港女港男的罵戰

今天跟以前公關公司的北京同事Elsie食飯。Elsie是有錢女，他爸爸是北京當官的，其實香港很多富二代都是有著這樣的家底，也有很多像Elsie一樣低調的。Elsie已結婚2年，她老公都是父母介紹，非常傳統的「長輩相親」。其實屋企人或好朋友介紹是最好，因為已經filter了一次，各方面ok先介紹俾你。

Elsie知我還沒拍拖，劈頭第一句︰

「我覺得你真的不夠主動了！」

老實說，Betty不覺得自己是不主動的女生，我不主動就不會成日周圍去旅行，有咩events都會去，就連上次那個核突酒吧男1號約我去船河我都去。

「我們內地人嗎，人在異鄉，在網上都有單身人士活動，我的朋友都去參加，不少都在活動中認識另一半的，經常都是朋友的朋友。」

其實係人都知阿媽係女人，一來Betty本來無乜朋友，二來身邊的朋友都結婚了，生活圈子已經不同了，未生仔的已經唔好去街，生了仔的當然就是忙湊仔，哪有閒情逸緻出來蒲？

我主動的說︰「你知道哪裡有這些活動告訴我啊！」

可是Elsie就沒有回應了，唔知點解次次d人好關心我點解無拖拍，但從來無人介紹活動/男生給我。

相比起Tasha，我主動不知幾多倍，所以我真的覺得主動不是重點，重點是緣份。

「說緣份，也要自己主動爭取的！」

說到這裡我都不知可以說什麼了，反正我真的啞子吃黃蓮，有苦自己知。

Vicky也是Betty以前公關公司的同事，老實說，她的基本條件真的很好，有學識是master，屋企背景清白，返教會，人也純品，喜歡旅行，性格偏靜但不算是好怕醜那種，單身已很多年，她開出以下條件︰

1. 唔好矮過我 (她應該有163cm，合理呀)
2. 唔需要好有錢，但最好搵得多過我 (現已貴為Account Manager，起碼3萬一個月，umm… 其實都合理，不過唔係想像中咁易搵)
3. 孝順 (拿，淨係呢樣已經唔易啦Vicky!)
4. 不煙不酒不嫖不賭 (唔係無，但咁好仔一係有老婆，一係應該係舊薯仔)
5. 有共同嗜好 (旅遊﹑音樂﹑電影) (Vicky係8級鋼琴，again其實好合理，但有幾多個男仔又係玩音樂同符合以上及以下的條件先？)
6. 唔要「娜」型 (係人都唔想，合理)
7. 最少大學畢業 (她自己都master，合理。她跟我說過之前結識一個消防員，但whatsapp用英文溝通不了)
8. 最好是基督徒 (這個先難！雖然Betty的確好多couples朋友大家都是教徒)

其實綜合以上的條件，係幾合理，只怪我們生錯在地方 — 香港。現今香港真的是一個死城，男女我諗4:6，這4成當中好多都好似酒吧男1號咁惡頂︰

1. 30幾歲人仲好幼稚，拿著手機周圍影第一時間up上facebook (well… ok，係我Betty個人唔鍾意用facebook)
2. 擺明唔想答的事仲問點解，然後繼續追問，超煩
3. 不停Show-off，話自己管哂成個亞洲，又被迫被上司調去美國，但開的是一架有如蘋果call車的爛鬼私家車，仲要唔知幾耐無洗車，隻窗差不多看不到出面，一坐落去已經周身痕好似好多蝨
4. 擺哂款在餐廳叫老闆加餸，但要人夾返錢 (其實夾返好合理，只係我好憎佢果下以為自己係大佬好威，自己安排令所有人好開心。講真，你請的話我由你擺款，但每個人都夾返錢俾你咁你收皮啦！)

