放羊，他煮飯你食，食完飯睇電視訓覺，你會覺得是幸福，還是悶到抽筋？

英國的冬天已經凍到我想死，法羅群島的冬天更加不敢想像！嫁過去是需要絕大的勇氣和愛！大家也別忘記，好幾位人妻以前是當空姐的，是可以有機會成日飛過去會情郎，都一定係由女的做主動的了，就等如我，幾時先可以再飛去美國見佢地？我要返工，飛過去又要時間又要錢，雖然食同住不用擔心，但如果不能確定對方是值得，其實好大risk同好浪費時間的。

人愈大就愈實際，不過要追求愛情，一定要付出加勇氣。我會努力的 🙂

小測試

Betty好久沒去一個長旅行了！有人聽到一定想打我，朋友說去得最多的地方是我呢！雖然上個月才去了泰國，但我就是屁股坐不穩的女生。

Betty下一站就是要去美國啊！此行乃是清假，算是被迫吧！

於是我重拾online dating的舊路，上網識當地的男仔。

雖然大家覺得我對online dating好有經驗，但其實回想，我也算是個失敗者。我想最簡單的事實，就是最後我還是沒有男朋友，就算中間識過幾多個，最後沒結果的，又有什麼用？我那英國的男朋友，嚴格來說也不算是好認真的拍拖，只是當時我比較寂寞，十分倚賴他，大家很多時間在一起，就是這樣吧！說到比較深層的溝通和遷就，沒有一份愛，其實很難維繫。

回想那年的瘋狂經歷，也有後悔的感覺，但是人總有脆弱的一面吧，脆弱時戒心就會大大降低，相信有經歷的人，都一定會明白。每一個mistake都是給自己成長的課堂，我不會忘記自己犯過的錯，但我已原諒自己。最重要是經一事長一智，不重蹈覆撤。

瘋狂過後，最大的好處，就是你什麼都試過了，沒有了好奇﹑沒有了無知﹑沒有了不甘心。如果你問我，我也不覺得one night stand有多好玩或刺激，只是滿足自己的好奇心吧。

我其實是一個好心軟同好易氹的人，為了制止再令自己陷入causal fun，今次我決定做個小測試，就是開宗明義跟男生說我只是來旅遊，但looking for serious relationship。就咁聽，好荒謬吧？去2星期旅行，期望對方對你是認真？這也是我在英國時的想法，唔想disappoint對方﹑嚇親佢或令佢覺得同我去街好大壓力。我處處淨係識諗人，但就忽略了自己，點解明明想拍拖，要屈就自己令對方認為可以causal fun的對待我？

男人對你不認真，就是因為女生給他這樣的感覺及准許。

所以今次我唔理佢點諗，就是跟他們說出我的想法。

Embed from Getty Images

坦白說，我不覺得long distance是完全沒可能，看大家有多喜歡大家而已。當然我預左好大部份男人睬我都傻，點會浪費時間跟一個隔左一個太平洋的女生拍拖？但我就是尋覓一個願意去試的男人。but well 如題是個小測試，我不知道有幾多個，我講到明唔會causal fun而又願意繼續傾計同了解我的人，然後期待大家見面一齊去玩相處下，看看大家夾唔夾﹑感覺如何再諗下一步。

雖然我覺得是好難，但就是想試一下反應。

初步有一個美藉伊朗男人，說喜歡我的坦白，亦同意我的說法，他說︰

“I think in life we have to be flexible, we cant force anything. Life is short, I dont want to waste time so I prefer being direct”

但我諗佢咁nice，都是因為流著伊朗人的血，比較傳統，同佢地都鍾意chinese girls。Well 我認我是racist，我對伊朗人無興趣，但我好enjoy同佢傾計。

另一個幾靚仔的美國人，本來傾得好地地，我一講起這個話題，佢雖然話都buy我的想法，又說自己not looking for fun and want to settle down，但明顯無咁熱情了。我明既，想settle down都不會揀個住在幾丈遠的人。大部份鬼佬，就只想找個 2 weeks fun，玩完就算，來個旅行就咁大個責任，係男人都唔想。又或者好多女仔，為求免費住宿同司機，也真的無所謂仲幾好玩。

