2018 New Year Resolutions

上年因為去了英國，沒有寫2017 Resolutions。不想再跟2016相比，所以決定重新定位再寫過。

1. 控制自己負面情緒，不要向人呻訴太多
   我在英國的確受了很多挫折，除了在當地向朋友呻訴，回到香港有時都抑壓不住呻訴對英國的不滿。我發現除了Janet, Tasha, Jessica會用心聽我講之外，其他人係驚左我。可能他們expect我回來分享的是在英國的趣事，而不是一肚子的牢騷。說真啊，邊有咁多趣事呀？但我發覺一個陌生人，或者普通朋友，的確無義務同責任去聽你發牢騷，他們不感興趣，亦不想去entertain/ 安撫你，同覺得你有太多負能量，不想再同你講野。我初到倫敦時識左個德國男仔，一開始他是想同我上床，我知道的，但我不可以說他100%只想這樣，throughout我們相處的時間，佢都聽我呻唔少苦，尤其我俾第一個landlord騙我的deposit，佢好耐心安慰我又幫我問他的朋友/ 上網搵辦法以法律方式拎返筆錢。佢好有耐性同我去左4,5次街，直到最後一次，我忍不住哭了，我說我好辛苦，我想回家，我沒想到倫敦的人這麼壞。他摟著我說︰“不要這樣，not all of them are bad people”，然後以後都無找過我了。然後我明白，要找個真正同情和愛護你的人真的好難。所以真的無必要向人暴露你脆弱的一面，真的無乜人會care – 除了家人﹑好朋友﹑真正愛你的男人。整天像個怨婦般反而自取其辱，丟自己假。

   同時地，你會明白，好多人在social media只是曬假幸福，既然你有不開心的事，他們都肯定有，只是不會周街唱。But who cares? 我已經好少睇人Facebook, not my business亦不想比較。

2. 儲錢儲錢儲錢
   唔需要講幾多了，儲得1蚊得1蚊！在英國花了10萬！已經扣了在英國工作交完稅後所賺的錢。誇張吧？！英國average annual income只是3萬鎊，仲要係before tax呀！After tax 扣20%你自己計了，還要俾無得退的national insurance (NI)。而我過去一年真正損失的錢，絕對不只10萬，還未計我本來在香港的優厚工作，當我一個月儲到1萬，我另再損失12萬。仲要這1年內，我1蚊都沒給過屋企，in that way我父母是默默支持我的決定，家用每月4000蚊來講，我父母再為我付出4.8萬，咁再多除少補我香港本來都會使下錢，subtotal是24萬！出走外國的金錢犧牲，大家現在懂了吧？
3. 用心工作
   現階段拿了2個job offers，經濟差有pay cut，但我衡量了工作環境，加上剛外國回來，真係夾硬俾人壓價，好慘…… 不過我相信藏器待時，我會俾心機做，爭取最好的工作機會，希望review加多點人工，bonus出多一點。雖然加加埋埋都唔會夠之前搵得咁多，但人總要見機行事，留待好時機吐氣揚眉。雖然我真的不想再跳槽，我好想下一份工做3年以上。但隨緣吧！做成點都唔會知，搵到好的再考慮轉。但試問邊度可以加到我pay cut後50%？唉。現在覺得有張專業證書真係好重要，人工只會升不會跌；相反我們execution的，容易被取代同壓價。可惜我對任何需要證書的行業都無興趣︰accountant, engineer, lawyer, surveyor etc.
4. 我要拍拖呀！
   坦白講，我暫時無諗過結婚，因為我覺得自己好像從來無好好享受過戀愛的快樂，拍親拖都唔係幾開心，又或者嚴格講我無好認真咁愛過一個人。這樣的我﹑經歷，自問還沒信心好好去愛人，我還想探索，不想受束縛。結婚是一個很大的承諾，我不認為咁快可以遇到可以付託終生的人。尤其生小朋友，我見到朋友身型變哂，成個師奶咁，如果老公無錢又對佢唔好，真係好慘好大犧牲，我真的還未有這個心理準備。加上英國一年，覺得這個世界很大，很多好fun好charm的男人，咁快結婚就唔可以再試。雖然年紀上我唔應該再玩 (我意思係開心去拍拖但唔會諗結婚住)，但我發現每個人都有自己的時鐘，唔一定20-28可以狂拍拖狂玩，我自己來講23-30歲係大病了一場，一直有覆診，直到我得到醫生批准，我先決定去英國的。