大家可以咒罵我是港女，但我只是說實話。連Tasha都話︰「唔怪得成班都溝唔到女，全部都係低B仔！」

可能呢班傻仔會指返住我罵︰「你都收皮啦，死港女，你揀人，人揀你咋，你以為自己有寶咩！」

港男與港女就係處於這個你不滿我，我不滿你的罵戰當中。其實好多時港男對港女的抱怨，是來自追唔到對方；而港女對港男的指罵，是來自質素較好的那2成男生，已經名草有主。

好多人會話剩女一般個人好有問題，令自己一把年紀仲係單身。由於我自己都係剩女，所以無資格評論。就如Vicky而言，她基本條件好，但她look for的這個男生在香港有太多的選擇，Vicky唔係好打扮，但絕對唔係醜，即係唔係Queenie那種那麼懂得利用自己的外表及衣著去吸引男人。Vicky對自己太有信心，而且覺得對方如果只係喜歡她的外表都是膚淺，所以堅決拒絕改變自己，but come on! 全香港得2成符合妳的條件，妳唔靠個樣，唔通真係靠你心地善良讀書又叻咩？Vicky就是想不通。

最搞笑就是Vicky每逢識到男仔，都expect對方是「追緊自己」，所以對於對方的一言一語﹑一舉一動都諸多意見。

「佢約我問我要去邊，呢d梗係男仔諗架啦！」

「其實佢唔諗我地女仔諗都無所謂呀！」

重點是，人地都未係想追你，做乜咁多要求呢？可能對方都是無聊搵妳涉時間，又或者他當妳是普通朋友，所以非常causal食咩去邊都問妳意見。無錯係丫，對於一個「suppose是在追你中」的男人而言會令人好憫猙，怪就怪我們還沒遇到我們的Mr Right。

既然沒有人好命可以一擊即中，那就主動一點GO OUT MORE TO ENLARGE THE POOL!

拍不成拖的死穴

酒吧男2號前幾日竟然問我那天沒有回覆他睇戲的事，是否很忙 。

Janet: 為何你assert他是在玩你？我覺得嘛，他是蠢和怪。如果係玩，不會問這樣白痴的問題。

問這句東西，一係就扮懵，一係就真係係個傻仔。姑勿論是真傻還是假痴，這位仁兄也不值得花時間去探討。Betty已經俾左400蚊，再不會在這條友身上再花錢，所以除非他買定飛話要同我睇戲，我先會出席，食飯嘛，不會了，一陣又要我自己俾錢。Come on! 不要說Betty港女，我只是說實話，我同你又唔係friend，無必要要我自己俾錢同你食飯囉！

這幾日我仍然思索跟台灣人失敗的原因，雖然我知道男人突然間消失有好多原因，但我想最主要是我們太早有曖昧的感覺。其實我對上的一個對象也是這樣，一開始追我的時候太甜蜜，佢都未發功我已經lum哂，還未正式成為男女朋友我已經煲湯佢飲，佢生日又整個蛋糕送俾佢，我真係好蠢，太早就開哂底牌；對於佢來講，唔使繼續付出已經好似拍緊拖咁，仲要唔使負責任，咁佢唔需要再追；而我這邊廂，就已經當人地係我男朋友。

台灣人嘛，根本對大家都不了解，但唔知點解對話就像情侶，太sweet，初時我都覺得奇怪，但女仔始終都鍾意人關心，又攬攬公仔呀，錫錫既公仔，現在想起來真係too much了。事實是他自卑，這一刻他根本不喜歡自己，更莫說是去喜歡另一個人了。

有時一開始太甜蜜不是好事，而且好多時都會開唔到花。我得到的教訓是，男女之間在未拍拖之前一定要保持距離，要由佢追，到你覺得佢真係識得去付出去討你開心，同埋officially叫你做佢女朋友，先好開始對佢好，before that一定要好似扯線風箏咁，收下放下，吊住佢條癮。