我唔會放棄架，話明測試一定要測到盡。再update 🙂

Online Dating Apps使用分享

說到我用過的online dating apps，也實在不少，在英國的1年是我用得最多的1年，原因是沒有什麼朋友，工作也不穩定所以比較清閒。我回來香港大半年了，self intro和照片都沒轉過，但就沒有男生like我了，所以我好肯定是香港的地域問題，很難識鬼佬 (對，我是filter了only white/ hispanic guys)。我在英國時，真的一星期可以date足7日，試過一日3個dates (triple dating lol)，因為我住得遠呀，倫敦車費好貴要10鎊，出一出去連塞車/delay要1.5小時。有時候男生會由east london特意來west london找我。

第一個online dating的tips，可能香港geographic上不太適用，但如倫敦的大城市，就是︰

#1. 找一個近自己工作/家的地點，千祈不要太就對方，因為都不知什麼料，不值得

一般男生有一點點的風度，他一定會就你的。尤其是first dating, first time都唔就你就真係食得屎，真係連炮友都費事做！

#2. Never send message to the guys first. NEVER!

無論個男仔幾咁吸引你，都千祈不要先給他發訊息。這是永恆不變的潛規則。不要擔心失去一個機會，他不先找你喜歡你極有限，更遑論日後的其他發展了。

現在我就逐個app分享吧！

1. Tinder

最多人用，亦最易識人，但亦最雜，要好小心識，第3個tips:

#3. 選女婿般的挑選男人，列出你的所有要求，然後跟著狠狠的挑，千祈不要諗住「試下」，這樣不是增加你識到(好)男仔的機會，是增加你遇到仆街的機會。

我訂的最大﹑最穩守的要求，就是對方一定要寫一個最少2-3行的自我介紹，不寫的，無論幾靚仔我都不會swipe right。相信我，這是能夠省下你很多時間的潛規則，有少少誠意識個朋友的男人，就算是炮友，都不會一句也不寫，一隻字都沒有的可見其人格，既不承認自己找炮友，也不否認自己或者會找女朋友。我Betty最憎這種online guys，我寧願你寫清楚not looking for anything serious but some fun，咁如果我見你幾靚仔，大家興趣相近，又悶悶地，或者我真的不介意一聚，但不講明的人，就等如cheap到連叫雞錢都慳返，但又要扮清高自己不是looking for free sex。

#4. 一開始開宗明義問清楚佢想點，what are you looking for?
不要浪費我時間！

I am looking for causal at the moment but open to serious relationship if we click, lets see how things go

收皮啦！唔會同我來呢套！

扮自己只是現階段未ready拍拖，但好鍾意你，覺得同你好夾，不排除會確認你女朋友身份去氹女落搭，這種我都遇過唔少，網上勁多這類男人！通常這些都有老婆/ 女朋友，想玩又唔想上身，更唔想俾錢﹑付出時間去「追」你。一開始問清楚佢，不對路即收佢皮，面都唔使見了，NEXT PLEASE!

所以！Girls千祈不要讓這些cheap男得逞，堅守自己跟人上床的底線，不要咁易俾人呃！我呢，就起碼要佢約我3,4次請我食幾餐飯，大家溝通愉快我先會考慮。放心，一般的賤男絕不會花3-4次約會的心思「等你首肯」，只有白痴仔先會俾200萬拖2次手仔 (I am sorry 我真係懷疑個男人40幾歲係咪未拍過拖？點會單純到咁既地步？) 所以只要你拉長大家相處的時間，就好易令對方現真章，減少被騙的機會。

我經常說，這些事情是雙方自願，fun and sweet，但益俾賤男就一點都不值得！

玩Tinder的，真的要記住這個潛規則。

2. Bumble

Bumble玩法是要女方先給男方發訊息，既然是這個app的must，我不介意先做主動，因為到最後，始終都要男方做主動我先會睬佢。Bumble男士質素高點，同時串一點，不像Tinder matching命中率那麼高，有時我一天也沒有一個。

All you need to do is just say Hi and that’s it, dont do anything other than a greeting，例如一連串的問題，show太多對佢的interests，這樣男人會囂。如果傾傾下無左就由得佢，不要再撩佢講野。Just keep swiping and dont stick to one or two, keep yourself busy and popular，我高峰期有10個active chats，真的不care少一個。

3. Coffee Meets Bagle

公認男士質素最高同較認真，因為它的玩法是每天派5-6個bagels (i.e. guys)，你可以connect or skip。另外有Discover是男士用coffee beans (用錢買/ 其他方法賺取)去like你，同樣地你可以connect or skip。我在英國時日日6個bagels，6個discover，回來香港日日得1個bagel, discover間唔中先有1-2個。可能香港不是太多人用CMB?