   所以，真的不要胡亂批評人，你不是他，不知道他走過的路和苦衷。有頭髮邊個想做光頭。我覺得呢一刻的我更加成熟更加sexy，更加知道自己想要什麼。

   更何況，太羅曼蒂克的思想，只會deteriorate應有的健康心理質素。Be Realistic!

5. 去美國
   因為父母想去，所以我應該會陪他們去。我還希望去中部探望我大學時去exchange時的home stay!
   Embed from Getty Images
6. 每天morning yoga
   其實已經實行了2星期，我打算開始返工後，會再早半個鐘起身做15分鐘瑜珈同食個proper早餐，再化個靚妝先出門口。我要每天返工都明豔照人，溝死鬼佬！
7. 一星期keep住跑2-3次步
   也是由英國開始每星期實行當中，尤其咁辛苦減到咁靚，絕對唔可以懶！一定要keep住！我的馬甲線是很多朋友都羨慕的，我每天都check住有無fade out，一發現肥左就會即刻節食同跑！別擔心覺得我好變態，我是減得很健康的，一點也不辛苦自己個胃，只是吃少一點。
8. Keep住體重不過109磅
   我剛回香港時是104磅，現在已經肥了4磅108鎊，但我相信有些是肌肉，練返瑜珈重得好快。英國時的瘦是有少少食得太少，無乜錢食得太好 (嘩，講到真係飢寒交迫咁！)，同埋懶煮飯，主要食菜﹑雞蛋同pasta
9. 再笑多一點
   尤其對陌生人
10. 對人唔好太nice
    這個是我在英國深深體會到的一個做人態度。不是叫你自私﹑做衰人，而是真的不需要太好人，無乜人會真正欣賞你有幾好人，只會利用你的好。而最後你覺得對方不是相應的對返你好，你會唔開心。所以乾脆一開始不要對人好，咁就不會有任何感覺同令自己勞氣或不開心。當然，用時間觀察一個人，值得的，先好付出真心去對他好，任何一種朋友如是。
11. 唔再俾人對我唔好！
    唔再委屈自己遷就別人，相信自己的感覺，一感到唔開心就不能夠容忍，要有勇氣say no﹑有勇氣去寸

 

ON/ OFF

男人只有兩個制，ON/ OFF。ON的時候，對妳有無窮幻想，何止在妳身上花錢，差不多叫佢去死佢都會去。但OFF時候，就真的就如沒燃料的機器，怎樣撻，也不能再撻得著。

Turn off一個男人其實係好容易，真的一個不留神說錯一句說話，都會傷害到他弱小的自尊心。男人其實是一種好蠢的動物，蠢得令我們女人高估了他對我們的行為，往往源自我們想不通的原因。女人不明白男人，不是男人有多複雜，是男人簡單得我們接受不到最後的誘因是如此的白痴。

當男人同你講︰You turned me off

那你要真的相信，他真的turned off了。女人鍾意講反話，但男人不會。男人只會講大話。如果他是講大話，他會說︰Baby you know I love you，但他一定不會說︰「我對你已經沒感覺。」

同樣地，當男人同你講︰ Oh my god, you turned me on

咁佢真的turned on了，此時是妳可以叫佢為妳去死的時機，I mean 這一刻的他，真的可以為妳做任何事。女人對男人，最大的竅門，就是懂得把握時機。

男人瘋狂喜歡一個女人，可能真的是很剎那間，那段時間是很短暫的。男人就像一個小孩，剛接觸一個玩具，非常喜歡，日日拎住來玩，但好快就失去興趣。唔需要問點解，its their nature，小孩唔再鍾意一樣野就係唔再鍾意，無得解。Toy Story中主角長大後唔捨得丟掉兒時的玩具，就是因為有感情，所以要令男人對女人肯有擔當同承諾，不可以只靠個樣同身材。樣同身材，就像玩具的外殼，吸引小孩的注意力；但玩具有幾好玩，就要睇女人的造化了。

其實這是一個很複雜的問題，好睇你遇到的什麼男人。溝仔王Marie問過我︰

你有無諗過點解你識親都係只想同你上床的assholes?