簡單點來說，最忌的是「未拍拖但已經好似拍拖」，mostly都會係假象，反而慢慢認識大家，發現大家的長處﹑嗜好，慢慢地sweet，咁樣先會係健康的發展，同大一點機會發展成情侶。閃電的感情以我見到的案例，多數係男方剛恨恨地被人飛左，他好想重新開始並結婚，這些都好sweet同好快結婚，起碼男仔在這個case係好主動，唔係玩，係認真；第2個可能就是你好似Queenie咁索咁性感，肯露又識玩男人心理，咁你就好似一隻在樹上的馬騮玩緊一隻不懂爬樹的老虎，鍾意就露一露引下你，唔鍾意就爬返上樹等你觸不到，牽腸掛肚。但這樣玩仔的經驗年資起碼有8-10年，唔識你唔好玩，你玩不起，仲要加埋性格你是否這樣姣的一個人，還有媽媽是否生下你這樣的魔鬼身材，中哂以上所有，應該可以去買六合彩。所以我還是覺得今次自己的檢討比較實際。

Play It Cool

事情峰迴路轉其實又估到之下，酒吧男2號今早11點幾message我說下午看戲，機會真係俾到盡，Betty不是隨傳隨到的，Betty基於禮貌和尊重，回左一句無聊野，就無再理佢，等佢以為實有人陪佢睇戲丫拿，等囉，等極都等唔到我覆，果種教訓他的氣真係好high，抵佢死！咁把炮就馬上找另一個同你去睇。

不知何解，我覺得他是已婚的，從他的條件﹑外型，同再諗深一層跟他的對話，我想這是女人的直覺，而家好多人結左婚都唔戴介子的，無得睇，只有估。其實只要當晚他肯俾餐飯錢，昨晚一早約好我今日看戲的時間，我應該可以俾佢玩多一兩個月，但他連這些基本的都不肯付出，收皮吧！男人往往太貪心，最後一無所有，諗住有幾個在手可以慢慢玩，幾百蚊有得錫啖攬下都抵啦！其實女仔只要肯應約，肯定對你印象不太差，只要你俾少少誠意同錢，唔太猴擒或猥瑣，I am pretty sure好多女仔都肯at least俾你錫啖，男人個腦真係生草！但一d都唔付出就想拿著數，有腦的人先唔會同你玩，你以為自己是誰？現在香港的男人真的寵壞哂！

(http://shop.kellyraeroberts.com/products/brave-girl-ii)

台灣人突然間又無再覆我，頓時間Betty又打回原形，的確有點失落。Betty的缺點就是重情，就算是萍水相逢，我都希望大家可以他日再見，成為朋友，這個信念不只在感情，我對普通朋友都係一樣。Tasha有個朋友跟男生拍拖2年，情人節還好地地，突然間個男仔消失了，什麼也沒說，總之就是找不到人；就等如Betty現在突然對方不再理你，雖然大家未係愛情，但都會feel a little bit bad，這個朋友更加是抑鬱到有一點自殺傾向，好誇張，所以不要輕視小小的「不理睬」，是可以很hurt人的。

回想起Betty其實也試過突然唔睬人，真是風水輪流轉，你點對人，人點對返你。但我想是基於大家都無咩再好傾了，所以我都無再覆，或者現在那位台灣男士也是一樣吧！看見他說喜歡吃的香港小食，我努力抑制自己不要發給他，真的，你一定不會令你喜歡的人牽掛和難過，ignore他2天。

So far我覺得自己做得幾好，尤其是對酒吧男2號，可說是輸人不輸陣，女生對男生，除了是一絲的主動，就是要夠忍耐力，忍得到你就嬴，最起碼無輸得咁核突。

5月突然間彈左好多男人出來，跟住6月突然間又無哂，好像搭過山車咁，好刺激開心到沖下來就靜止了，落車時得一個驚字。相士講得好岩，真係個個都無因之疫，俾人打左巴都唔知咩事，唔知幾時先捱過這個黑暗爛桃花的日子。唉。

Pick Out Bad Boys

今天分享酒吧男2號跟Betty的first date。

結識的當天，我已覺得他是個bad boy，也目睹他跟其他女生親密搭訕。

Anyway，其實整體他除了年紀大一點之外 (我猜他35-40歲)，其他條件都唔錯，建築師 (當然有幾pro唔知，咩師都有分好多種)，住海怡半島，有車，夠高大，樣算唔差。他一開始就好主動，又話要記住我鍾意吃什麼﹑不吃什麼，然後又一輪咀約我去跑步﹑沙灘﹑睇戲，教Betty覺得好奇怪，唔知點樣應對，難道我全部一下子應承咩？我Betty都好多人約 (點都要扮下野，Queenie教的)，唔係你話去邊我就要應承你，所以我當刻只係應承去睇戲。