我同意CMB的男仔是偏向認真，搵食的是較少，因為它的玩法好time consuming，令食家無耐性玩。食家會玩Tinder，因為快﹑狠﹑準。

我曾經提及的韓國人，正是CMB認識，有錢﹑高層同有正當background，住Marylebone，餐餐請我食貴野，唔肯收返錢，對我也很尊重，無毛手毛腳，只係拖我隻手同想錫我，我避開了，他也不敢夾硬來。到最後我要走了，我邀請他吃飯，他就是避開我了，我嬲嬲地，因為覺得他很小氣。他再找我的時候，我已經離開倫敦歐遊了，他也沒說什麼，我想大家還是算了吧！

說實話，我不覺我他有多喜歡我，我的喜好性格，其實他一點都還未了解得到，只是覺得我的外表和年紀很適合吧！

4. Couchsurfing

旅行時到對方家留宿的app，我歐遊都用它，但從來沒有到人家留宿過。就算如我大膽的女生，仍然覺得很危險的，危險也不是重點，是簡單如到時對方一腳伸開你說「我不能再host你了」，無家可歸要臨時搵地方住好麻煩！就算對方是女人，始終是陌生人，怎信得過？再者，hostel也不是貴，airbnb我也負擔得起，我就是不喜歡要靠人的感覺。

所以我是約對方出來帶我去玩，是食家的，知道你不會去他家住，或者原來多帶一個朋友，就會自動消失不會host你。所以某程度上，賤男是很易看得出來的，世上沒有免費午餐，將心比己，你會是為了什麼願意不收錢收留一個陌生人呢？Dont deny，好明顯幾靚仔，同來自你喜歡的國家，或他會你在學的某種語言。否則撫心自問，你會唔會先？得閒都唔代表要host一個九唔搭八的人。

在上年旅程中，我去了2個男生的家。

好大膽… 是的！真的憑一個信字！和當時對他的感覺。但我認為，你不在他家留宿，沒有要靠他的痛腳，他會less likely亂來，簡單來說他不會敢蝦你。你人在他家，行李又在他家，三更半夜有乜事發生，你是叫天不應，叫地不聞的！起碼我晚了回家，my airbnb host會搵我/報警。

最理想是你在那個地方留一星期，首2-3天跟他相處一下，覺得他可靠，才考慮搬過去，畢竟我同意跟本地人相處生活是很有趣的，臨走前如果他仍是個nice guy照顧你/ 招呼你，咁大家開心一晚都絕對無問題呀，當是報答囉…… 哈哈！當然是你自己都想的情況下。

但我可以跟你說，網上這類的nice guy可說是絕無僅有，所以不用想太多，這個世界好人實在不多，尤其遇到個又後生﹑又好人﹑又夾到的host，仲咁神心招呼你一星期，是如中六合彩的比率。加上，旅行根本好少留一個地方留足一星期。

這男生跟我的德國courchsurfing host長得很像，說起來也真的蠻想他的

我去了德國男生家，很高，fairly handsome，啡頭髮，灰綠色的眼睛。他煮飯我食，彈結他我聽，對我也很規矩，只是我走時他問了我一句︰

「是真的要走嗎？你可以留宿的，就你一個人，I will stay in my own room」

我最後還是狠狠的拒絕了，女生要有底線，這一次的遇見太快了，我要堅守自己的原則。

他剛跟女朋友分手半年，在洗手間還是留著很多女生的痕跡，化妝品﹑指甲油……

#5. 我覺得couchsurfing沒有非份之想的男人，都只是想找個女生陪伴，證明自己的吸引力及減低寂寞感。

有時候，我有點想念他，但又明白到，對於他來說，我只是一個過客，spend time together﹑吃個飯，喜歡的上個床，跟本沒想過是會再聯絡的朋友。

很悕虛吧？是的…… 女生要試這個東西，就得調節自己的期望。否則只會更想念﹑更不開心。不再聯絡，或者是最好的方式吧！簡單來說，他問我是否安全回家後，就沒有找過我了。

