坦白講，情人節是商人的綽頭，是在facebook炫耀的一個節日。既然Betty無男朋友，當然是一個人在家裡，今天只是一個ordinary Saturday。我不會求其搵個同病相憐的人在這一天消磨時間。情人節是一個很敏感的日子，我應得約，即是已經認定對方是可發展的情人，但如果雙方都是當大家是水泡，不是很無聊嗎？兩個不是情人的人晌度扮甜蜜，真係諗起都想嘔。
見地鐵有賣Lovestruck的廣告，姑且又試下啦，如果無收獲就疊埋心水過年後去Speed Dating。Lovestruck係男女都要收費，Betty上網搵左個8折code HAPPY20，就用左310大元join了一個月的plan。現在玩了一星期，我已經嫌多，因為個pool其實都係同一堆男人，如果係對你有興趣，已經在頭3-4天給你發message，所以奉勸大家玩一個月已經夠哂數，雖然join耐點價錢優惠點，但唔會用得著。由於我老早諗住去speed dating，Lovestruck只係試下，我係預左唔會有收穫，所以玩得輕鬆。
Online Dating的玩法就是千萬不可以先向男士wink/message，一定要由佢來做主動。所以我們女仔只可以up張最靚女既相，寫精而簡的introduction，然後等男士搵我地。如果你覺得個app無乜用，係好正常，因為有9成有質素既男人都係上來搵食，而唔係搵女朋友。不知道大家有無在街上見過一個高高大大，正正常常唔樣衰的鬼仔，會拖住一個又矮又唔靚的賓賓，只要你知道現實係咁，就唔需要對Lovestruck呢個app有任何期望，只可以真係玩下，睇下自己的market value, 我意思從有什麼男人message/ wink你，就知道邊類男人對你有興趣，以下是Betty有趣的發現及分享︰
1. 有好幾位機師
其實機師點會無女朋友，如果各位姊妹上個app到，都應該會見到呢幾位機師 (好易搵，著制服的)。呢幾位都有click Betty個profile睇，不過就無wink或message我，搵食居多。
2. 好幾個傻仔律師
有2位律師都有messgae我，但非常傻仔，有一個40幾歲但仲玩木咀自拍，很要命。另一個add左佢whatsapp，但望多佢兩眼，真係唔想o徒時間，所以無覆過佢。
3. 有醫生
大家要接受呢個app趨向認真識女仔的都是年紀偏大的，40以上。這位醫生成48歲，個人尚算後生，但真係太老啦….大我成20年！由於佢言談非常正常，Betty覺得他是個好人，所以都有同佢傾幾句。
4. 有senior management
其實Lovestruck有好多事業有成的高層，不過全部都好阿叔，係38-48歲，有一個47歲，其實個樣ok，不過頭髮已經向後移，加上Betty心目中係maximum 40歲，唔想o徒時間。如果各位姊妹心目中係接受到40幾歲既男人而又有些少事業同錢，這裡會搵得到，不過我同時懷疑他們不會考慮過30歲的女人。Betty畢竟是個不過30的靚女 (well….容許我對自己有少少自信啦！)，所以我覺得香港的market出現好嚴重的mismatch，就好似47歲ok男真係唔錯，佢會鍾意像Betty的後生女，但Betty又不服於此，希望可以搵個更好，覺得自己後生仲有條件去搵，所以無俾機會佢。但可能如果你是30幾歲外表又未致於好吸引好索，你會覺得47歲ok男好ok。唉，世事就是這樣啦……
5. 有一堆唔俾錢又想識女仔的cheap男
呢一堆通常後生點，可能係30頭。有一個幾靚仔wink我，咁我wink返佢啦，諗住佢好快會message我，點知佢一路都無；Betty而唔信邪，求其搵個咁上下年紀但我無興趣的wink返佢，這位男仔就只係不斷睇我profile，但都係無message我，咁我就覺得好大機會佢地係無俾錢囉，因為既然wink我即係有點興趣，而有俾錢既，點解唔send個message睇下對方係點了解一下？well…. 如果我係男人會係咁諗囉，不過我唔知呢2位諗緊乜。
6. 都有好多ABC
ABC係Betty幾鍾意的一type男生，因為我鍾意西化點的人，不過唔知點解喎，無乜ABC message我。
7. 有好多搵食的鬼佬
呢d搵食的直頭係有樣睇，靚靚地幾型呀咁，不過各位姊妹小心為上。
In general，我覺得的確有一些40幾歲想搵女朋友的男人，不過條件同樣貌會係麻麻地。如果要求是below average，Lovestruck應該幫到你。但呢一刻，Betty想試下俾幾千蚊去speed dating，就算係媒，都係一個機會，有人幫我搵到一個完全符合我要求的人，唔使自己屈就去揀一個自己唔太喜歡，條件又match唔到的人。Ada見到第4個，而家拍緊拖啦，Ada大過我，又離過婚，都搵到，Betty更加想試下，就算唔得，都係幾千蚊，幾千蚊買一個幸福的機會，都值呀！司馬燕講過︰「如果你肯試，有50%機會成功；但如果你唔去試，係一點機會都沒有。」
希望大家不要被「情人節」呢個商業節日擊倒，必須對自己有信念，經常微笑，對身邊的人好，總有一個欣賞你，同願意照顧你一生一世的人！
be.betty 