好啦，埋單八舊水，我俾返400蚊佢，點知佢真係收！講真，第一次約會要女仔俾錢，還要帶我去食貴野，真係說不過去，如果你預左係AA，唔應該帶人食貴野，扮哂野又話呢間好食，結果要人自己俾錢，真係cheap。走的時候佢特登唔同我搭地鐵，自己搭巴士。之後那晚 (就連’are you home safe’都無)，同第2日佢都無message我，消失左，至第3日佢先messgae來寒喧，仲約我去睇戲，明明約好左星期日，突然間即興約好奇怪，而且我Betty其實好憎人即興約我，之前也說過Lena經常這樣搵我涉時間，更何況是初相識的男生，有少少誠意都唔會咁做，擺明當晚俾人放飛機，就搵我涉時間。我Betty梗係睬你都傻啦，say no之後都無咩理佢。而本來明天看戲，都而家已經晚上9時還未跟我confirm，這些不是bad boy還算是什麼？HE IS PLAYING ME!

好明顯他現在應該date緊幾個，睇下邊個最易得手。這幾個女仔在他心中已排好位置，1唔得就跌去2，2再去3。上次post那頁還有用！

He’s seeing someone else and is waiting to see how that pans out before he goes out with you. Or he’s busy and is going to wait until he gets bored before he calls you.

後面那句好到肉，對，又或者到佢悶或再次俾人放飛機先再搵你。無論是什麼原因，都不是一個好的前景。這本書簡單是天書，想不到好貼近reality。正如作者所講，男人其實一點都不複雜，他們的心理好容易明白，只是女生都太多東西想，不肯相信he is just not that into you。

就算是Judy，之前都俾人玩過，kiss左之後消失了，隔一排又出現返，鍾意就覆下你的message，唔鍾意可以成晚都唔覆。再說是Queenie，都試過同人上床後，男生立刻變冷淡，覆message覆得好慢，(但為左拖住你，又唔會唔覆既)。所以我想就算好似佢地咁索的女生，都俾人冷待過同呃過，女生要訓練到自己身經百戰，先可以一笑置之，繼續尋找自己的王子。

所以我覺得出多點去，date多一點是好事，你係預左未必有好結果，但你賺到經驗，餐飯自己俾的話是學費，下一次的date可以表現得更好，同埋識得filter out the bad boys!

 

「搏」字得個桔

上次在酒吧認識的男士，約我端午節遊船河，由於他言談騎喱，所以本來不想去已經推了，後來看見天氣的確很好，很想出去行下，剛巧當日又無事做，最後就帶埋Tasha一同出席。

溝仔王Queenie曾經跟我說過，當你single的時候，任何一個場合﹑活動都是一個機會，當然唔包生仔，但好多事都是自己爭取。就憑著這個信念，Betty雖然一眼看出這個騎哩人的朋友都唔慌好質素，但心想就算唔好玩，就當跟Tasha出外享受一下陽光。

結果整個船河就以可笑﹑低能﹑無聊下結束，還得付400大元的費用。Betty對於其幼稚的言行報以非常寸的態度，可能他會想︰「都未係追你，使唔使咁寸？」well…. 我都唔想你再搵我，大家收皮啦！

事實證明Queenie的信念真係「搏」字一個，其實當你感到對方真係有點問題，不要咁傻豬去「搏」對方的朋友「可能ok」。要自己俾錢，仲要同班傻仔去船河，其實真係好戇居！好彩有Tasha這個甜心陪著我。

順帶一提那位心戰男，前2日突破性大家open講多一點，得知他基於工作壓力想搵人傾計，其實男人事業有問題，基於尊嚴問題，唔可以同老婆/ 女朋友講，又唔會同朋友講。其實到現在大家都無問大家的感情狀況，我就突然醒覺這些短訊其實好浪費時間，因為不會有任何結果。加上他是台灣人，大家分隔異地，我有暗示過他可去個旅行散個心再重整工作，他都無好還是什麼的。