在捷克的那一個，是個很funny的男生，不帥不高沒有食女的條件，哇哈哈！那次我是跟朋友一起去，所以我很放心。他帶我們回家飲烈酒，是令喉嚨灼熱的捷克酒！他家非常凌亂有點髒，想像不到要留宿…… i wont be okay!!

所以嘛，我還是不建議女生住couchsurfing。又不是負擔不起，不要靠人哦！

4. okcupid

很離﹑質素比較差的app。每天排山倒海的messages，我倒見了一個italian，似乎很喜歡我，但我一點都不喜歡他~ come on! Italian係女都鍾意，超級咸濕！而且倫敦撈得掂的Italian不多，大部份的他們都是家鄉太窮來倫敦搵錢。靚仔？我真的不知道是哪個bad taste空姐流出這個傳言，無論倫敦的﹑意大利的，我都沒見過靚仔！或者我太討厭他們了，先入為主了。

我的online dating歷險實在不能一下子說清，或者在其他blog post令我想起某位再說吧！

Where are the quality men?

在新公司上工已經快5個月，也是時候綜合一下所見所聞。

公司是multi-national，香港office有150人，直到現在，我還未能一一認得所有同事個樣同名。公司很鼓勵internal transfer，所以周不時都有其他國家的同事調來香港，駐守不同國家的高層也regularly來香港開會。所以公司就是經常出現不同國家的同事，或是一些陌生的臉孔。

公司有好幾位靚仔中至高層鬼佬，全部不過40不過絕大部份已婚，只有2個是single。一個的女朋友是公司的，年紀明顯較大，也不是典型的美女，普通到不可以再普通的加藉港女。由於我坐在鬼佬對面，witness那女的一天走過來最少3-5次，每次都帶點食物，早餐是handmade sandwiches，午餐一個大膠盒 (相信是salad or cold pasta)，其餘時間純粹過來依偎一下，宣示主權 THE BOY IS MINE! 猶幸男的很受落，大慨有些男人都是喜歡有人照顧，像Prince Harry說不用擔心Meghan，反而是Meghan倒過來照顧他，這是其中一樣非常吸引到王子的元素 – she is different from other girls which need lots of my attentions.

那男的昂藏6呎4，女的比我還矮，應該只有5呎2，真的不明白他們怎樣kiss? 怎樣make love? 我最高的男伴是6呎，我覺得就岩岩好，再高點其實有點一頭大灰熊壓著一只小白兔的感覺，呵呵，聽起來蠻可愛的，但身高太大差異總覺得有點怪怪的。

坦白說，在公在私都不應該這樣頻繁的走過來，在公，條女只會俾人感覺好得閒 (well 不過佢有數既)，辦公室依偎俾人感覺核突同cheap (雖然佢係突登話俾所有女仔知 I AM HIS GIRLFRIEND)；在私，個男人係要出去滾點都會，不是你一日走來幾次就唔會。不過可能每對情侶相處的方法都不同啦。個男仔真係好好，又靚仔又純，工作上又出色，而且佢超級勤力，作為兩teams之首無見過佢偷懶，很多directors會蛇王出去大半天，但他除了正常見客，大多數都在座位工作。(都話佢坐我對面咯！所以我會見到聽到)

Well 無奈地，the guy is TAKEN.

