看了港姐的先做後愛，女主角怎麼這樣像Jessica?! 有人留言，或者個女都係同一個想法，咁就無問題啦！其實也是的，一說到性愛的問題，不知何解大眾都會覺得是女的蝕底，男性友人呻冤，說︰「其實我地男仔都會蝕底！」現今好多女人都好犯賤，打出對胸周圍發姣，像Jessica一樣，無話蝕唔蝕底，反正她十分enjoy，從曖昧到上床，甜蜜又刺激，所以大家不用可憐這些女生，根本骨子裡就是犯賤，但永遠塑造到被男人所騙。喂，公道d講句，牛不飲水不按牛頭低，你一開始不是發姣，男人不會認定你是個可以o趙完鬆的女人，一個聰明的男人是不會搞很認真正經的女人，因為不容易得手也容易有手尾跟。好多女子同人上床真的不求任何名份甚至金錢 (真係做雞都話有錢收)，她們要的是一份剎那間的關愛和一種不知從何定義的虛榮心。
「我咩國藉﹑咩background既男人都試過，one night stand又試過，我覺得無咩男人會衝擊到我。」
Jessica自豪的說，爭在未加句 ‘I am just so fabulous’。
但男人同女人唔同，正如港姐所講，男人「性」同「愛」係可以100%, completely完全分開，而且玩得愈多，性經驗愈多，只會令佢變得更man更成熟，而且外間對出去滾的男人，比出去同人睡的女人接受程度大很多；相反女人玩得多，只會玩殘哂，同唔矜貴。而最重要的是，絕少女人在有性之後可以完全無愛，男人one night stand可能第2日真係咩都唔記得哂，但女人唔會唔記得同過邊個男人睡過。
Overtime，Jessica發現身邊看似蜜蜂的男人都只是為跟她上床，上床後只有繼續上床，無論一個女人性慾有幾強，都希望這個男人是真的喜歡她的，而不純粹是個sex partner。沒錯，在家中係好sweet，煮飯仔，然後鴛鴦浴，再共渡春宵，但只能這樣。當Jessica希望結識對方的朋友，或出外看齣戲，還發脾四不肯再上床，咁就thats all, BYEBYE!
其實我真心覺得一個能夠將自己嫁出去的女人是最聰明的女人，當然是要嫁得好為大前提，唔需要大富大貴，但起碼有間屋住，不用捱窮。有人覺得這是「港女」，但當我見到Tasha為左間屋而同阿媽嗌哂大交覺得真係好無謂，如果佢老公有本事買到間屋同佢結婚，呢d一切爭拗就唔會存在。應該咁講，如果你屋企有點錢，你可以搵個唔係好有錢的老公，因為有乜事屋企都會仗義幫忙；但如果你屋企無乜錢，搵個老公又無乜錢，晌香港地呢個地方，都真係幾大穫，Tasha就係一個人辦。其實香港地買層樓，最少90萬首期走不了，假設女仔拎20萬出來，男仔拎40萬 ，另外30萬，兩家父母幫補下，其實不會是個問題。我個人而言，這個帳目分拆好公道，而且一般年輕夫婦都負擔得起，所以我唔明點解要嗌哂交。無錢咪買屯門元朗300呎囉，佢又要住沙田。唉，不過人地既野無關我事亦無資格評論，只係我最近先發現Tasha份唔使點做既筍工，原來背住沉重的「蝸居」負擔。上天其實對人好公平。
還記得我那個超好命的空姐朋友Helena嗎？已經結婚一年仔都生埋，個仔都幾個月大了，辭左份工專心湊仔。還記得幾年前我們一起考空姐時，她向我道出了這個心願，那時她還很害怕綁不住醫生男朋友，所以跟出跟入有如連體嬰，到男朋友拒絕結婚想專注學業，每一個stage都是挑戰，Helena好驚自己臨尾撻Q，最後她排除萬難，所有計劃都一一達成了，我覺得佢真係好叻！比起什麼女高層，兩個MBA的女強人叻10倍！
還有我公司那個寸咀Receptionist，好識睇人眉目眼額揀人來恰，只是一個receptionist就擺哂阿姐款。不過receptionist一般都寸得起，因為寄野﹑訂文具﹑遞medical claim form都要靠呢位門口阿姐，對住呢d門口狗，雖然無殺傷力，但畢竟日日出入都見到，唯有忍氣吞聲。雖然我唔知點解要受佢氣，不過唯有同自己講 ‘just ignore her’。而呢位寸咀門口阿姐剛新婚，佢老公高大靚仔屋企仲有點錢 (所以佢自可以hea做receptionist)，上次我們公司春茗還來機場攞行李，其實只是一小箱禮物。有個錫自己的老公真好啊，義不容辭仆來機場幫手攞野，我們其他等人都是自己揹返屋企，其實一個人是拎得到的，只是無人介意有人幫手拎。
所以就算你見到一個人好黑人憎，可能對住你先咁黑人憎，對住第二個人可能很完美很溫柔。這可以說叫做「戇戇直直，終須乞食」，八面玲瓏才是王道！
be.betty 