我一直只覺得我係唔好彩。

Marie說︰No, its all about your mental quality and attitude

這也是inspired我寫了上一篇Attitude的靈感。

好多男人一開始係玩，但女人的態度好取決於佢下一步行動同對妳的態度。

假設你們上床了，如果妳態度輕鬆無乜所謂 (好多女仔以為自己做到咁可以瀟灑點)，咁個男人都會對妳態度輕鬆無乜所謂，唔會再花心神響妳身上。一定要夠恨心，表明立場，如果佢唔配合，以後都唔好再見佢，要講得出做得到。

一定要做到咁，女人先有self respect，而男人先會respect返妳。

而最最最最重要的是，首先妳要肯定他不是player，否則用什麼邏輯分析﹑講咩都無鬼用，妳無可能對隻牛彈琴，然後妄想佢有一日會聽得明妳彈乜。

YOU ARE NOT ATTRACTING ASSHOLES, YOU ARE DATING ASSHOLES
All women met assholes in life, but smart ones alerted the red flags in early stage and walked away
– Matthew Hussey

而我覺得我的問題是，我一開始無filter走那些players，浪費左好多時間。我現在才發現，一個女人夠狠心是如斯的重要。

而防止自己為一個男人唔開心的最佳辦法，是一開始西走不合格的人，唔好咁易俾佢氹到。以我經驗，妳只要拖長少少時間，就已經好易試得出佢對妳可以有幾認真。食飯飲野唔好太求其，唔係話介意食McDonald，但次次街邊檔魚蛋粉只證明佢想以低成本氹妳落搭。

NEVER EVER EVER INVEST IN A GUY BASED ON HOW MUCH YOU LIKE HIM, INVEST BASED ON HOW MUCH HE INVESTS IN YOU
– Matthew Hussey

我初時覺得我無所謂，因為我不是貪錢﹑物質化的女人，我以為我的遷就﹑我的好，他會懂得欣賞，但原來絕對不是的！男人鍾意俾人蹂躪﹑俾人鬧﹑俾人使佢的錢，佢先覺得這個女仔有個性﹑有要求﹑有追求的挑戰性。就好像賭錢咁，愈投放得多，愈想擁有，愈不想放棄。犯賤邏輯矣~

Embed from Getty Images

可能妳會話︰唔係喎，有些男仔就係覺得這些女仔港女貪慕虛榮，奉旨要人請食飯！

Alright，第一︰孤鬼寒又cheap的男人，真的不要也罷。自己cheap又話個女仔貪佢餐飯，咁你咪鬼約我啦！

第二，有點生活品味的男人，絕對唔介意帶個女仔食餐好，尤其佢suppose是有點喜歡妳 (都唔講是追求中了)

第三︰唔係老奉！我會offer俾返錢佢，睇佢收唔收。而如果佢keep住表現良好，帶我去既地方靚又玩得開心，我真的不介意俾返錢佢。但如果keep住去4,5次佢都無乜表示，又要你夾返錢，就唔好再應約了，因為佢似是搵人陪多一點。

簡單點來講，一開始使男人錢，唔好覺得唔好意思，千祈不要覺得為佢慳，他就會覺得妳好，NO WAY! 更何況新相識，我點解要幫你慳？初相識，已經是他對妳最好最好的時段，如果這個時段都cheap，真的唔該下一位！女仔，適當時候識做點，自己offer俾返錢/ 請佢飲杯野食件蛋糕，送下小禮物，咁大家的相處咪平等點，他不會有hard feeling，又會keep住在妳身上付出。

妳要有自信，自己值得這餐飯有餘。

記住，要揀岩人選，著力在early stage西走那些無謂人，否則做咩講咩都是浪費精力。