於是所有女同事焦點就落在唯一single的associate director身上，他跟Betty同年，但已經做到呢個位，而且是由倫敦調過來的。我跟他坐得好遠，而且不同team，所以不太熟悉他，但他是以寸﹑cool﹑aggressive﹑arrogant為名 (typical English… not surprising)，男生很討厭他，說他對眼生在額頭上，看不起人；他對我嘛，見到其實都會微笑，我想這是最基本的禮貌吧！

雖然我跟他不算熟，但若要綜合這幾位quality men，依我了解他們的性格﹑工作routine﹑社交圈子 (at least in my office)，我覺得除了朋友介紹，其他女仔是無可能識到佢地的。

何解？

上網識？Tinder, Bumble, Coffee Meets Bagel個樣上哂網，仲要打個profile，始終是中高層，周街同人講自己是single，俾同事發現到咁cheap，一定唔會做！！！

Meetup events? 無質素九唔搭八的events他都一定不會去。我諗佢會去某些networking events，但一定同佢工作有關係，或者佢可以識到客/ 對工作有幫助的人，一些純粹識朋友的happy hour events，以我理解的他們，都一定不會去。除非有朋友是搞手，到場支持下，但這個比率又有幾高呢？

所以雖然我們推論他是single，但我感覺上他是寧願一個人，都不會「周街揚出去搵女朋友」。朋友介紹就唔同，low profile無人知，唔會整cheap自己 or makes himself desperate for a girl。

Worst case，咁有錢可以去叫雞。

我覺得Alexis Ren真係好sexy好索，我女仔都心心眼

大家勿諗到叫雞好negative，其實不知幾多quality men叫雞，而雞的質素是超級的好，就是名模級。其實有不少女生出去玩都是offer sex for free，如果有點條件包裝下，真的不如做雞，可以揀客做，做著靚仔又有錢又只是暫時無女朋友的，真的非常快活。咁當然要有Alexis Ren咁上下的質素先有資格咁講~

** 利申︰這只是我的見解，不代表文中所提及到的人物牽涉「叫雞」這件事上。

然後我真的認為，要識quality men，要從朋友入手，一定要擴大自己的圈子，識有質素的朋友。Meghan Markle是搞慈善events識到Prince Harry的。

上網識都是o徒氣，你們熱烈討論的Lovestruck – 我再講多次，要俾錢咪傻啦！要俾錢不如玩Tinder/ Bumble/ CMB，全部免費，男士質素也差不多。但我有點覺得，如果你自認戀愛經驗不多，上網識好易俾人呃，呃錢我倒未遇過，但呃上床的，網上非常非常之多，各位姊妹要小心！這些賤男專吼準一些單身良久的寂寞女士。所以如果你自認單純又想搵男朋友就不要上網識喇，反而去那些meetup single parties仲穩陣！我meetup都收過好幾個男士messages話想同我做朋友，我睇佢張相同佢follow的groups都好正常，只可惜我對chinese沒甚興趣所以無覆過。Follow多些quality groups，有些男士真的會search & click入去睇有咩女仔。

Yoyo這些，也不是良家婦女，都唔知玩過幾多個，同埋佢人品都係materialistic & bitchy那種女人，所以佢會handle到上Tinder識。網上的男人警覺性咁高，也是因為有好多像Yoyo的女人呃男人錢，呃飲呃食。所以我是男人，真的不如叫雞，像Yoyo的女子，使幾千蚊都未必食得到 (真係好巴Q閉的呢~)

In short，低質素的meetup events我已經無去好久了，我反而真的很多時候都在家，做運動﹑插插花﹑睇小丸子﹑做facials — 這其實令我覺我好開心的，因為我很enjoy quality time for myself。我深明柄埋屋企不會識到男仔，但更加明白識一些九唔搭八的人是浪費時間同金錢。我其實在整裝待發，裝備最好的自己，出席最好的場合，不想應酬無謂人。

低質素的共處，不如高質素的獨處。

不可熄滅的自信心

Yoyo是我舊同事，比我小幾年，當年她剛畢業來我公司做temp receptionist。當年已經是貼身迷你裙，但腳是粗粗的，一頭啡色長髮和黑黑的健康膚色，真的有幾分像安室內美惠。

如是者一轉眼6年，我離開公司後大家一直無聯絡，直到有一次我去睇醫生，在大廈樓下碰到她，她在大廈上班，如此重逢，真的眼前一亮 — 嘩！瘦左勁多，超fit超靚 (不計個樣)，因為Yoyo其實唔靚，只係性感，粗粗的眼線，但其它部份簡單的化妝，玲瓏浮突的身型 — 這其實是男人最鍾意的類型。我應該提過，>30 的男人都唔睇樣的，係睇身材 (只要唔太醜又識化妝就得)，還有要識著衫，有自己的style。