我記得曾經睇過一篇文章，應該是He is just not that into you，裡面提到千祈不要成為幫助男人渡過難關的女人，因為當男人事業有問題的時候，他的心根本不在感情事上，對你的感情也不會是真的，他需要你是因為無助﹑無自信，甚至係無錢；到他克服到難關的時候，無邊幾個還記得當初鼓勵他﹑開解他的女性友人，而這個女性友人very unlikely會成為他的女朋友，尤其他最脆弱的一面都給你看過了，大家的關係不能推高過友情這個層次。除非你一路是她女朋友，否則當他企返起身，自信返來，身光頸靚的時候，他定會識一個靚女，甚至追返之前嫌佢無事業的前度。哈哈，後面的是我亂想得太多，不過我認為不足為奇。且看這位台灣男士，高大樣又唔錯，熱愛運動，放假不是去蒲，而是留在家種菜打掃看書，簡直就是另一個金城武。不過現在知道他的心根本無諗過跟我有任何發展，就清醒很多了，對那些曖昧的短訊再無特別的感覺。

Finding Mr Right

朋友酒吧開張，Betty好久也沒有晚上出現在酒吧了。新識了4-5位男士，都有問Betty攞電話，並真係有Whatsapp我，好多人攞左根本唔會真係搵，所以係出乎意料之外。從前Betty跟Queenie去酒吧，只有男人問她拿電話，Betty只會是搭單的那個。不知道Betty是否真的索了，還是選對了去蒲的人。我自己覺得，its all about luck! Betty可能行緊桃花運，多於係因為以上2個因素。

的確，到你想放棄的時候，機會就會來，唔知點解？這一刻，我真的覺得，有無男朋友都不重要了，反正有唔一定快樂，還可能會唔開心。幾位新相識的男士都有date我，其實比著我係男人，除非對方係超級唔得，否則我都會date，因為未date過根本不知道對方實質係點樣，這一餐是十分抵俾的，雖然也有cheap男expect係AA制。

Anyway，對於好耐無發市的Betty而言，是個好的開始。

那個message心理戰的男士，只要控制到自己唔好太認真，其實都幾sweet！且看過多一個月，這些甜蜜的對話是否仍然健在。

最近在看Humfrey Hunter的 ‘Finding Mr Right’，其中有2頁想在此分享︰

Can your badly worded texts mess it up?

If he likes you he likes you and if he doesn’t, he doesn’t. Your slight ambiguous text will make no difference whatsoever. The decision has already been made. In fact, if you send him a slightly clumsy and embarrassing message that will probably make him like you even more because he’ll know you like him and are a little bit kooky. We like that.

好多時我們收不到對方的回覆，都認為是自己寫錯什麼﹑語氣不妥，翻看很多很多次，思索好久好久，「真不應該這樣回應，可能我這樣說太公主了/ 太粗魯了…… 」諸而此類，看到這篇，令我跟心戰男的心戰來得容易一點。沒錯，他是喜歡你的，你說什麼他都喜歡，既然如此，何須想自己是否說錯了什麼？不回就罷 了，just go ahead to search another one!

How to pick out a bad boy?

Does he repeatedly blow out hot and cold, sometimes ignoring your messages, thus leaving you feeling tense and anxious and constantly thinking about when he’s going to get back to you? At other times, does he reply immediately, wanting to see you as soon as possible? If so, then he’s a bad boy and HE’S PLAYING YOU.

超喜歡最後一句，如果搞咁多野最後是原來係玩緊你，那你還這樣戇居去認為自己send錯什麼嗎？如果你喜歡一個男生，你會幾天不回覆他的短訊嗎？Probably NO! 其實道理好簡單，只是女生一般會俾曾經一絲的甜蜜，或對對方的過份愛慕而欺騙了自己。

這本書我還未看完，但覺得幾好睇，入面有好多examples，作者自身經歷﹑他身邊的朋友，even披露了追他女朋友時的心態，還找來他的女朋友去寫當時被追的情況，她如何react，幾interesting~ 推介給大家！