近排識了一個男仔，經常叫我上他的相簿看他的照片，那是什麼照片呢？就是他環遊世界各地，聲稱是公幹的照片，另外一些呢，就是他那輛Audi的型仔相﹑駕駛時的軚盤，大大個Audi 4個圈的logo，還有捐左$2500俾尼泊爾﹑做孝順仔同阿媽飲茶等等的照片。
嘩！就咁睇，好正喎這個男生，又有錢﹑又孝順﹑心地又好﹑又叻仔周圍都有business partners。但有時過於吹噓自己，一切都變得不真實。係有錢的，不用周街同人講；係孝順的，係人都知你好錫阿媽，唔使做俾人睇；至於捐錢，唔單止唔使講你捐左，更加不用告知金額。
可能你會覺得Betty我蛇gwei，但我就是一個這麼多野諗﹑沒有安全感的人。加上以我的直覺，這條友也不知係咪路，總之無咩好感，就是這麼簡單的一個原因，我無覆佢好幾個messages。這條友還有一個可愛的地方，就是隔左2日先覆我message，答返之前講緊既野，後面加多句︰「我揸緊車過海，一陣再同你傾」。你揸緊車關我咩事？即係如果一路傾緊，而你要揸車唔可以再打message，咁樣就好合理，我會覺得你好緊張我，一路行去拎車一路同我傾計，我仲會好期待你幾時過完海咁我地可以繼續傾計。但呢位阿生你隔2日先覆我，無喱頭同我講你揸緊車，OK，你架Audi的logo真係好燦眼，唔該哂！
可能人真係犯賤啦，我唔覆得，即係無興趣﹑唔care，仲爭d唔記得左這個人，到2星期後的昨天，佢又彈個message來︰
「你係咪好忙呀？定係我講野太悶悶親你。」
Are you okay?
我不知道他真實生活是否一個好受女仔歡迎的人 (ps 我同佢真係一點也不熟)，但人家都唔覆你，無謂去confirm人家為何不回覆。香港地一個「咁好條件」的男士，點會無女朋友，仲要好似無咩溝女經驗問d咁傻仔既問題。你話佢好lum Betty所以好在乎咩？我可以好肯定話你知一定唔係！ 佢係唔衰得，唔服氣我唔覆佢。
唔係你揸Audi﹑有錢，就代表你可以俘虜所有女人，女人一定要睬你同覆你，至少Betty我不是這樣膚淺。That is why咁多貪慕虛榮的女生俾這些賤男呃。
前天Janet發給我一個非常好笑的article: 女神用完即棄 港男自嘲衞生巾
我第一個反應︰「這些男生一定係宅男，又或者在社會上好inferior的人」
Inferior這個字，實在最貼切不過。
好地地一個男仔，個女仔係鍾意你，點捨得咁樣對你。肯定男的都係騎騎喱喱，個女仔嗲兩句就暈哂浪 (補充︰這些女生不一定是靚女，俾個唔靚又無身材的咁玩法先戇居！)靚都話有視覺享受，叫做值得。
一個願打，一個願捱，我對於這些「受騙的男生」不寄予任何同情，咎由自取。其實個女仔鍾唔鍾意你，唔係真係咁難去分辨出來，相信好多時都是男生自己呃自己，諗住自己的時間﹑金錢上的付出，會得到相應的回報，感情，邊有得咁計。Wake up men!!
我唔覺得港男識女仔真係咁難，我身邊都有好多高質素既單身女生。或者咁講︰
第一︰可能我地唔會飢渴到利用人的感情去填補空虛
第二︰錢我地自己搵得到，唔使「收兵」去搵這些一兩餐的著數
第三︰坦白講，這些咁蠢的男士不會是我們杯茶
所以只有高質單身女繼續單身，那些聲稱俾「女神」呃的港男繼續俾人呃。
Well… 這是最真實的剖白，最真實的香港男女關係失衡現象。
be.betty 