於是我add左佢instagram，看到她剛去完希臘，愛琴海呀~~~~ 靚到！她一連幾張性感泳照/ shoulder off/ 露背causal wear，加埋愛琴海的美景~ 再看，還有六舊腹肌勁靚仔的法國男朋友！靚人靚景靚酒店，真的令Betty非常羨慕！

然後我去英國了，直到前幾天我約她食lunch，八卦下她的近況，同點樣操到咁fit，當然重頭戲係點識到個咁正的男朋友！

首先飲食，她謙虛的說無特別節食，但我從她的instagram看到，她是極度節制自己食野的，一般早餐只食yoghurt, plain bread; lunch salad，夜晚就久不久放肆下。而且她是勁做gym同yoga的，所以，千祈唔好信無付出就有好身材，一定是騙人的。

然後她說，她已經跟男朋友分手了。

「女人年紀大了，真的會輸蝕的」今年28歲的Yoyo很悕虛的說。

對於已經30+的Betty我，當然不能夠認同，因為我從來不以自己的年齡而自卑。我說︰

「但你一點也不像呀！還是美美的。」我是真心的說。

「不是的，年紀大了競爭力是大幅度下滑的」

講來講去，Yoyo就是以自己的外表去評核自己。

當一個男人一開始只喜歡你的外表，那他最後離開你的原因是你不再年輕貌美，這也很合理吧？

「我覺得自己會一直single下去… 因為我要對方靚仔又有錢，這是我不會改變的要求。我前男友具備所有條件，所以我更不能夠接受比他差的男人」Yoyo是如此的堅定，令我好佩服。

有時前度條件太好，也不是太好的事。我身邊的朋友，一般係相反，前度是仆街，然後愈識愈好 and vice versa。我認為所有女仔都一定要遇上幾個仆街才會成長。我不會以「不自量力」來形容Yoyo，她反而啟發到我，女生一定要有目標，如果連你自己都不相信自己，那你一定不會得到想要的東西。

觀看Yoyo其他條件，做marketing，搵得唔多也不aggressive，也沒有一個很彪炳的social network… sadly to say, 一個>30又靚仔事業又唔差有點錢的男人，所看的，一定不只是一個女仔的外表，是成個package~ Yoyo不是差，但距離她想要的，要像她前男友般靚仔有錢，真的是有點困難。

Embed from Getty Images

Well 凡事有例外，離過婚，Prince Harry已經唔知第幾手的Meghan Markle都可以做王妃，這個世界真的沒有不可能的事，睇下你好唔好彩，手段夠唔夠高超，最後先到你個樣。你睇佢老豆Prince Charles有Princess Diana都唔要，係都要卡米拉，感情事，真的好難講，真的有「情人眼裡出西施」的，而且兩個人之間的相處是好微妙的化學作用，簡稱「緣份」。

Prince Harry有情緒病，而且是個mommy boy，媽媽離世對他有很大的打擊，比她大3年，又結過婚，有豐富感情經驗的Meghan就變左半個阿媽咁take care佢，絕對是食住Harry，拍拖不足半年已經訂婚，而家結埋婚其實前後都係一年半左右。

Yoyo都有上網識男仔的習慣，佢個靚仔法國男友都是上網識的。識到是好彩，timing同個男仔係好仔，佢地其實都拍左2年拖，對上網識，仲要靚仔外國人來說是不短的時間。仲要使咁多錢去愛琴海，個男仔一定曾經對Yoyo是認真的。至於分手原因，我無問，一小時的lunch也實在太短。

Yoyo堅定的說︰「我好煩架！網上的男仔約我出街，要就我好多野，時間地點，配合唔到就唔可以見我。」

To be honest，你估你真係有寶咩！上網素未謀面，咪就係睇你的相，身材惹火又性感想同你上床。But! Believe it or not，姑勿論男人是什麼目的，他們就是喜歡這樣寸的女生，巴Q閉以為自己有寶的女生。愈寸愈覺得好得意有挑戰性~ 別問我點解，這是男人的天性，犯賤！愈約唔到就愈想約到，GIRLS 這就是手段！

約到出來，就算Yoyo真的不如相中般索，但因為男人經過努力先約到出來，就會珍惜多一點，然後此時女的再耍下其他手段，例如少性感 (但不要cheap)，唔覆下message，忽冷忽熱，欲拒還迎，instagram多姿多采的positive生活，令到個男仔覺得自己原來在她心目中不重要，又製造下假象好多男仔約，令對方想爭。見到面時又熱情如火，吊住個男仔。

有看我寫的”吸引萬人迷“嗎？千祈不要低估自己，助長男人的志氣，他無論如何”優秀”，都是人一個，要令自己跟他平起平坐，甚至做到Meghan Markle咁食住個王子。當個個女仔當Harry是王子處處遷就﹑倚賴，Meghan就是「你是王子又怎樣？」的態度。

不要以為我好專家呀，我溝仔一d都唔叻 (叻就唔會single啦！)，只是看到身邊好多朋友的實例，識得愛自己同包裝自己好重要，同埋我真的學會 —

對男人，要寸一點，不用太nice太responsive

將suppose諗住佢的時間做自己的事，做運動﹑扮靚﹑做facials﹑興趣班﹑讀書等等，總之focus自己。沒有什麼比付出在自己身上更值得的吧？

所以，男人要擁有我，必定要如我愛自己般的寵幸我。

否則，我寧願不要。

單身未必好開心，但至少不會為一個臭男人而傷心。

我一定會找到一個好好條件又錫我的男人的。我是真的有這個信念和自信。

愛自己 – 葡萄牙篇 (下)

葡萄牙南部真的好美，消費又平，而葡萄牙來說，Algarve已經是物價最高的旅遊景點。重點是，town上是一個大陸人都沒有– 我想我是唯一一個中國人。

我很喜歡在town上閒逛，周圍一個人都沒有的寧靜令我感到很舒服！

我跟Scottish網上相識，本來第2天他要飛回Edinburgh，我想他30%是為了我吧，另外70%純粹自己不想回去工作 (Algarve實在太靚﹑野食太好味同太relaxed喇！)，所以他改了機票，多留幾天。

我們相約在沙灘見面，以我的粉紅色比堅尼為記，而他是大黃色T-shirt，真係發雞盲都睇到。沒想到我在外地，自己都唔識路，可以約一個陌生人，在一個陌生的地方見面，仲要他一落樓梯大家已經認到大家。

他跟另外2名男友人同行，一個2天前已回丹麥上班，另一個就是本來跟他一起走，他自己留低，友人就照原訂計劃離開了。

我有個技能，就是跟所有陌生人都可以傾得兩嘴，而且個有見識的人，所以我不會講白痴野，或者令人覺得我白痴，不能溝通或打開話題。我們傾好多計，曬太陽同游水，夜晚在一個酒窖改裝的餐廳食飯 – 不過佢無請我 – 哈，這個是重點，我不否認我不跟他回酒店這個原因佔20%。如果你想短時間內得手，大家留個美好回憶，就唔該咪鬼咁孤寒，30歐餐飯都唔請個女仔。

外國人的AA同cheap其實分得出，是不同的。

我不懂很具體咁講，但是feel到的。

其實佢應該諗下︰你唔請我食飯，又唔係靚仔 (雖然不是差)，又唔係大隻，大家萍水相逢我做乜要跟你返酒店先？

他是以一些非常teenage的方式想同我上床，技巧幼嫩得我看得出他未必有好多戀受經驗，或者同一個女朋友拍了很多年的那種。他首先scanner式色迷迷的看著我，一看就知他腦袋在幻想我今晚會不會跟他返酒店，然後會有多激情。他一路保持非常有風度-，事實上我感受到他是有學識同教養的人，他整體條件不錯，不高不是帥但OK，是如果佢用心追我，我或者會答應做女朋友的那種男人，但絕不是one night stand的質素，哈哈！男人要找女人one night stand，真的拜託要練下肌肉，他不是肥也有做gym，但完全不是令我有性衝動和幻想的對象。

他傻得將自己酒店的suite的照片發給我，的確係好靚，超級大+180度海景。但你當我是什麼？貪慕虛榮的無知少女嗎？我光光是貪你間酒店靚，就跟你上房？我自己也book了溫馨別緻的airbnb (還有數位housemates，不過大家經常早出晚歸所以either朝早kitchen斟水飲/ 夜晚臨訓先見到大家，也沒很多時間傾計，而且去海灘渡假大多都有旅伴~ 但只要住耐點如一星期，一定識到朋友仔)。

一個星期後，他來倫敦開會，約我食飯，再試探我會否跟他回酒店，初時我見佢咁直接咪玩下佢，無say yes or no等佢期待下，又send下我試瑜伽衫的相佢睇 (哈，溝仔係咁架啦！無甜頭佢點會keep住日夜諗住你仲咁神心日日message你呀？)最後我答應大家可以飲杯野 (嗯，我是白痴的想做個朋友，話哂做HMRC英國公務員，知多點內部稅務運作都好) 但佢知我唔會肯之後，就消失了，連野都費事飲丫！一場來到倫敦，同一個旅行都叫玩左1日的女生飲杯野都唔做，可想而知，他的腦袋只有上床，NOTHING MORE~ 男人個腦真的好細，容不下多於3樣東西︰sex, work, beer.

於是我開始在想，如果我當天跟他們都上床了，原來在他們心目中就是如此一文不值︰

葡國仔︰我不值一張郵寄的照片
Scottish︰我連一杯野飲都不值！

所以，女孩們，不要太輕易同人上床 – 就算你覺得自己玩得起，或者你覺得他很吸引到你。

因為，沒有感情基礎的性愛，對男人而言，一點價值都沒有。完事後，他視你如糞土。

有些女生說︰不是啊！我享受性愛！食到靚仔我好開心！

別傻了，女人是永遠不夠男人玩，女人玩得多會殘，男人玩得多愈man。而且至少我們要承擔懷孕的風險，男人是真的可以拍下籮柚走左去。

我身邊有好幾位出來玩的女仔朋友，就算幾放盪都好，她們內心都其實會唔開心，只是用「食仔」來麻木同說服自己。沒有一個女生，對於每一場性受愛都沒有情感，就算我們根本不喜歡那個男人，我也不是對這件事完全無感覺，所以我會在乎他之後對我的態度，who don’t? 如果可以完全不在乎，咁跟動物有何分別？

我認為，我只是很清楚自己做了什麼，懂得抽離同放低，但不代表我完全唔care跟這個人所發生過的事。而事實上，人愈大，我愈不認為人只可以跟真正好喜歡的人上床，因為要遇上真係好喜歡的人其實一點也不容易，而中間人也會寂寞同有性需要，所以我不反對單身時有causal fun。只是同時地，要找個有質素﹑人品好的sex buddy是很難的，大多數都好似葡國仔同Scottish咁這兩種。

簡單來說，除了認識好幾個月，對對方個底有基本認識同相處外，千祈不要對識了很短時間的男人有期望，我覺得少於3個月就是短。沒錯，坊間有些一見鍾情或旅行識的美好例子，但大前提是必須是健康的溝通，不要陷入causal fun的界線。先上床後拍拖不是無，而是好少。一般男人得到左，就無哂好奇心同追求的動力。試問你已經一絲不掛的表露自己，你還有什麼值得他付出時間和金錢探索呢？

若是忍耐不住了，必須瀟灑一點同縮短大家這種關係的時間，不要讓他以為自己有寶！我覺得max 3次，就好自動消失不要再聯絡。

我不同意long term的sex partner關係，對女仔而言，衰點講句是不用錢的妓女，他若是人品不太差又會長期keep住見面仲有親密關係，為什麼不去肯定你的地位呢？而且你也不要旨望他會為你付出什麼 (就算是送禮物)；而如果他有keep住送你又keep住收，咁即係金錢交易。

當然，每個人想法不同。但至少我，一定不會這樣做。

這是我對causal dating的肺腑之言，希望我們每一個女生都懂得愛自己。

其實我想哭  為這一齣戲
那結果不似預期
但我心明白到  這樣分離
不必他朝更痛悲

下回預告︰帶我抽大麻的6’4″ – 阿姆斯特丹篇